Wlɛfeleseɔn 21:5 - Ku̍o̍ Delee 1999

⁵ Wɛ̀ ɔ̀ tè-a i̍ dǒ nynɛ̌ gbalǎ kɛ̍n-ɛ la̍a̍, “Ǎn nu̍ la̍ dɛ̍ᵻ kli̍hgbɛ̍ delee we̍i̍.” Ɔ̍ la̍a̍ dě ǐn we̍ ke, “Chlǐh ɛ̀ la, dɛ̍nu̍ɛ, wlu̍ la i̍h nu̍ gblangbai̍ ke wlì tè dɛ̍.”

Wlɛfeleseɔn 21:5 Iomraidhean Croise

Pɔ̀n Chɛ̀ Luu To-a La 5:38

Jɛ nmɔ̍ delee bo ɛ̀ iě dě dɛ̍ku sòlɛ̀ delee di̍i̍ gbǎ.

2 Kɔwlɛntiɔn 5:17

Pò nyɔ̍-o-nyɔ̍ ke Klai nɛ due-ɛ, nɛ̀ nyɔ̍ laa̍ ɔ̍ nu̍ nyɔ̍ delee wɛ̀. Ɔ̍ kmɔ̌ soa sì-i, wɛ̀ delee naɛ ji̍.

Iblu 12:27

Wlu̍ la ɛ̀ nu̍-a “Dode̍-ɛ,” ɛ̍ flɔn-ɛ ɛ̍ we̍i̍ ka dɛ̍ᵻ ìh nui-aɛ, i̍h-a mu̍ i̍ sèke-ɛ, wɛ̀ i̍h iě tèla̍ wlǔh. Nɛ̀ dɛ̍ jɛ se̍-a i̍ sèke-ɛ mu̍-ɛ, wɛ̀ ɛ̍ iě-o sie.

Wlɛfeleseɔn 1:11

Ɛ̍ la̍a̍, “Chlǐh dɛ̍ ìn jě-a dě chlǐh-dɛ̍-a gbo̍lo̍ di̍i̍-ɛ, nɛ̀ ìn dbo̍ ɛ̍ dě chɔchi̍h nyɔ̍ nɛ-a wlɔ̀ᵻ mɛ̀sɔɔ̌n la di̍i̍ i̍-ɛ we̍, Ɛfɛsɔ ke Smana ke Pɛkamɔ ke Taɛtawla ke Sade ke Feledɛɛfia ke Leodesia.”

Wlɛfeleseɔn 1:19

Kaka la̍ dɛ̍ ìn jě-aɛ, chlǐh ɛ̍. Nɛ̀ ìn chlǐh dɛ̍ᵻ jih nɛ-aɛ ke jih-a mu̍-a nɛ dě nya̍-ɛ.

Wlɛfeleseɔn 19:9

Wɛ̀ ǐnchɔ̀ la̍a̍ dě ǐn we̍, “Chlǐh ɛ̀ la. Nyɔ̍ ùh dǎ-ɛa dǒ Blawɛ̌ Jǔ-a nynɔ̌ peě kɛ̍n-ɛ, nɛ̀ u̍h nmɔ i̍.” Iě ɛ̍ la̍a̍ dɛ, “Ìh la̍ Nyɔsoa-a tìh-a taǐn tu̍owli bo.”

Wlɛfeleseɔn 20:11

Wɛ̀ ǐn jě nynɛ̌ gbalǎ plǔ klaa, ɛ̍ ke ɔ̀ tè-a dǒ ɛ̍ kɛ̍n i̍-ɛ ke. Wɛ̀ blǔh ke ja̍u̍n ple̍ i̍h sɔ dǒ ɔ̍ jlǐhwai, wɛ̀ i̍h se̍ jě-ɛ dɛ kleǐnklein.

Wlɛfeleseɔn 22:19

Nɛ̀ pò nyɔ̍-o-nyɔ̍ sà dɛ̍ ɛ̀ chlǐh-dɛ̍ la ɛ̍ sà-a ìh-a nɛ-a ke jih-a mu̍-a nɛ dě nya̍-ɛ dɛ̍ kɛ̍n-ɛ, nɛ̀ ɔ̍ se̍ tu̍ ɛ̀ nyǐ-a nyɔ̍ feɛ-ɛ ɛ̍ buǒ di̍ ka̍ nɛ. Nɛ̀ ɔ̍ se̍ dǒ wlɔ̀ ɛ̀ kɔn-a dǒ Nyɔsoa we̍ ɛ̀ kɔn tìh chlǐh-dɛ̍ la ɛ̍ sà-ɛ di̍i̍ i̍ sǐ ka̍ nɛ ke.

Wlɛfeleseɔn 22:6

Wɛ̀ ǐnchɔ̀ la̍a̍ dě ǐn we̍, “Wlu̍ la i̍h nu̍ gblangbai̍ ke wlì tè dɛ̍. Joi Nyɔsoa ɔ̀ nyǐ-a ɔ̍ tu̍owli po̍ nyɔ̍ ɔ̍ Sùù-ɛ, ɔ̍ bo ɔ̀ dbo̍ ɔ̍ ǐnchɔ̀ ɛ̍ iě ɔ̍ pòi̍nynuu̍ dɛ̍ ɛ̀ mu̍-a nɛ suei̍-ɛ toe.”

Wlɛfeleseɔn 4:2

Dǒ tàdùè la̍-a sɔ nɛ Nyɔsoa-a Sùù jǐi ǐn i̍, iě ǐn jě nynɛ̌ gbalǎ dě ja̍i̍wlɔ̀. Nɛ̀ nyɔ̍ tè dǒ ɛ̍ kɛ̍n i̍.

Wlɛfeleseɔn 4:9

Nyɔ̍ ɔ̀ tè-a i̍ dǒ nynɛ̌ gbalǎ kɛ̍n ɔ̀ se̍-a mɛ̌ la̍ kɔn-ɛ, pò kmɔ̌ nɛ dɛ̍ᵻ laa̍ i̍h ble̍ ɔ̍ tìh-a i̍ bɛ̌-ɛ ke ja̍ tè duǐh wɛ̀ i̍h iě ɔ̍ tlɔ̌ po̍-ɛ,

Wlɛfeleseɔn 5:1

Wɛ̀ ǐn jě chlǐh-dɛ̍-a gbo̍lo̍ dě ɔ̀ tè-a i̍ dǒ nynɛ̌ gbalǎ kɛ̍n-ɛ ɔ̍ di̍na̍ kwa̍a̍. Nɛ̀ ɛ̍ fɔ̌ᵻ kli̍hgbɛ̍ chlǐh-ɛ kɛ̍n i̍, iě ɛ̍ nu̍ slu̍ wɔ̍i̍n poe-ɛ gbɔ̍ᵻ mɛ̀sɔɔ̌n.