Wlɛfeleseɔn 22:15 - Ku̍o̍ Delee 1999

¹⁵ Sììjii̍ nu̍ nyɔ̍ ke, wù po̍ nyɔ̍ ke, gbǎn nu̍ nyɔ̍ ke, nyɔ̍ gbe̍ja̍a̍ poe nyɔ̍ ke, kwɛ̍i̍n gbo̍ᵻ wɛɛ sà nyɔ̍ ke nyɔ̍ kli̍hgbɛ̍ ùh jbɛɛ-a si̍h tmɔ̌ dɛɛ ma̍u̍-ɛ, u̍h bo ùh-a mu̍ sɔ̀n sie.

Wlɛfeleseɔn 22:15 Iomraidhean Croise

Matio 7:6

“Dɛ̍ ɛ̀ kɔn-a dǒ Nyɔsoa we̍-ɛ, mɔ̀ bɔ̌ ɛ̍ gbèᵻ nyǐ-ɛ. Mɔ̀-a jɛ nyǐ ɛ̍ i̍h-ɛ, i̍h-a mu̍ kwa̍ i̍ bǐi sǔh i̍h iě mɔ̀ nmu̍. Nɛ̀ mɔ̀ bɔ̌ mɔ̀-a pɛ̀ɛ̀ dɛ̍ᵻ ìh gbǎ-a dɛ̍kɛ̍n-ɛ dǒ be̍e̍ᵻ jǔ i̍ po̍-ɛ, i̍h se̍ i̍h-a dɛ̍ i̍ juo. Ɛ̍ tìh-ɛ, i̍h-a mu̍ i̍h kɛ̍n i̍ na sǔh.”

Matio 8:12

Sɔ nɛ̀ nyɔ̍ ùh kɔn ùh iě-a dě Nyɔsoa-a kmɔ̌ wlu̍ i̍ kɔn-ɛ di̍i̍ nɛ de-ɛ, u̍h-a mu̍ sɔ̀n poe-ɛ dě kwile-e. Dě u̍h-a mu̍ nɛ u̍h iě fìn, u̍h iě nynɛ̌ di̍ kìàǎnkìàǎn.”

Chɔɔn 8:46

Mɔ̀-a nyɔ̍we̍ bo ɔ̀ jě ǐn gblɛ̍n sɔ̀ɛ̀n nu̍ la̍ wɛ̀ sàì ɛ? Dɛ̍nu̍ pò ǐn sà tìh-a taǐn-ɛ, wɛ̀ mɔ̀-ɔ dǎɛ ǎn wlu̍ tìh ɛ?

Nu̍-dɛ̍ᵻ 8:11

Sɔ dǒ ɔ̍ de̍e̍ bo u̍h wɔ̀ wɛ̀ sǔh, dɛ̍nu̍ɛ, ɔ̍ wlè wòjù nu̍ gbai wɛ̀. Ɛ̍ kɔn ɛ̍ sàɛ̀-e u̍h-a wlùh i̍.

Felepai 3:2

Gbèᵻ la ùh-a nu̍-a dɛ̍ᵻ sɔ̀nᵻɛ́, mɔ̀ nu̍ nɛnɛ̌ dǒ u̍h pùn. U̍h la̍ nyɔ̍ kɔn nyɔ̍ iě plɔ̀n gbǎ dǒ nyi̍ɔ̍-a sɔ̍n we̍ wɛ̀ u̍h iě Nyɔsoa nyɔ̍ nu̍.

Kalase 3:6

Ìh la bo ìh-a ja Nyɔsoa-a jlu̍h dǒ nyɔ̍ ùh-u jě-a ɔ̍ dɛ̍ɛ̍-ɛ we̍.

1 Timote 1:10

Ɛ̍ poe-ɛ dǒ gbǎn nu̍ nyɔ̍ ke tba̍ɛ kɛ̍n i̍ nu̍ nyɔ̍ we̍. Ɛ̍ poe-ɛ dǒ bɔ̍lɔ nyɔ̍ di̍ wli̍ ke si̍h tmɔ̌ nyɔ̍ we̍. Ɛ̍ poe-ɛ dǒ po̍ wlu̍ tɔ̀ma̍a̍ nɛ̀ nɛ̀ nu̍ ɛ̍ nyɔ̍ we̍, ɛ̍ ke nǎ po̍-ɛ kli̍hgbɛ̍ ìh se̍-a Nyɔsoa-a wìè gba̍-a ke.

Wlɛfeleseɔn 18:23

Chlǎn nape̍-a sɔ̀npli se̍ gba̍ fa̍n dɛ dǒ ìn di̍i̍. Nynɔ̌ delee ke kɔan delee-a wlu̍ se̍ gba̍ wɔ̌n-ɛ mu̍ dɛ dǒ ìn di̍i̍. Àn pɛlǔh po̍ nyɔ̍ bo ùh ku̍ wɔ̍n de nɔ̌ kmɔ̌ kli̍hgbɛ̍ la we̍, wɛ̀ àn wù po̍-ɛ boe bloa̍ kli̍hgbɛ̍ i̍.”

Wlɛfeleseɔn 21:27

Jɛ dɛ̍-ɛ se̍ nɛi̍ wɛ̀ wɛ̀ ɛ̍-ɛ sǐ-e i̍, ɛ̍ ke nyɔ̍ jɔ nu̍-a sììjii̍ ke si̍h tmɔ̌ dɛ̍-ɛ ke. Jɛ ùh kɔn nynɛ̌ chlǐh-a dě Blawɛ̌ Jǔ-a feɛ chlǐh-dɛ̍ di̍i̍-ɛ, u̍h nɛ due bo ùh-a mu̍ dě-e i̍ sǐ.

Wlɛfeleseɔn 21:8

Jɛ faɛn nyɔ̍ ke, se̍ wlùh gbaɛ blě nyɔ̍ ke, ùh-a nu̍-a sììjii̍-ɛ ke, nyɔ̍ gbe̍ja̍a̍ poe nyɔ̍ ke, gbǎn nu̍ nyɔ̍ ke, wù po̍ nyɔ̍ ke, kwɛ̍i̍n gbo̍ᵻ wɛɛ sà nyɔ̍ ke, si̍h tmɔ̌ nyɔ̍ kli̍hgbɛ̍ u̍h-a nɛ la̍-a mu̍ dě pɔ̀nɔ̌ nɛ̍-a pàìbǒ di̍i̍ nu̍. Ɛ̍ bo ɛ̀ nu̍ mɛ̌ɛ-a sɔɔ̌n naɛ.”