Wlɛfeleseɔn 21:23 - Ku̍o̍ Delee 1999

²³ Wlɔ̀-a chɛ̀ se̍ jlǔh àe̍e̍ chǔh-a fa̍n-a i̍ pɔ̀n, dɛ̍nu̍ɛ, Nyɔsoa-a tìh-a i̍ bɛ̌-ɛ bo ɛ̀ nu̍ ɛ̍ sɔ̀npli, wɛ̀ Blawɛ̌ Jǔ nu̍ ɛ̍ chlǎn nape̍.

Wlɛfeleseɔn 21:23 Iomraidhean Croise

Matio 16:27

Dɛ̍nu̍ɛ, Nyi̍ɔ̍-a Jǔ-a mu̍ de̍ka ji̍ dě ɔ̍ Baa-a tìh-a i̍ bɛ̌-ɛ di̍i̍, ɔ̍ ke ɔ̍ ǐnchɔ̀ ke. Dǒ ti̍ laa̍ di̍i̍-ɛ, ka jɔ-a nu̍-dɛ̍ nɛ-aɛ, nɛ̀ kǎ ɔ̍ Nyɔsoa kwa̍a̍ jě dɛ̍-a mu̍ nɛ.

Pɔ̀n Chɛ̀ Maɛ To-a La 8:38

Nyɔ̍-o-nyɔ̍ ɔ̀ mu̍-a ǐn ke ǎn nǎ poe wlu̍ tɛ̀n i̍ ple̍-e da̍a Nyɔsoa wɔ̍n blaɛ ke gblɛ̍n sɔ̀ɛ̀n kmɔ̌ la di̍i̍-ɛ, nɛ̀ ti̍ Nyi̍ɔ̍-a Jǔ ke Nyɔsoa-a ǐnchɔ̀-a mu̍-a ji̍ dě ɔ̍ Baa-a tìh-a i̍ bɛ̌-ɛ di̍i̍-ɛ, nɛ̀ ɔ̍ mu̍ nyɔ̍ laa̍ tɛ̀n i̍ ple̍-e ke.”

Pɔ̀n Chɛ̀ Luu To-a La 2:32

Ɔ̍ bo ɔ̀ nu̍ sɔ̀npli ɔ̀ mu̍ àn tìh-a taǐn to dě ùh se̍-a Juu nyɔ̍-ɛ we̍. Wɛ̀ ɔ̍ iě àn tìh-a i̍ bɛ̌-ɛ dě àn Eslɔɛ nyɔ̍ we̍ gba̍.”

Chɔɔn 1:14

Ɔ̀ kɔn nynɛ̌ nu̍-a Wlu̍-ɛ, ɔ̍ ji̍-i dě nyi̍ɔ̍tu di̍i̍ iě ɔ̍ tǐn nɔ̌ à nynɛ̌. Ɔ̍ toe àɔ̀ blɛ ke tìh-a taǐn kli̍hgbɛ̍ ìh kɔ̍-a dǒ Nyɔsoa pùn i̍-ɛ. Wɛ̀ à jě ɔ̍ tìh-a i̍ bɛ̌-ɛ ɛ̀ kɔn-a dǒ ɔ̍ we̍ ka ɔ̍ nu̍-a Baa Nyɔsoa-a Jǔ jɔɛ̍ due gbài̍-ɛ.

Chɔɔn 1:18

Nyɔ̍-ɔ se̍a Nyɔsoa jě. Jɛ Jǔ jɔɛ̍ due gbài̍ ɔ̀ nɛ-a dǒ Baa Nyɔsoa pùn-ɛ, ɔ̍-ɔ bo ɔ̀ nɛ kmɔ̌ iě nyɔ̍-a juo Nyɔsoa.

Chɔɔn 1:4

Dě ɔ̍ ja̍a̍ bo feɛ nɛ. Feɛ laa̍ bo ɛ̀ nu̍ sɔ̀npli dǒ nyi̍ɔ̍ we̍.

Chɔɔn 1:9

Tìh-a taǐn sɔ̀npli ɛ̀ fa̍n-a dǒ nyɔ̍ kli̍hgbɛ̍ we̍-ɛ, ɛ̍-ɛ bo ɛ̀ ji̍ la̍ nɔ̌ kmɔ̌ we̍.

Chɔɔn 17:24

“Baa, nyɔ̍ ìn nyǐ-a m-ɛ, ǎn pɔ̀n tà ǐn nɛ-aɛ, u̍h iě-o nɛ ke. Wɛ̀ u̍h iě ǎn tìh-a i̍ bɛ̌-ɛ ìn nyǐ-a m-ɛ jě. Ìn nyǐ ɛ̍ m, dɛ̍nu̍ɛ, ìn jbɛɛ m wɛ̀ kmɔ̌ la ɛ̍ dǔ nui-ɛɛ.

Chɔɔn 5:23

Ɔ̍ nu̍ ɛ̍-ɛ wɛ̀ nyɔ̍ kli̍hgbɛ̍ iě Jǔ la ja̍ tè, ɛ̀ kɔn ba̍ u̍h-a nu̍-a Baa ja̍ tè-ɛ ke-ɛ. Nyɔ̍ ɔ̀ se̍-a Jǔ ja̍ tè-ɛ, nɛ̀ Baa jɔ dbo̍-a Jǔ-a chɛ̀-ɛ bo ɔ̍ se̍ ja̍ tè.

Nu̍-dɛ̍ᵻ 22:11

Fààn nape̍ ɛ̀ sǐ-a dě ǐn jlǐh i̍-ɛ, sɔ ɛ̍ dɔ̌-ɛ m. Wɛ̀ ǐn ba̍ᵻ gbɛ̍n ǎn sɔ̍n i̍ iě u̍h gba̍ ǐn Damaɛkɔ.

Wlɛfeleseɔn 14:4

Nyɔ̍ ùh se̍-a nynɔ̌ àe̍e̍ jɔ̍gbau dɛ̍ i̍ juo iě u̍h nmɔ-a dě Nyɔsoa jlǐh i̍-ɛ, u̍hɔ̍ɔ̍ bo ùh wɔ̀ dǒ Blawɛ̌ Jǔ de̍e̍ tà-o-tà ɔ̍ mu̍-aɛ. U̍h pùhbɔ-ɛ kɛ̍ɛ̍n wɛ̀ dě nyɔ̍ɔ nynɛ̌, iě u̍h tè-ɛ pɔ̌ dǒ Nyɔsoa ke Blawɛ̌ Jǔ we̍ sàǐtòò.

Wlɛfeleseɔn 18:1

Ɛ̀ la ɛ̍ wɔ̀-a nɛ-ɛ, wɛ̀ ǐn jě Nyɔsoa-a ǐnchɔ̀ dɛɛ, nɛ̀ ɛ̍ sɔ dě ja̍i̍wlɔ̀ ɛ̍ ji̍ nɔ̌ sɔ̀n. Iě ɛ̍ blě tùn ɛ̀ ku̍-a wɔ̍n-ɛ, wɛ̀ ɛ̍ tìh-a i̍ bɛ̌-ɛ wɔ̀ sɔ̀npli ɛ̍ nu̍ bloa̍-a pɔ̀ɔ̀.

Wlɛfeleseɔn 21:11

Ɛ̍ blě Nyɔsoa-a tìh-a i̍ bɛ̌-ɛ, iě ɛ̍ fa̍n ka dɛ̍kɛ̍n gbǎ sɔɔ̌-ɛ. Ɛ̍ wɔ̀ sɔɔ̌ ɛ̀ ke wùe̍i̍-a ku̍ wɔ̀ɛ-aɛ. Ɛ̍ nɛ wlihwlǐh ka klàsi̍-ɛ.

Wlɛfeleseɔn 21:25

Ɛ̍ saǎn-a pa̍la̍ wɔ̍nᵻ se̍ ka̍n mu̍ sɔ̀n sɛ̀n bla, dɛ̍nu̍ɛ, wlù se̍-e wɔ̀-ɛ mu̍.

Wlɛfeleseɔn 22:5

Wlù se̍-e wɔ̀-ɛ mu̍ dɛ. U̍h se̍ chlǎn nape̍ àe̍e̍ jlǔh i̍ pɔ̀n mu̍, dɛ̍nu̍ɛ, Joi Nyɔsoa-a mu̍ u̍h-a sɔ̀npli nu̍, wɛ̀ u̍h iě nyɔ̍-a wlu̍ kwa̍ blě nɔ̌ kmɔ̌-a kmɔ̌.

Wlɛfeleseɔn 5:6

Wɛ̀ ǐn jě Blawɛ̌ Jǔ nɛ̀ ɔ̍ nyna i̍ dǒ nynɛ̌ gbalǎ-a wèa̍. Iě kmɔ̌ nɛ dɛ̍ᵻ nyìɛ̍ ke nyɔ̍ klaaᵻ dlɛ̌ ɔ̍. Nɛ̀ ka nyɔ̍ dbǎ dɛ̍-ɛ, nɛ̀ kǎ ɔ̍ nɛ. Ɔ̍ blě gbɔ̀nᵻ mɛ̀sɔɔ̌n ke jlǐh mɛ̀sɔɔ̌n. Jlǐh mɛ̀sɔɔ̌n laa̍ bo ìh nu̍-a sùù mɛ̀sɔɔ̌n ìh-a dbee-a Nyɔsoa jǔ ìh dbo̍-ea kmɔ̌ kli̍hgbɛ̍ kɛ̍n i̍-ɛ.

Wlɛfeleseɔn 7:17

Dɛ̍nu̍ɛ, Blawɛ̌ Jǔ ɔ̀ nɛ-a dǒ nynɛ̌ gbalǎ-a wèa̍-ɛ, ɔ̍ bo ɔ̀ mu̍ u̍h jlǐhɛ̍ we̍ tù ka blawɛ̌ we̍ i̍ gbɛ̀n nyɔ̍-ɛ. Ɔ̍ mu̍ u̍h sɔ̍nᵻ we̍ i̍ naɛ, wɛ̀ ɔ̍ iě u̍h dě kao̍dlu ɛ̀ nyǐ-a nyɔ̍ feɛ-ɛ we̍ gba̍. Wɛ̀ Nyɔsoa iě u̍h mǐtɛɛn kli̍hgbɛ̍ jlǐh i̍ slǎn.”