Wlɛfeleseɔn 21:2 - Ku̍o̍ Delee 1999

² Iě ǐn jě tùgbàwlɔ̀ ɛ̀ kɔn-a dǒ Nyɔsoa we̍ ɛ̀ nu̍-a Juluslɛn wlɔ̀ delee-ɛ. Wlɔ̀ la ɛ̍ sɔ dě ja̍i̍wlɔ̀ dě Nyɔsoa we̍. Ɛ̍ po̍-eɛ gba̍a̍ ka nynɔ̌ delee pɛ̀ɛ̀ ɔ̍ iě jla̍ mu̍-ɛ.

Wlɛfeleseɔn 21:2 Iomraidhean Croise

Chɔɔn 3:29

Nynɔ̌ delee kɔn dǒ ɔ̍ kɔan ɔ̍ ji̍-ia jla̍-a we̍. Nɛ̀ pò kɔan delee ba̍ nyna doǒ i̍ wɛ̀ ɔ̍ iě kɔan-a wlu̍ wɔ̌n-ɛ, nɛ̀ ɛ̍ po̍ ɔ̍ mɔna̍-a kaa̍. Ɛ̍ bo ɛ̀ po̍ m ke, ǎn nmɔ-ɛ wɛ̀ kwlǎ wɛ̀ kaka.

2 Kɔwlɛntiɔn 11:2

Ǎn nu̍ mɔ̀-a wlɛ̀n ka Nyɔsoa-a nu̍-aɛ. Mɔ̀ wɔ̀ nynɔ̌gbaɔ ɔ̀ se̍-a dɛ̍ i̍ juo-ɛ. Ɔ̍ kɔn wlu̍ bo ǐn po̍ tɔ̀ma̍a̍ ɔ̍ iě jɔ̍gbau due gbài̍ blǐ tǐn, ɔ̀ nu̍-a Klai-ɛ.

Iblu 11:10

Nɛ̀ Eblaɛɛn-a fuo ti̍ ɔ̍ iě dǒ tùgbàwlɔ̀ ɛ̀ Nyɔsoa po̍-a ɛ̀ se̍-a wlǎ la̍ kɔn-ɛ di̍i̍ mu̍.

Iblu 11:16

Jɛ ka ɛ̍ nɛ-a ka-ɛ, nɛ̀ bloa̍ chɛ̀ ɛ̀ nu̍-a ja̍i̍wlɔ̀-ɛ bo ɛ̀ kɔn tɔ̌n-a nu̍ u̍h. Ɛ̍ tìh-ɛ, Nyɔsoa se̍ tɛ̀n ple̍ u̍h iě ɔ̍ u̍h-a Nyɔsoa dǎɛ-ɛ. Ɛ̍ kɔn ɔ̍ po̍ tùgbàwlɔ̀ gba̍a̍ dǒ u̍h we̍.

Iblu 12:22

Jɛ mɔ̀ɔ̍ nɔ̀ɔ̍, mɔ̀ ji̍ nɔ̌ Saiɛn Tlu̍h kɛ̍n wɛ̀, ɛ̍ ke dǒ Juluslɛn jɛ nɛ-a dě ja̍i̍wlɔ̀-ɛ di̍i̍ ke, ɛ̀ nu̍-a kmɔ̌ nɛ Nyɔsoa-a tùgbàwlɔ̀-ɛ. Dě ɛ̍ di̍i̍ bo ɔ̍ ǐnchɔ̀ ìh-a nmɔ-aɛ, i̍h-a wlǔ-a wlǔ nɛ.

Iblu 13:14

Dɛ̍nu̍ɛ, nɔ̌ bloɔ̍ la à se̍ tùgbàwlɔ̀ ɛ̀ se̍-a wa̍ la̍ kɔn-ɛ blě, jɛ tùgbàwlɔ̀ jɛ mu̍-a ji̍-ɛ, ɛ̍ bo à pɔ̀n à iě kɔn.

Wlɛfeleseɔn 1:1

Chlǐh-dɛ̍ la bo ɛ̀ sà dɛ̍ᵻ ìh kɔn ìh iě-a nɛ suei̍-ɛ i̍h-a tìh i̍. I̍h bo Nyɔsoa sà tà dě Jusu Klai we̍ ɔ̍ iě i̍h ɔ̍ pòi̍nynuu̍ i̍ to. Klai dbo̍ ɔ̍ ǐnchɔ̀ dě ɔ̍ pòi̍ju Chɔɔn we̍, iě ɛ̍ sèàɛ̍ ɔ̍ wlùh.

Wlɛfeleseɔn 1:4

Mɔ̍ Chɔɔn, mɔ̍ sà chɔchi̍h nyɔ̍ nɛ-a wlɔ̀ᵻ mɛ̀sɔɔ̌n nɛ-a dě Esea bloa̍ kɛ̍n-ɛ nyinɔ̍ i̍. Ǎn sà nǐ wɔ̍n blɛ ke wlùh-a i̍ tè-ɛ iě dǒ mɔ̀ we̍ nɛ. Nyinɔ̍ i̍ sà wlu̍ la ɛ̍ sɔ dě Nyɔsoa we̍, ɔ̀ nɛ-a, ɔ̀ nɛ-a kmɔ̌ se̍e̍ wɛ̀ ɔ̀ mu̍-a ji̍-ɛ. Ɛ̍ sɔ dě sùù mɛ̀sɔɔ̌n ìh-a dbee-a ɔ̍ jǔ ìh nɛ-a dǒ ɔ̍ nynɛ̌ gbalǎ jǔ-ɛ we̍ ke.

Wlɛfeleseɔn 1:9

Mɔ̍ Chɔɔn la, mɔ̀ ke ǐn ke à ji̍ de̍di̍i̍. Mɔ̀ ke ǐn ke à gbaɛ Jusu wlùh, ɛ̍ kɔn à sàɛ̀ jua̍i̍ iě à kɔn dǒ ɔ̍ kmɔ̌ wlu̍ i̍ kɔn-ɛ we̍. Wɛ̀ à gbɛ̍n wlùh i̍ à ku̍-e klì i̍. Ǎn bla̍ Nyɔsoa tìh ɛ̍ ke gblangbai̍ Jusu sà-ɛ ke. Ɛ̍ kɔn mɔ̍ bo u̍h po̍ nɔ̌ tbǒ la u̍h-a dǎɛ-a Pamɔ-ɛ kɛ̍n.

Wlɛfeleseɔn 11:2

Jɛ bɔ̌ slaǎ sà gbò-a gbaɛ̍we̍ nɛ-a nɔ̌ sɔ̀n ka-a dbee-ɛ. Tǎli ɛ̍ i̍, dɛ̍nu̍ɛ, ɛ̍ sà-ɛ kwlǎ wɛ̀ dě nyɔ̍ ùh se̍-a ǐn juo-ɛ we̍. U̍h-a mu̍ tùgbàwlɔ̀ ɛ̀ kɔn-a dǒ Nyɔsoa we̍-ɛ kɛ̍n i̍ na dǒ chǔhᵻá kwela nyìɛ̍ jɔ̌ sɔɔ̌n (42) di̍i̍.

Wlɛfeleseɔn 21:10

Nyɔsoa-a Sùù jǐi ǐn i̍ wɛ̀ ǐnchɔ̀ gba̍ ǐn dě tlu̍h tɔ̀ɔ̀n kɛ̍n. Wɛ̀ ɛ̍ toe ǐn Juluslɛn wlɔ̀ ɛ̀ kɔn-a dǒ Nyɔsoa we̍-ɛ. Wlɔ̀-a chɛ̀ ɛ̍ sɔ dě Nyɔsoa we̍ ja̍i̍wlɔ̀.

Wlɛfeleseɔn 21:9

Wɛ̀ ǐnchɔ̀ mɛ̀sɔɔ̌n laa̍ ìh blě-a boo̍ᵻ mɛ̀sɔɔ̌n ìh bɔ̌ɛ-o dlǐ dɛ̍ᵻ mɛ̀sɔɔ̌n jǐ-a dě di̍i̍-ɛ, iě i̍h-a due ji̍. Iě ɛ̍ la̍a̍ dě ǐn we̍, “Ji̍, ǎn mu̍ ìn Nynɔ̌ Delee toe ɔ̀ nu̍-a Blawɛ̌ Jǔ-a nynɔ̌-ɛ.”

Wlɛfeleseɔn 22:17

Nyɔsoa-a Sùù ke Nynɔ̌ Delee la̍a̍ dě Jusu we̍, “Ji̍.” Nɛ̀ nyɔ̍ jɔ wɔ̌n-a ɛ̀ la-ɛ, nɛ̀ ɔ̍ la̍a̍ dě Jusu we̍ ke, “Ji̍.” Nyɔ̍ ɔ̀ nǐ nǎ tɔ̌n-a nu̍-aɛ, ɔ̍ ji̍. Nɛ̀ nyɔ̍ jɔ pɔ̀n-a nǐ ɛ̀ nyǐ-a nyɔ̍ feɛ-ɛ, ɔ̍ dǔ ɛ̍-ɛ bu̍ɛ̍i̍.

Wlɛfeleseɔn 22:19

Nɛ̀ pò nyɔ̍-o-nyɔ̍ sà dɛ̍ ɛ̀ chlǐh-dɛ̍ la ɛ̍ sà-a ìh-a nɛ-a ke jih-a mu̍-a nɛ dě nya̍-ɛ dɛ̍ kɛ̍n-ɛ, nɛ̀ ɔ̍ se̍ tu̍ ɛ̀ nyǐ-a nyɔ̍ feɛ-ɛ ɛ̍ buǒ di̍ ka̍ nɛ. Nɛ̀ ɔ̍ se̍ dǒ wlɔ̀ ɛ̀ kɔn-a dǒ Nyɔsoa we̍ ɛ̀ kɔn tìh chlǐh-dɛ̍ la ɛ̍ sà-ɛ di̍i̍ i̍ sǐ ka̍ nɛ ke.

Wlɛfeleseɔn 3:12

Nyɔ̍ ɔ̀ sà-a dɛ̍ sɔ̀n klà-a, nɛ̀ ǎn mu̍ ɔ̍ sìtù we̍i̍ nu̍ dě ǎn Nyɔsoa-a slaǎ sà gbò sɔ̀n. Nɛ̀ ɔ̍ se̍ gba̍ deě sɔ dɛ. Nɛ̀ ǎn mu̍ ǎn Nyɔsoa-a nynɛ̌ chlǐh dǒ ɔ̍ pùn, ɛ̍ ke ǎn Nyɔsoa-a tùgbàwlɔ̀-a nynɛ̌ ke, ɛ̀ nu̍-a Juluslɛn wlɔ̀ delee ɛ̀ sɔ-a dě ǎn Nyɔsoa we̍ ja̍i̍wlɔ̀-ɛ. Ǎn mu̍ ǎn chɛ̀-a nynɛ̌ delee chlǐh ke dǒ ɔ̍ pùn.