Wlɛfeleseɔn 22:14 - Ku̍o̍ Delee 1999

¹⁴ Nyɔ̍ ùh wɔ̍lɔ-a u̍h-a dɛ̍wlo̍o̍ᵻ pihpǐh-ɛ, nɛ̀ u̍h nmɔ i̍. U̍h-a mu̍ dǒ wlɔ̀ laa̍ di̍i̍ i̍ sǐ ka̍ nɛ dǒ saǎn-a pa̍la̍ wɔ̍nᵻ laa̍ di̍i̍ jii-ɛ we̍, wɛ̀ u̍h iě tu̍ ɛ̀ nyǐ-a nyɔ̍ feɛ-ɛ ɛ̍ buǒ di̍.

Wlɛfeleseɔn 22:14 Iomraidhean Croise

Chɔɔn 10:7

Ɛ̍ kɔn Jusu wlu dɛ dě u̍h we̍, ɔ̍ la̍a̍, “Tìh-a taǐn ǎn sèàɛ̍ mɔ̀ wlùh, mɔ̍ bo ɔ̀ nu̍ kòò-a wɔ̍n dǒ blawɛ̌ᵻ we̍.

Chɔɔn 10:9

Mɔ̍ bo ɔ̀ nu̍ kòò-a wɔ̍n. Nyɔ̍ jɔ mu̍-a ǐn we̍ jii-ɛ, nɛ̀ ɔ̍ mu̍ pǔh. Nɛ̀ ɔ̍ mu̍ pa̍ sǐ sɔ̀n nu̍, wɛ̀ ɔ̍ iě di̍-dɛ̍ jě.

Chɔɔn 14:15

“Pò mɔ̀ jbɛɛ m-ɛ, nɛ̀ mɔ̀-a mu̍-o ǎn telě i̍ tè,

Chɔɔn 14:6

Jusu la̍a̍ dě ɔ̍ we̍, “Mɔ̍ bo ɔ̀ nu̍ wìè, ɔ̀ nu̍ tìh-a taǐn, ɛ̍ ke feɛ ke. Nyɔ̍ se̍ dě ǐn ja̍a̍ jii-ɛ, nɛ̀ ɔ̍-ɔ mu̍ dě ǐn Baa we̍.

Chɔɔn 4:12

À baa Jekɔ bo ɔ̀ nyǐ à nǐ biě la. Ɔ̍ chɛ̀ ke, ɔ̍ jɔ̍gbauᵻ nynuu̍ ke, ɔ̍ nɛadɛᵻ bo ùh-a nǎ nǐ la. Nɛ̀ àn pɔ̀n ìè wɔ̍n ku̍ ìè ɔ̍ sìì ae?”

1 Kɔwlɛntiɔn 7:19

Nyɔ̍ gbǎ plɔ̀n o, nyɔ̍ se̍ plɔ̀n gbǎ o, ɛ̍ tìh se̍ kma. Nyɔsoa-a telě i̍ tè tìh bo ɛ̀ kma.

1 Kɔwlɛntiɔn 8:9

Ɛ̍ tìh-ɛ, mɔ̀ nu̍ nɛnɛ̌ mɔ̀-a de̍e̍ i̍ flɔn-ɛ je̍e nyɔ̍ ùh kɔn wlùh gbaɛ se̍-a i̍ ku̍-ɛ blu̍ja̍a̍ po̍.

1 Kɔwlɛntiɔn 9:5

Nɛ̀ à se̍ i̍ blaɛ à iě Nyɔsoa nynɔ̌gbaɔᵻ blě wɛ̀ à iě u̍h wìèlè gba̍ ae? Ɛ̍ kɔn blaiɛ̍ bo Klai-a gba̍tòà duuh ke Joi de̍di̍i̍ᵻ ke Pitɛ-a nu̍.

Kelesea 5:6

Dě Jusu Klai ja̍a̍ nɔ̀ɔ̍, nyɔ̍ gbǎ plɔ̀n o, nyɔ̍ se̍ plɔ̀n gbǎ o, ɛ̍ se̍ tìh-a chɛ̀. Jɛ wlùh gbaɛ bo ɛ̀ iě jě-ɛ dě jbɛɛ di̍i̍ tìh kma.

1 Chɔɔn 3:3

Nyɔ̍ jɔ tè-a Nyɔsoa wlì ɛ̀ la ɛ̍ tìh-ɛ, nɛ̀ ka Klai nu̍-a wlaǎwla nɛ-ɛɛ, kǎ ɔ̍ nu̍ ɔ̍ chɛ̀-a wlaǎwla nu̍-ɛ wɛ̀ ke.

1 Chɔɔn 5:3

Nyɔsoa-a telě dɛ̍ɛ̍ jě-ɛ bo ɛ̀ nu̍ à Nyɔsoa-a jbɛɛ. Ɔ̍ telě dɛ̍ɛ̍ jě-ɛ se̍ wɔ̍n kma.

Wlɛfeleseɔn 2:7

“Nyɔ̍ ɔ̀ flɔn-a dounᵻɛ́, nɛ̀ ɔ̍ po̍ dě dɛ̍ Nyɔsoa-a Sùù bla̍-a dě chɔchi̍h nyɔ̍ we̍-ɛ dounᵻ. “Nyɔ̍ ɔ̀ sà-a dɛ̍ sɔ̀n klà-a, tu̍ ɛ̀ nɛ-a dě Nyɔsoa-a wlɔ̀ plǔ di̍i̍ ɛ̀ nyǐ-a nyɔ̍ feɛ-ɛ, nɛ̀ ǎn mu̍ ɛ̍ buǒᵻ ɔ̍ nyǐ ɔ̍ iě i̍h di̍.”

Wlɛfeleseɔn 21:12

Ɛ̍ blě wɔ̍n ku̍ saǎn tɔ̀ɔ̀n ɛ̍ sì-i ɛ̍ de̍e̍ i̍. Wɛ̀ ɛ̍ blě pa̍la̍ wɔ̍nᵻá pùè jɔ̌ sɔɔ̌n, iě Nyɔsoa-a ǐnchɔ̀-a pùè jɔ̌ sɔɔ̌n-a due due nɛ i̍h kli̍hgbɛ̍ we̍ i̍. Iě chɛ̌tu-a pùè jɔ̌ sɔɔ̌n ùh nu̍-a Eslɔɛ nyɔ̍-ɛ, u̍h-a nynɛ̌ chlǐh-ɛ due due dǒ pa̍la̍ wɔ̍nᵻ laa̍ pùn.

Wlɛfeleseɔn 21:27

Jɛ dɛ̍-ɛ se̍ nɛi̍ wɛ̀ wɛ̀ ɛ̍-ɛ sǐ-e i̍, ɛ̍ ke nyɔ̍ jɔ nu̍-a sììjii̍ ke si̍h tmɔ̌ dɛ̍-ɛ ke. Jɛ ùh kɔn nynɛ̌ chlǐh-a dě Blawɛ̌ Jǔ-a feɛ chlǐh-dɛ̍ di̍i̍-ɛ, u̍h nɛ due bo ùh-a mu̍ dě-e i̍ sǐ.

Wlɛfeleseɔn 22:2

Ɛ̍ jii dǒ wìè nɛ-a dǒ wlɔ̀-ɛ ɛ̍ wèa̍. Nǐ klaa-a chɛ̀ ɛ̍ fɔ̌ jɛ-ɛ nɛ̀ tu̍ ɛ̀ nyǐ-a nyɔ̍ feɛ-ɛ nyna doǒ i̍. I̍h-a nu̍ tlo-ɛa pùè jɔ̌ sɔɔ̌n dǒ sɔ̀n di̍i̍. I̍h-a nu̍ tlo-ɛa due dǒ chǔh di̍i̍. I̍h-a wlɔ̍nᵻ kɔn dǒ bloa̍ kli̍hgbɛ̍ pǔh-iɛ we̍.

Wlɛfeleseɔn 22:7

Jusu la̍a̍, “Nɛ̀ɛ̍, ǎn mu̍ ji̍ suei̍. Chlǐh-dɛ̍ la dɛ̍ ɛ̍ sà-a ìh-a nɛ-a ke jih-a mu̍-a nɛ dě nya̍-ɛ, nyɔ̍ ùh gbɛ̍n-a ɛ̍ i̍-ɛ, nɛ̀ u̍h nmɔ i̍.”

Wlɛfeleseɔn 7:14

Wɛ̀ na̍a̍, “Nyɔ̍ klaa, ǐn se̍ u̍h-a dɛ̍ i̍ juo. Mɔ̀ bo ɔ̀ juo u̍h.” Iě ɔ̍ la̍a̍ dě ǐn we̍, “Nyɔ̍ la ùh jii-a dě jua̍i̍ sàɛ̀ klaa di̍i̍-ɛ u̍hɔ̍ɔ̍ bo. U̍h wɔ̍lɔ u̍h-a plɛ̀i̍ᵻ wɛ̀, iě u̍h plǔ i̍ i̍h dǒ Blawɛ̌ Jǔ-a nymɔ̍ we̍.