Wlɛfeleseɔn 22:11 - Ku̍o̍ Delee 1999

¹¹ Bɔ̌ dɛ̍ᵻ sɔ̀nᵻ nu̍ nyɔ̍ gba̍ u̍h-a dɛ̍ᵻ sɔ̀nᵻ dluwe̍ i̍, iě sììjii̍ nu̍ nyɔ̍ iě u̍h-a sììjii̍ nu̍-ɛ dluwe̍ i̍ gba̍. Nɛ̀ i̍ slɛ̌-nyɔ̍ gba̍ u̍h-a i̍ slɛ̌-ɛ dɛ̍ᵻ dluwe̍ i̍, iě nɛi̍ wɛ̀ nyɔ̍ iě u̍h-a nɛi̍ wɛ̀-ɛ dluwe̍ i̍ gba̍.”

Wlɛfeleseɔn 22:11 Iomraidhean Croise

Matio 15:14

Mɔ̀ sà dě u̍h we̍ dounᵻ, u̍h dɔ̌-ɛ iě u̍h-a naɛ dɔ̌-nyɔ̍-ɔ. Pò dɔ̌-nyɔ̍ ja dɔ̌-nyɔ̍-ɔ naɛ-ɛ, nɛ̀ u̍h nɛ-a sɔɔ̌n-ɛ, u̍h-a mu̍ biě gbǎ.”

Matio 21:19

Dǒ ɔ̍ jě-e fei-tu̍, wɛ̀ ɔ̍ mu̍ dě ɛ̍ we̍. Jɛ ɔ̍ se̍ ɛ̍ buǒ ja̍ jɛɛ, wlɔ̍nᵻá sǔh bo ìh nɛ dě ɛ̍ ja̍. Wɛ̀ ɔ̍ la̍a̍ dě ɛ̍ we̍, “Ìn se̍ gba̍ buǒ po̍ dɛ-o.” Tu̍ laa̍ dǒ ɛ̍ nyna iě ɛ̍ klǎn.

Matio 25:10

Dě chlǎn tɛ̀n la̍ bo u̍h maɛ, wɛ̀ jɔ̍gbau kɔn nynɔ̌-a ji̍-a jla̍-ɛ, iě ɔ̍ nyni̍. Wɛ̀ juh kɔn nape̍ᵻ nɛ-a chlǎn di̍i̍-ɛ, u̍h ke ɔ̍ pa̍ dě peě tù-i gbò. Iě gbò-a chɛ̀ dǔ wɔ̍i̍n ka̍n-ɛ.

Matio 5:45

Ɛ̍ bo ɛ̀ mu̍ ɛ̍ nu̍ iě mɔ̀ Baa nɛ-a dě ja̍i̍wlɔ̀-ɛ, wɛ̀ mɔ̀ iě ɔ̍ nynuu̍ nu̍. Dɛ̍nu̍ɛ, ɔ̍ nu̍ jlǔh iě ɛ̍ wlǔh kwlǎ dǒ dɛ̍ sɔ̀n nu̍ nyɔ̍ we̍, wɛ̀ ɛ̍ wlǔh kwlǎ dǒ nyɔ̍ chɛ̀ we̍. Wɛ̀ ɔ̍ dbo̍ nǐ dǒ i̍ slɛ̌-nyɔ̍ we̍, iě ɔ̍ dbo̍ ɛ̍ dǒ se̍ i̍ slɛ̌-nyɔ̍ we̍.

Matio 5:6

“Nyɔ̍ ùh kɔn wlùh-a nu̍-a jàjà ùh iě-a dɛ̍ Nyɔsoa-a pɔ̀n-a i̍-ɛ nu̍-ɛ, nɛ̀ u̍h nmɔ i̍. Dɛ̍nu̍ɛ, Nyɔsoa-a mu̍ u̍h-a wlùh i̍ tè-e.

Chɔɔn 8:21

Jusu la̍a̍ dě u̍h we̍ dɛ, “Ǎn mu̍ la̍ ǎn dɛ̍, wɛ̀ mɔ̀ iě ǐn i̍ pɔ̀n. Jɛ nɛ̀ mɔ̀-a mu̍ mɛ̌ dě mɔ̀-a gblɛ̍n sɔ̀ɛ̀n di̍i̍. Tà ǎn mu̍-aɛ, mɔ̀ se̍-e mu̍-ɛ bɛ̌ɛ mu̍.”

Ɛfɛsɔ 5:27

Ɔ̍ nu̍ ɛ̍-ɛ wɛ̀ chɔchi̍h iě dǒ ɔ̍ we̍ i̍ wɔ̀ wɛ̀ ɛ̍ iě maloo nɛ. Ɛ̍ ku̍ se̍ tlǎ, iě ɛ̍ fɛ̍nɛ. Dɛ̍wɛ dɛɛ-a chɛ̀ se̍ ɛ̍ i̍ nɛ ke. Ɛ̍ wɛ̀ nɛi̍ iě ɛ̍ nynɛ̌ se̍ kɔ̌.

Kalase 1:22

Jɛ kaka la̍ ɔ̍ Jǔ ɔ̀ mɛ̌-a dě nyi̍ɔ̍ku di̍i̍-ɛ, ɛ̍-ɛ nɛ kmɔ̌ iě Nyɔsoa ke mɔ̀-a kmɔ̌ gbe̍ɛ̍ɛn i̍ wɛ̀. Mɔ̀ wɛ̀ nɛi̍ iě mɔ̀ nɛ wlaǎwla, mɔ̀-a nu̍-dɛ̍ᵻ wɛ̀ gblɛ̍ja̍i̍ dě ɔ̍ jlǐh.

2 Timote 3:13

Nɛ̀ dɛ̍ᵻ sɔ̀nᵻ nyɔ̍ ke de̍ sì nyɔ̍-a mu̍ dě de̍i̍ gbǎ. U̍h-a boe nyɔ̍ɔ i̍, iě u̍h-a boe u̍h-a chɛ̀ i̍ ke.

Judi 1:24

Nyɔsoa bo ɔ̀ bɛ̌ɛ kmɔ̌ nɛ-ɛ iě mɔ̀ se̍ tàmlain gbǎ-ɛ mu̍, wɛ̀ mɔ̀ iě nɛi̍ wɛ̀. Nɛ̀ ɔ̍ mu̍ mɔ̀ dǒ ɔ̍ chɛ̀ jlǐhwai gba̍ dǒ mɔna̍ dɔu we̍, wɛ̀ mɔ̀ iě ɔ̍ tìh-a i̍ bɛ̌-ɛ jě.

Wlɛfeleseɔn 16:21

Iě seɔn gbo̍ᵻ klaaᵻ ìh ke kɔɔ bɔlɔ-a kwa̍ ku̍-ɛ beɛ̍ɛ-a, wɛ̀ i̍h blu̍ dě ja̍i̍. Wɛ̀ i̍h gbǎ nyɔ̍ɔ kɛ̍n, iě u̍h-a po̍ Nyɔsoa wlu̍we̍i̍ ɔ̍ dlǐ seɔn gbo̍ᵻ dbo̍ tìh. Dɛ̍nu̍ɛ, ɛ̍ nu̍ dlǐ dɛ̍-a kanɛa naɛ.

Wlɛfeleseɔn 22:3

Dɛ̍ ɛ̀ Nyɔsoa po̍-a wlu̍we̍i̍-ɛ, ɛ̍ se̍ dǒ wlɔ̀ laa̍ di̍i̍ nɛ mu̍. Nyɔsoa ke Blawɛ̌ Jǔ-a nynɛ̌ gbalǎ bo ɛ̀ mu̍ dǒ wlɔ̀ laa̍ di̍i̍ nɛ, wɛ̀ ɔ̍ pòi̍nynuu̍ iě ɔ̍ wɛɛ sà.