Wlɛfeleseɔn 22:10 - Ku̍o̍ Delee 1999

¹⁰ Wɛ̀ ɛ̍ la̍a̍ dě ǐn we̍, “Bɔ̌ dɛ̍ ɛ̀ chlǐh-dɛ̍ la ɛ̍ sà-a ìh-a nɛ-a ke jih-a mu̍-a nɛ dě nya̍-ɛ sìle-ɛ, dɛ̍nu̍ɛ, ti̍ kɔǎn we̍ wɛ̀.

Wlɛfeleseɔn 22:10 Iomraidhean Croise

Matio 10:27

Dɛ̍ ǐn sèàɛ̍-a mɔ̀ wlùh dě kwile-ɛ, nɛ̀ mɔ̀ gba̍ ɛ̍ dǒ gbaɛ̍we̍ wɛ̀ mɔ̀ iě ɛ̍ bla̍. Nɛ̀ dɛ̍ ǐn paɛ-a mɔ̀ slǎn-a, nɛ̀ mɔ̀ bla̍ ɛ̍, mɔ̀-a wlu̍ iě dě gbò tɔ̀u̍nwe̍ jii.

Wloma 13:11

Kǎ mɔ̀ iě nu̍, dɛ̍nu̍ɛ, mɔ̀ juo ti̍ à nɛ-a ka kɛ̍n-ɛ. Ti̍ nyni̍-o wɛ̀ mɔ̀ iě nyinɔ̍ jlǐh i̍ sà. Ti̍ Nyɔsoa-a mu̍-a à pǔh-iɛ, ɛ̍ kɔǎn we̍ wɛ̀ kaka ɛ̍ sìì ti̍ jɛ à iě-a wlùh gbaɛ-ɛ blě-ɛ i̍ sàɛ̀-ɛ.

Wloma 13:12

Wlù la ɛ̍ tɛn dlǔ wɛ̀, sɔ̀n-a ji̍ la̍ sɛ̀n la̍. Ɛ̍ tìh-ɛ, mɔ̀ à tǎli kwile-a dɛ̍ᵻ i̍, mɔ̀ à dǔ fɔ̀n-dɛ̍ᵻ i̍ à iě tu̍h fɔ̀n dě sɔ̀npli di̍i̍.

2 Tɛsoloniɔn 2:3

Mɔ̀ bɔ̌ wɔ̌n-ɛ nyɔ̍ bɔ̌ mɔ̀ i̍ boe-ɛ dǒ dɛ̍-o-dɛ̍ we̍. Dɛ̍nu̍ɛ, pò weɛ̍ laa̍ ɛ̍ iě ji̍-ɛ, nɛ̀ Nyɔsoa kɛ̍n i̍ poe-ɛa mu̍ nɛ, wɛ̀ Nyɔ̍ Sɔ̀n iě à kɛ̍n wlǔh-i. Ɔ̍ tìh chɛn i̍ wɛ̀ ɔ̍ iě-e gbɔ̀lɔ-ɛ.

1 Pitɛ 4:7

Dɛ̍ᵻ kli̍hgbɛ̍ i̍h-a dlǔ i̍ chlà-a kɔǎn we̍ wɛ̀. Ɛ̍ tìh-ɛ, mɔ̀ po̍ mɔ̀-a chɛ̀ gba̍a̍, mɔ̀ iě mɔ̀-a chɛ̀ jlǐhɛ̍ tù, wɛ̀ mɔ̀ iě ba̍le-ɛ bɛ̌ɛ.

Wlɛfeleseɔn 1:11

Ɛ̍ la̍a̍, “Chlǐh dɛ̍ ìn jě-a dě chlǐh-dɛ̍-a gbo̍lo̍ di̍i̍-ɛ, nɛ̀ ìn dbo̍ ɛ̍ dě chɔchi̍h nyɔ̍ nɛ-a wlɔ̀ᵻ mɛ̀sɔɔ̌n la di̍i̍ i̍-ɛ we̍, Ɛfɛsɔ ke Smana ke Pɛkamɔ ke Taɛtawla ke Sade ke Feledɛɛfia ke Leodesia.”

Wlɛfeleseɔn 1:3

Nyɔ̍ ùh-a slè-a dɛ̍ ɛ̀ chlǐh-dɛ̍ la ɛ̍ sà-a ìh-a nɛ-a ke jih-a mu̍-a nɛ dě nya̍-ɛ, nɛ̀ u̍h nmɔ i̍. Nɛ̀ dɛ̍ᵻ ìh nɛ-a dě ɛ̍ di̍i̍ pò nyɔ̍ wɔ̌n i̍h, wɛ̀ u̍h iě i̍h i̍ gbɛ̍n-ɛ, nɛ̀ u̍h nmɔ i̍. Dɛ̍nu̍ɛ, ti̍ ìh la i̍h-a mu̍-a nɛ-ɛ, ɛ̍ kɔǎn we̍ wɛ̀.

Wlɛfeleseɔn 10:4

Tɛ̀n mɛ̀sɔɔ̌n wɔ̀-a plǎn-aɛ, ǎn ji̍ la̍ chlǐh la̍ de sǔh, wɛ̀ ǐn wɔ̌n wlu̍ ɛ̍ sɔ dě ja̍i̍wlɔ̀. Ɛ̍ la̍a̍, “Bɔ̌ tɛ̀n mɛ̀sɔɔ̌n-a wlu̍ laa̍ chlǐh-ɛ, tè i̍h tà i̍.”

Wlɛfeleseɔn 22:16

“Mɔ̍ Jusu, mɔ̍ bo ɔ̀ dbo̍ ǎn ǐnchɔ̀ dě mɔ̀ we̍ ɛ̍ iě wlu̍ la bla̍ dě chɔchi̍h nyɔ̍ we̍. Mɔ̍ Depe-a jǔ, ǐn sɔ dě ɔ̍ chɛǐ, iě ǐn wɔ̀ chǔhtlɛ̀n ɛ̀ fa̍n-a chàa̍n klàɛ̍we̍-ɛ.”

Wlɛfeleseɔn 22:18

Mɔ̍ Chɔɔn, ǎn gbòɛ̀ɛ̀ nyɔ̍ kli̍hgbɛ̍ ùh wɔ̌n-a dɛ̍ ɛ̀ chlǐh-dɛ̍ la ɛ̍ sà-a ìh-a nɛ-a ke jih-a mu̍-a nɛ dě nya̍-ɛ. Pò nyɔ̍-o-nyɔ̍ po̍ i̍h dɛ̍ kɛ̍n-ɛ, nɛ̀ dlǐ dɛ̍ᵻ ìh kɔn tìh sà-ɛa nɔ̌ chlǐh-dɛ̍ la di̍i̍-ɛ, nɛ̀ i̍hɔ̍ɔ̍ bo Nyɔsoa-a mu̍ ɔ̍ kàn gbɛ̍n-ɛ.

Wlɛfeleseɔn 22:20

Jusu ɔ̀ bla̍-a ìh la-ɛ, ɔ̍ la̍a̍, “I̍i̍n, ǎn ji̍-i suei̍.” Kǎ ɛ̍-ɛ nɛ. Ji̍ Joi Jusu.

Wlɛfeleseɔn 22:7

Jusu la̍a̍, “Nɛ̀ɛ̍, ǎn mu̍ ji̍ suei̍. Chlǐh-dɛ̍ la dɛ̍ ɛ̍ sà-a ìh-a nɛ-a ke jih-a mu̍-a nɛ dě nya̍-ɛ, nyɔ̍ ùh gbɛ̍n-a ɛ̍ i̍-ɛ, nɛ̀ u̍h nmɔ i̍.”

Wlɛfeleseɔn 22:9

Jɛ ɛ̍ la̍a̍ dě ǐn we̍, “Bɔ̌ laǎn nu̍-ɛ. Mɔ̍ pòi̍ju ke ka ìn ke ìn de̍di̍i̍ᵻ nu̍-a pòi̍nynuu̍ ke Nyɔsoa-a tu̍owli po̍ nyɔ̍ ke chlǐh-dɛ̍ la ɛ̍ wlu̍ i̍ gbɛ̍n nyɔ̍ nu̍-ɛɛ, kǎ ǐn nɛ ke. Nyɔsoa bo ìè wɛɛ sà.”

Wlɛfeleseɔn 5:1

Wɛ̀ ǐn jě chlǐh-dɛ̍-a gbo̍lo̍ dě ɔ̀ tè-a i̍ dǒ nynɛ̌ gbalǎ kɛ̍n-ɛ ɔ̍ di̍na̍ kwa̍a̍. Nɛ̀ ɛ̍ fɔ̌ᵻ kli̍hgbɛ̍ chlǐh-ɛ kɛ̍n i̍, iě ɛ̍ nu̍ slu̍ wɔ̍i̍n poe-ɛ gbɔ̍ᵻ mɛ̀sɔɔ̌n.