Wlɛfeleseɔn 21:27 - Ku̍o̍ Delee 1999

²⁷ Jɛ dɛ̍-ɛ se̍ nɛi̍ wɛ̀ wɛ̀ ɛ̍-ɛ sǐ-e i̍, ɛ̍ ke nyɔ̍ jɔ nu̍-a sììjii̍ ke si̍h tmɔ̌ dɛ̍-ɛ ke. Jɛ ùh kɔn nynɛ̌ chlǐh-a dě Blawɛ̌ Jǔ-a feɛ chlǐh-dɛ̍ di̍i̍-ɛ, u̍h nɛ due bo ùh-a mu̍ dě-e i̍ sǐ.

Wlɛfeleseɔn 21:27 Iomraidhean Croise

Matio 13:41

Nyi̍ɔ̍-a Jǔ-a mu̍ ɔ̍ ǐnchɔ̀ dbo̍, wɛ̀ nyɔ̍ kli̍hgbɛ̍ ùh-a po̍-a nyɔ̍gbei dɛ̍ᵻ sɔ̀nᵻ kɛ̍n, ɛ̍ ke juh kli̍hgbɛ̍-a nu̍-a gblɛ̍n sɔ̀ɛ̀n dě Nyɔsoa-a kmɔ̌ wlu̍ i̍ kɔn-ɛ di̍i̍-ɛ, wɛ̀ i̍h iě u̍h wlù i̍ sà.

Pɔ̀n Chɛ̀ Maɛ To-a La 7:2

Wɛ̀ u̍h jě ɔ̍ kòà duuh nɛ̀ u̍h wa̍ Juu nyɔ̍-a telě. U̍h se̍ kwa̍ dle iě u̍h-a di̍ dɛ̍.

Pɔ̀n Chɛ̀ Luu To-a La 10:20

Mɔ̀ bɔ̌ mɔna̍ nu̍-ɛ jeědih-a mɔ̀ dɛ̍ɛ̍ jě tìh. Jɛ mɔ̀ nu̍ mɔna̍ ka mɔ̀-a nynɛ̌ chlǐh-a wɛ̀ dě ja̍i̍wlɔ̀-ɛ.”

Ɛfɛsɔ 5:5

Ɛ̍ tìh-ɛ, mɔ̀ tù ɛ̍ jlǐhɛ̍ ka gbǎn nu̍ nyɔ̍ ke, sììjii̍ nu̍ nyɔ̍ ke, klǎn kɔn nyɔ̍ ùh nu̍-a kwɛ̍i̍n gbo̍ᵻ wɛɛ sà nyɔ̍-ɛ, u̍h se̍ dɛ̍ jě mu̍ dě Klai ke Nyɔsoa-a kmɔ̌ wlu̍ i̍ kɔn-ɛ di̍i̍.

Felepai 4:3

Nɛ̀ɛ̍, mɔ̀ ɔ̀ ke ǐn ke à nu̍-a dbo̍ tu̍ due ǐn tè-a wlì-ɛ, ǎn ba̍le-e, naɛ nynɔ̌gbaɔᵻ la sɔ̍nᵻ we̍ i̍. Dɛ̍nu̍ɛ, u̍h gbǎ ǐn ke Klɛmɛ ke dbo̍ nu̍ nyɔ̍ duuh sie-a dǒ de̍-ɛ we̍ kaa̍, wɛ̀ pɔ̀n chɛ̀ sɛ̍ ka i̍. Klɛmɛ ke dbo̍ nu̍ nyɔ̍ duuh bo ùh kɔn nynɛ̌ nɛ dě feɛ chlǐh-dɛ̍ di̍i̍ wɛ̀.

1 Timote 1:10

Ɛ̍ poe-ɛ dǒ gbǎn nu̍ nyɔ̍ ke tba̍ɛ kɛ̍n i̍ nu̍ nyɔ̍ we̍. Ɛ̍ poe-ɛ dǒ bɔ̍lɔ nyɔ̍ di̍ wli̍ ke si̍h tmɔ̌ nyɔ̍ we̍. Ɛ̍ poe-ɛ dǒ po̍ wlu̍ tɔ̀ma̍a̍ nɛ̀ nɛ̀ nu̍ ɛ̍ nyɔ̍ we̍, ɛ̍ ke nǎ po̍-ɛ kli̍hgbɛ̍ ìh se̍-a Nyɔsoa-a wìè gba̍-a ke.

Iblu 12:14

Mɔ̀ fɔ̀n dɛ̍ we̍ mɔ̀ ke nyɔ̍ kli̍hgbɛ̍ iě kɛ̍n i̍ gbe̍ɛ̍ɛn. Nɛ̀ mɔ̀ fɔ̀n dɛ̍ we̍ mɔ̀ iě nɛi̍ wɛ̀ ke dɛ̍nu̍ɛ, nyɔ̍-ɔ se̍ la̍a̍n nɛ wɛ̀ nɛ̀ tba̍ Joi jlǐhɛ̍.

2 Pitɛ 3:13

Jɛ blǔh delee ke ja̍u̍n delee kɔn wlu̍ Nyɔsoa po̍-a tɔ̀ma̍a̍-ɛ, ɛ̍ bo à fuo kɛ̍ɛ̍n. Dě-e bo i̍ slɛ̌-ɛ nɛ.

Wlɛfeleseɔn 13:8

Nyɔ̍ kli̍hgbɛ̍ ùh tǐn-a nɔ̌ bloɔ̍-ɛ, u̍h-a mu̍ ɛ̍ wɛɛ sà. Ɛ̍-ɛ bo ɛ̀ nu̍-a nyɔ̍ ùh kɔn nynɛ̌ se̍-a chlǐh-ɛ dě Blawɛ̌ Jǔ-a feɛ chlǐh-dɛ̍ di̍i̍ wɛ̀ kmɔ̌ iě-a nui-ɛ dǔ. Blawɛ̌ Jǔ ɔ̀ dbǎ-aɛ, ɔ̍ bo ǎn dǎ.

Wlɛfeleseɔn 20:12

Wɛ̀ ǐn jě mɛ̌-nyɔ̍ kli̍hgbɛ̍, nɛ̀ u̍h nynaɛ i̍ dǒ nynɛ̌ gbalǎ jǔ. Nɛ̀ feɛ chlǐh-dɛ̍ ke chlǐh-dɛ̍ᵻ diih pɔ̀ni-ɛ wɔ̍i̍n. Nyɔsoa pa̍ mɛ̌-nyɔ̍-a taɔ dǒ dɛ̍ᵻ u̍h nu̍-aɛ we̍, ka i̍h nu̍-a chlǐh-ɛ dě chlǐh-dɛ̍ᵻ laa̍ di̍i̍-ɛ.

Wlɛfeleseɔn 20:15

Nyɔ̍-o-nyɔ̍ ɔ̀ kɔn nynɛ̌ se̍-a chlǐh-ɛ dě feɛ chlǐh-dɛ̍ di̍i̍-ɛ, nɛ̀ ɔ̍ poe-ɛ dě pɔ̀nɔ̌ nɛ̍-a pàìbǒ di̍i̍.

Wlɛfeleseɔn 21:8

Jɛ faɛn nyɔ̍ ke, se̍ wlùh gbaɛ blě nyɔ̍ ke, ùh-a nu̍-a sììjii̍-ɛ ke, nyɔ̍ gbe̍ja̍a̍ poe nyɔ̍ ke, gbǎn nu̍ nyɔ̍ ke, wù po̍ nyɔ̍ ke, kwɛ̍i̍n gbo̍ᵻ wɛɛ sà nyɔ̍ ke, si̍h tmɔ̌ nyɔ̍ kli̍hgbɛ̍ u̍h-a nɛ la̍-a mu̍ dě pɔ̀nɔ̌ nɛ̍-a pàìbǒ di̍i̍ nu̍. Ɛ̍ bo ɛ̀ nu̍ mɛ̌ɛ-a sɔɔ̌n naɛ.”

Wlɛfeleseɔn 3:5

Nyɔ̍ ɔ̀ sà-a dɛ̍ sɔ̀n klà-a, nɛ̀ kǎ ɔ̍ mu̍ jlii̍ plǔᵻ pa̍-a nu̍ ke. Nɛ̀ ǐn se̍ ɔ̍ nynɛ̌ dě feɛ chlǐh-dɛ̍ di̍i̍ sà mu̍. Jɛ nɛ̀ ǎn mu̍ ɔ̍ ǎn nyɔ̍ slè-e dǒ ǐn Baa ke ɔ̍ ǐnchɔ̀ jǔ.