Wlɛfeleseɔn 21:6 - Ku̍o̍ Delee 1999

⁶ Iě ɔ̍ la̍a̍ dě ǐn we̍, “Ɛ̍ wɛ̀ i̍ wɛ̀. Mɔ̍ bo ɔ̀ nu̍ dɛ̍ᵻ kli̍hgbɛ̍-a Gbɔ̀ Tè-ɛ ke i̍h-a Dlǔ I̍ Chlà-a. Mɔ̍ bo ɔ̀ nu̍ de̍ ke nya̍. Nyɔ̍ ɔ̀ nǐ nǎ tɔ̌n-a nu̍-aɛ, nɛ̀ ǎn mu̍ ɔ̍ nǎ-nǐ ɛ̀ sɔ-a dě kao̍dlu ɛ̀ nyǐ-a nyɔ̍ feɛ-ɛ nyǐ bu̍ɛ̍i̍.

Wlɛfeleseɔn 21:6 Iomraidhean Croise

Chɔɔn 4:10

Wɛ̀ Jusu la̍a̍, “Pò ìn juo Nyɔsoa-a nyǐ-dɛ̍ de wɛ̀ ìè nyɔ̍ ɔ̀ jbǎ-ɛa ìn nǐ-ɛ juo ke de-ɛ, nɛ̀ àn mu̍ ɔ̍ i̍ tèle wɛ̀ ɔ̍ iě ìn nǐ ɛ̀ nyǐ-a nyɔ̍ feɛ-ɛ nyǐ de.”

Chɔɔn 4:11

Iě nynɔ̌ la̍a̍, “Nyɔ̍ klaa, nǐ biě la ɛ̍ tɛn di̍i̍, iě ìn se̍ nǐ plǐn dɛ̍ blě, nɛ̀ tàwe̍ àn mu̍ nǐ ɛ̀ nyǐ-a nyɔ̍ feɛ-ɛ sà ɛ?

Chɔɔn 4:14

Jɛ nyɔ̍-o-nyɔ̍ ǎn mu̍-a nǐ nyǐ wɛ̀ ɔ̍ iě ɛ̍ nǎ-ɛ, nɛ̀ dǒ ɔ̍ wlì se̍ gba̍ bǔ dɛ. Nǐ ǎn mu̍-a ɔ̍ nyǐ-ɛ, ɛ̍ mu̍ kao̍dlu nu̍ dě ɔ̍ ja̍a̍, wɛ̀ ɛ̍ klɛ̀nklɛ̀n iě ɔ̍ kmɔ̌ sie feɛ nyǐ.”

Wloma 3:24

Nyɔsoa-a bu̍ɛ̍i̍ blɛ ɔ̍ nu̍-a u̍h pùn-ɛ bo ɛ̀ slɛ̌-ɛ u̍h i̍ dě ɔ̍ jlǐh. Jusu Klai ɔ̀ sà-a u̍h dě kàn kwa̍a̍-a dě ɔ̍ ja̍a̍ bo ɛ̍ jii.

Wloma 8:32

Ɔ̀ se̍-a ɔ̍ chɛ̀-a Jǔ tɛ̌n tè iě ɔ̍ sà-a ɔ̍ kwlǎ dǒ àɔ̀ kli̍hgbɛ̍ we̍-ɛ, dǒ-o bo ɔ̍ se̍ àɔ̀ dɛ̍ᵻ kli̍hgbɛ̍ nyǐ i̍ mu̍ ke ae?

1 Kɔwlɛntiɔn 2:12

À se̍ kmɔ̌ we̍ sùù-a tìh i̍ wɔ̌ɛn, jɛ Sùù sɔ-a dě Nyɔsoa we̍-ɛ, ɛ̍ tìh bo à wɔ̌ɛn wɛ̀ ɛ̍ iě kmɔ̌ nɛ à iě dɛ̍ᵻ kli̍hgbɛ̍ Nyɔsoa nyǐ-a àɔ̀-ɛ we̍ i̍ ju̍o̍e.

1 Kɔwlɛntiɔn 3:12

Nyɔ̍ duuh-a mu̍ kòo̍ nu̍ iě duuh iě sebla̍ nu̍, duuh iě sɔɔ̌ᵻ chɛ̀ nu̍, duuh iě tu̍ᵻ nu̍, duuh iě pei nu̍, wɛ̀ duuh iě seɔn gbauᵻ nu̍ u̍h iě gbò po̍ dǒ ɛ̍ kɛ̍n.

1 Kɔwlɛntiɔn 3:21

Ɛ̍ tìh-ɛ, nyɔ̍ bɔ̌ wlɔ̀ nyi̍ɔ̍-a bu̍hᵻ wlù i̍ po̍-ɛ. Dɛ̍ᵻ kli̍hgbɛ̍ kɔn dǒ mɔ̀ we̍.

1 Kɔwlɛntiɔn 3:5

Nyɔ̍ bo ɔ̀ nu̍ Apolo ɛ? Iě nyɔ̍ bo ɔ̀ nu̍ Pɔɔ ɛ? Àɔ̀ Nyɔsoa-a pòi̍nynuu̍, àɔ̀ kɔn ja̍a̍ bo mɔ̀ jii wɛ̀ mɔ̀ blě ka wlùh gbaɛ. À jɔ-ɛ, nɛ̀ Joi nyǐ ɔ̍ naɛ dɛ̍ ɔ̍ iě nu̍.

Wlɛfeleseɔn 1:11

Ɛ̍ la̍a̍, “Chlǐh dɛ̍ ìn jě-a dě chlǐh-dɛ̍-a gbo̍lo̍ di̍i̍-ɛ, nɛ̀ ìn dbo̍ ɛ̍ dě chɔchi̍h nyɔ̍ nɛ-a wlɔ̀ᵻ mɛ̀sɔɔ̌n la di̍i̍ i̍-ɛ we̍, Ɛfɛsɔ ke Smana ke Pɛkamɔ ke Taɛtawla ke Sade ke Feledɛɛfia ke Leodesia.”

Wlɛfeleseɔn 1:17

Ǐn jě-a ɔ̍-ɛ, wɛ̀ ǐn kà i̍ dǒ ɔ̍ jǔ ka nyɔ̍ mɛ̌-ɛ. Jɛ ɔ̍ tè ɔ̍ di̍na̍ sɔ̍n dǒ ǐn dlǔ i̍, iě ɔ̍ la̍a̍, “Bɔ̌ faɔn ple̍-ɛ. Mɔ̍ bo ɔ̀ nu̍ sàǐtòò nyɔ̍ ke bɔ̌ɛ-o nyɔ̍.

Wlɛfeleseɔn 1:8

Joi Nyɔsoa Ɔ̀ Blě-a Gbǐh Kli̍hgbɛ̍, ɔ̀ nɛ-a, ɔ̀ nɛ-a kmɔ̌ se̍e̍ wɛ̀ ɔ̀ mu̍-a ji̍-ɛ, ɔ̍ la̍a̍, “Mɔ̍ bo ɔ̀ nu̍ dɛ̍ᵻ kli̍hgbɛ̍-a Gbɔ̀ Tè-ɛ ke i̍h-a Dlǔ I̍ Chlà-a.”

Wlɛfeleseɔn 10:6

Iě ɛ̍ slɛ̀ɛ̀n dǒ Nyɔsoa-a nynɛ̌ kɛ̍n, ɔ̀ se̍-a mɛ̌ la̍ kɔn ɔ̀ nu̍-a ja̍i̍wlɔ̀ ke, bloa̍ ke, jbǒ ke dɛ̍ᵻ kli̍hgbɛ̍ nɛ-a i̍h kɛ̍n i̍-ɛ. Ǐnchɔ̀ la̍a̍, “Tlɛ̀n-ɛ se̍ nɛ mu̍ dɛ.

Wlɛfeleseɔn 16:17

Wɛ̀ ǐnchɔ̀-a mɛ̀sɔɔ̌n naɛ chɛ̌li ɛ̍ boo̍ dě ja̍i̍. Iě we̍le wlu̍ sɔ dě nynɛ̌ gbalǎ we̍ dě slaǎ sà gbò sɔ̀n. Ɛ̍ la̍a̍, “Ɛ̍ wɛ̀ i̍ wɛ̀.”

Wlɛfeleseɔn 22:13

Mɔ̍ bo ɔ̀ nu̍ dɛ̍ᵻ kli̍hgbɛ̍-a Gbɔ̀ Tè-ɛ ke i̍h-a Dlǔ I̍ Chlà-a. Mɔ̍ bo ɔ̀ nu̍ sàǐtòò nyɔ̍ ke bɔ̌ɛ-o nyɔ̍. Mɔ̍ bo ɔ̀ nu̍ de̍ ke nya̍.”

Wlɛfeleseɔn 22:17

Nyɔsoa-a Sùù ke Nynɔ̌ Delee la̍a̍ dě Jusu we̍, “Ji̍.” Nɛ̀ nyɔ̍ jɔ wɔ̌n-a ɛ̀ la-ɛ, nɛ̀ ɔ̍ la̍a̍ dě Jusu we̍ ke, “Ji̍.” Nyɔ̍ ɔ̀ nǐ nǎ tɔ̌n-a nu̍-aɛ, ɔ̍ ji̍. Nɛ̀ nyɔ̍ jɔ pɔ̀n-a nǐ ɛ̀ nyǐ-a nyɔ̍ feɛ-ɛ, ɔ̍ dǔ ɛ̍-ɛ bu̍ɛ̍i̍.

Wlɛfeleseɔn 3:14

Wɛ̀ ɔ̍ la̍a̍ dě ǐn we̍, “Chlǐh Nyɔsoa-a ǐnchɔ̀ ɛ̀ nɛ-a dě Leodesia wlɔ̀-a chɔchi̍h-ɛ we̍. Nɛ̀ nàa̍, “Tu̍owli la ɛ̍ sɔ dě nyɔ̍ ɔ̀ kɔn nynɛ̌ nu̍-a Kǎ Ɛ̍-ɛ Nɛ-ɛ we̍. Ɔ̍-ɔ gblìh wlu̍ kɛ̍n iě ɔ̍ nu̍ gblangbai̍ sàànsi̍i̍h. Ɔ̍-ɔ bo ɔ̀ nu̍ dɛ̍ᵻ Nyɔsoa nu̍-aɛ i̍h-a gbɔ̀.

Wlɛfeleseɔn 7:17

Dɛ̍nu̍ɛ, Blawɛ̌ Jǔ ɔ̀ nɛ-a dǒ nynɛ̌ gbalǎ-a wèa̍-ɛ, ɔ̍ bo ɔ̀ mu̍ u̍h jlǐhɛ̍ we̍ tù ka blawɛ̌ we̍ i̍ gbɛ̀n nyɔ̍-ɛ. Ɔ̍ mu̍ u̍h sɔ̍nᵻ we̍ i̍ naɛ, wɛ̀ ɔ̍ iě u̍h dě kao̍dlu ɛ̀ nyǐ-a nyɔ̍ feɛ-ɛ we̍ gba̍. Wɛ̀ Nyɔsoa iě u̍h mǐtɛɛn kli̍hgbɛ̍ jlǐh i̍ slǎn.”