Wlɛfeleseɔn 21:4 - Ku̍o̍ Delee 1999

⁴ Ɔ̍ mu̍ la̍ u̍h mǐtɛɛn kli̍hgbɛ̍ jlǐh i̍ slǎn. Mɛ̌ɛ ke, sùàɛ̀n pa̍-a ke, fìn-ɛ ke ku̍-a wɔ̍n kma-a se̍ nɛ mu̍ dɛ. Dɛ̍nu̍ɛ, dɛ̍ᵻ jih nɛ-a sàì-ɛ, i̍h sì i̍ wɛ̀.”

Wlɛfeleseɔn 21:4 Iomraidhean Croise

Matio 24:35

Blǔh ke ja̍u̍n-a tìh-a mu̍ i̍ sì, jɛ ǎn wlu̍ nɔ̀ɔ̍, ɛ̍ se̍ i̍ sì mu̍.

1 Kɔwlɛntiɔn 15:26

Mɛ̌ɛ bo ɛ̀ nu̍ nyɛ̌-nyɔ̍-a bɔ̌ɛ-o naɛ ɛ̀ mu̍-u gbɔ̀lɔ-ɛ.

1 Kɔwlɛntiɔn 7:31

Nɛ̀ nyɔ̍ ùh kɔn sɔ̍n sì-a da̍a kmɔ̌ we̍-ɛ, ka nyɔ̍ kɔn sɔ̍n se̍ sì-ɛ. Dɛ̍nu̍ɛ, kmɔ̌ la tu̍ ɛ̍ nɛ-ae di̍i̍ kaka-ɛ, ɛ̍ sì la̍ i̍.

2 Kɔwlɛntiɔn 5:17

Pò nyɔ̍-o-nyɔ̍ ke Klai nɛ due-ɛ, nɛ̀ nyɔ̍ laa̍ ɔ̍ nu̍ nyɔ̍ delee wɛ̀. Ɔ̍ kmɔ̌ soa sì-i, wɛ̀ delee naɛ ji̍.

2 Kɔwlɛntiɔn 6:17

Ɛ̍ tìh-ɛ, Joi la̍a̍ dě ɔ̍ nyɔ̍ we̍, “Mɔ̀ sɔ dě nyɔ̍ ùh se̍-a ǐn juo-ɛ nynɛ̌, mɔ̀ iě u̍h we̍ i̍ ti̍ɛ̍ɛn. Mɔ̀ bɔ̌ dɛ̍ ɛ̀ se̍-a nɛi̍ wɛ̀-ɛ i̍ tǔh-ɛ, nɛ̀ ǎn mu̍ mɔ̀ i̍ gbɛ̍n.

Iblu 12:27

Wlu̍ la ɛ̀ nu̍-a “Dode̍-ɛ,” ɛ̍ flɔn-ɛ ɛ̍ we̍i̍ ka dɛ̍ᵻ ìh nui-aɛ, i̍h-a mu̍ i̍ sèke-ɛ, wɛ̀ i̍h iě tèla̍ wlǔh. Nɛ̀ dɛ̍ jɛ se̍-a i̍ sèke-ɛ mu̍-ɛ, wɛ̀ ɛ̍ iě-o sie.

2 Pitɛ 3:10

Jɛ Joi-a ji̍-i weɛ̍ ke jlǐ-nyɔ̍-a dě gbò pa̍-a mu̍ wɔ̀ɛ. Dǒ weɛ̍ laa̍ di̍i̍-ɛ, ja̍u̍n-a tìh-a i̍ wɛ̀-ɛa mu̍ dě slɛ̀-ɛ jii. Nɛ̀ ɛ̍ we̍ na dɛ̍ᵻá mu̍ si̍n, wɛ̀ i̍h iě-e gbɔ̀lɔ-ɛ. Nɛ̀ blǔh ke ɛ̍ kɛ̍n i̍ na dɛ̍ᵻ kli̍hgbɛ̍-a mu̍ mǎ.

1 Chɔɔn 2:17

Kmɔ̌ la ke ɛ̍ dɛ̍ᵻ ìh nu̍-a nyɔ̍-a wlùh dɛ̍ᵻɛ́, i̍h-a sì la̍ i̍. Jɛ nyɔ̍ ɔ̀ nu̍-a Nyɔsoa-a wlùh-ɛ, nɛ̀ ɔ̍ mu̍ kmɔ̌ nɛ nɔ̌ kmɔ̌-a kmɔ̌.

Wlɛfeleseɔn 20:13

Iě jbǒ sà mɛ̌-nyɔ̍ nɛ-a dě ɛ̍ di̍i̍-ɛ kwlǎ. Wɛ̀ mɛ̌ɛ ke mɛ̌-nyɔ̍-a wlɔ̀ sà mɛ̌-nyɔ̍ nɛ-a dě i̍h we̍-ɛ kwlǎ ke. Wɛ̀ u̍h kli̍hgbɛ̍-a taɔ pa̍-ɛ dǒ u̍h-a nu̍-dɛ̍ᵻ we̍.

Wlɛfeleseɔn 20:14

Iě mɛ̌ɛ ke mɛ̌-nyɔ̍-a wlɔ̀ poe-ɛ dě pɔ̀nɔ̌ nɛ̍-a pàìbǒ di̍i̍. Pɔ̀nɔ̌ nɛ̍-a pàìbǒ laa̍ bo ɛ̀ nu̍ mɛ̌ɛ-a sɔɔ̌n naɛ.

Wlɛfeleseɔn 21:1

Wɛ̀ ǐn jě ja̍u̍n delee ke blǔh delee. Blǔh ke ja̍u̍n jih nɛ-a sàǐtòò-ɛ, nɛ̀ i̍h-a tìh wɛ̀ i̍ wɛ̀. Iě jbǒ se̍ nɛ dɛ kleǐnklein.

Wlɛfeleseɔn 22:3

Dɛ̍ ɛ̀ Nyɔsoa po̍-a wlu̍we̍i̍-ɛ, ɛ̍ se̍ dǒ wlɔ̀ laa̍ di̍i̍ nɛ mu̍. Nyɔsoa ke Blawɛ̌ Jǔ-a nynɛ̌ gbalǎ bo ɛ̀ mu̍ dǒ wlɔ̀ laa̍ di̍i̍ nɛ, wɛ̀ ɔ̍ pòi̍nynuu̍ iě ɔ̍ wɛɛ sà.

Wlɛfeleseɔn 7:17

Dɛ̍nu̍ɛ, Blawɛ̌ Jǔ ɔ̀ nɛ-a dǒ nynɛ̌ gbalǎ-a wèa̍-ɛ, ɔ̍ bo ɔ̀ mu̍ u̍h jlǐhɛ̍ we̍ tù ka blawɛ̌ we̍ i̍ gbɛ̀n nyɔ̍-ɛ. Ɔ̍ mu̍ u̍h sɔ̍nᵻ we̍ i̍ naɛ, wɛ̀ ɔ̍ iě u̍h dě kao̍dlu ɛ̀ nyǐ-a nyɔ̍ feɛ-ɛ we̍ gba̍. Wɛ̀ Nyɔsoa iě u̍h mǐtɛɛn kli̍hgbɛ̍ jlǐh i̍ slǎn.”