Wlɛfeleseɔn 21:14 - Ku̍o̍ Delee 1999

¹⁴ Saǎn-a chɛ̀ ɛ̍ blě sɔɔ̌ gbo̍ bu̍hᵻá pùè jɔ̌ sɔɔ̌n. Wɛ̀ Blawɛ̌ Jǔ-a gba̍tòà-a pùè jɔ̌ sɔɔ̌n-a nynɛ̌ chlǐh-ɛ due due dǒ i̍h pùn.

Wlɛfeleseɔn 21:14 Iomraidhean Croise

Matio 16:18

Jɛ Pitɛ, ǎn sèàɛ̍ ìn wlùh, mɔ̀ bo ɔ̀ nu̍ sɔɔ̌, dǒ sɔɔ̌ la kɛ̍n bo ǎn mu̍ ǎn chɔchi̍h poe. Nɛ̀ mɛ̌ɛ se̍ ɛ̍ klà sà mu̍.

Nu̍-dɛ̍ᵻ 1:26

Wɛ̀ u̍h tèle dɛ̍ i̍ dǒ nyɔ̍ sɔɔ̌n laa̍ we̍. Sɔ Matataia-a sɛ̌ bo ɛ̀ ji̍ ja̍i̍, iě ɔ̍ gbǎ dǒ Klai-a gba̍tòà-a pùè jɔɛ̍ due laa̍ kɛ̍n.

Kelesea 2:9

Chiin ke, Pitɛ ke Chɔɔn u̍h-a dǎɛ-a gbo̍tu-ɛ, u̍h juo-o dɛ̍ i̍ ka Nyɔsoa nyǐ-a ǐn dbo̍ la-ɛ. Ɛ̍ kɔn tìh u̍h tǔh ǐn ke Banaba kwa̍, ɛ̍ iě ɛ̍ to-ɛ ka u̍h ke à nu̍-a dbo̍ due-ɛ. Iě u̍h wɔ̌n ǐn ke Banaba ke à iě dě ùh se̍-a Juu nyɔ̍-ɛ we̍ dbo̍ nui, wɛ̀ u̍h iě dě Juu nyɔ̍ we̍ dbo̍ nui ke.

Ɛfɛsɔ 2:20

Mɔ̀ɔ̍ bo ùh nu̍ gbò. Klai-a gba̍tòà ke Nyɔsoa-a tu̍owli po̍ nyɔ̍ bo ùh nu̍ gbò-a gbo̍tu, wɛ̀ Jusu Klai-a chɛ̀-a gbǎ nu̍ ɛ̍ sìtù.

Ɛfɛsɔ 3:5

Sìle dɛ̍ la nyɔ̍ se̍ ɛ̍ juo de tɛin, jɛ ɛ̍-ɛ bo Nyɔsoa-a Sùù toe ɔ̍ gba̍tòà ke ɔ̍ tu̍owli po̍ nyɔ̍ ɔ̍ tè-ea pɔ̌-ɛ wɛ̀.

Ɛfɛsɔ 4:11

Ɔ̍-ɔ bo ɔ̀ nyǐ nyɔ̍ɔ nyǐ-dɛ̍ᵻ. U̍h-a nyɔ̍ duuh nu̍ ɔ̍ gba̍tòà, iě duuh nu̍ tu̍owli po̍ nyɔ̍, wɛ̀ duuh nu̍ pɔ̀n chɛ̀ nya̍ naɛ nyɔ̍, iě duuh nu̍ pǎslɔ̀ ke nǎ po̍ nyɔ̍.

Iblu 11:10

Nɛ̀ Eblaɛɛn-a fuo ti̍ ɔ̍ iě dǒ tùgbàwlɔ̀ ɛ̀ Nyɔsoa po̍-a ɛ̀ se̍-a wlǎ la̍ kɔn-ɛ di̍i̍ mu̍.

Judi 1:17

Jɛ ǎn tìh kma nyɔ̍, dɛ̍ à Joi Jusu Klai-a gba̍tòà sèàɛ̍-a mɔ̀ wlùh tɛin-ɛ, mɔ̀ bɔ̌ ɛ̍ we̍ mǎle-ɛ.

Wlɛfeleseɔn 18:20

Ja̍i̍wlɔ̀, nmɔ dǒ ɔ̍-ɔ gbɔ̀lɔ-ɛ we̍. Nyɔsoa-a nyɔ̍ ke, ɔ̍ tu̍owli po̍ nyɔ̍ ke, Klai-a gba̍tòà, mɔ̀ nu̍ mɔna̍ ke o. Dɛ̍nu̍ɛ, Nyɔsoa gbɛ̍n ɔ̍ kàn wɛ̀ dǒ dɛ̍ ɔ̍ nu̍-a mɔ̀ pùn-ɛ we̍ o.

Wlɛfeleseɔn 21:13

Wɔ̍nᵻ ta̍a̍n wɔ̀ dě tà jlǔh-a wlǔh-ia kwlǎ-a, iě ta̍a̍n wɔ̀ dě jlǔh-a gbǎ la̍-a, wɛ̀ ta̍a̍n wɔ̀ dě kwe̍na̍ i̍, iě ta̍a̍n wɔ̀ dě di̍na̍ i̍.