Wlɛfeleseɔn 20:2 - Ku̍o̍ Delee 1999

² Iě ɛ̍ gbɛ̍n dɔ̍sɛ ɛ̀ nu̍-a tɛin tɛin sɛ̍-ɛ. Ɛ̍-ɛ due laa̍ bo ɛ̀ nu̍ Kǔ ke Setɔn. Wɛ̀ ɛ̍ sa̍n Kǔ laa̍ tàǎntàǎn dǒ sɔ̀nᵻá wlǔ due (1,000) di̍i̍.

Wlɛfeleseɔn 20:2 Iomraidhean Croise

Matio 19:29

Nyɔ̍-o-nyɔ̍ ɔ̀ mu̍-a ɔ̍ gbòᵻ o, de̍di̍i̍ᵻ jɔ̍gbauᵻ o, de̍di̍i̍ᵻ nynɔ̌gbaɔᵻ o, de̍ o, baa o, nynuu̍ o, klèᵻ o, ɔ̍ mu̍-a i̍h-a dɛ̍ i̍ tǎli ǎn tìh-ɛ, nɛ̀ ɔ̍ mu̍ i̍h-a gbɔ̍ᵻá kmɛ jě dǒ kɛ̍n. Wɛ̀ ɔ̍ iě kmɔ̌ sie feɛ blě dɛ.

Matio 8:29

Wɛ̀ u̍h wǐ, u̍h la̍a̍, “Nyɔsoa-a Jǔ, ka àn pɔ̀n ìè à tìh nu̍ ɛ? Ìn ji̍-i ìè à kàn gbɛ̍n sasǎ wɛ̀ ti̍ iě-o nyni̍-ɛ dǔ ae?”

Pɔ̀n Chɛ̀ Maɛ To-a La 4:15

Nyɔ̍ duuh wɔ̀ dɛ̍ᵻ jɔ̌ ìh gbǎ-a dǒ wìè gblùh i̍-ɛ, u̍h wɔ̌n-a Nyɔsoa-a wlu̍ ka-ɛ, ɛ̍-ɛ wlè-o wɛ̀ Setɔn-a ji̍ iě ɛ̍ sà wlu̍-a chɛ̀ dǒ u̍h wlùh kɛ̍n.

Pɔ̀n Chɛ̀ Maɛ To-a La 5:7

Wɛ̀ ɔ̍ plǎn, ɔ̍ la̍a̍, “Jusu, Nyɔ̍ Wɔ̍n Sìì Nyɔsoa-a Jǔ, ka àn pɔ̀n ìè ǎn tìh nu̍ ɛ? Ǎn ba̍le m̀, po̍-e Nyɔsoa we̍ wlùh, bɔ̌ ǐn kàn gbɛ̍n-ɛ.”

Chɔɔn 12:31

Jɛwɛ̀ ɛ̍ nu̍ ti̍ kmɔ̌ la ɛ̍ iě kɛ̀n sà-ɛ. Nɛ̀ ɛ̀ blě-a kmɔ̌ la ɛ̍ wlu̍ kwa̍-ɛ, jɛwɛ̀ tu̍h-a mu̍ ɛ̍ du̍.

Chɔɔn 16:11

U̍h klǐ-i dǒ tìh-a gbɛ̍n-ɛ dɛ we̍, dɛ̍nu̍ɛ, Nyɔsoa sà ɛ̀ blě-a kmɔ̌ la ɛ̍ wlu̍ kwa̍-ɛ kɛ̀n wɛ̀.

Wloma 16:20

Nɛ̀ Nyɔsoa ɔ̀ nyǐ-a nyɔ̍ wlùh-a i̍ tè-ɛɛ, ɔ̍ mu̍ Setɔn keě wlǎ tiɔ tiɔ dě mɔ̀ bu̍h sɔ̀n. Ǎn sà nǐ wɔ̍n à Joi Jusu Klai-a blɛ iě dǒ mɔ̀ we̍ nɛ.

Iblu 2:14

Ka ùh ɔ̍ dǎɛ-a ka nynuu̍-ɛ, u̍h blě-a ku̍ ke nymɔ̍-ɛ, ɛ̍ kɔn ɔ̍ gbǎ dě u̍h-a tu̍ di̍i̍ ke. Wɛ̀ ɔ̍ mɛ̌ iě ɛ̍ iě Kǔ jɛ blě-a gbǐh dǒ mɛ̌ɛ we̍-ɛ gbɔ̀lɔ.

1 Pitɛ 5:8

Mɔ̀ tù mɔ̀-a chɛ̀ jlǐhɛ̍, mɔ̀ iě mɔ̀-a chɛ̀-a nɛnɛ̌ nu̍. Mɔ̀-a nyɛ̌-nyɔ̍ Kǔ-a ple̍ i̍ ka mɔ̌-a nu̍-u gbòlò-a pɔ̀n nyɔ̍ i̍ ɛ̍ iě-e gbɔ̀lɔ-ɛ.

2 Pitɛ 2:4

Nyɔsoa bo ɔ̀ gbɛ̍n ɔ̍ chɛ̀-a ǐnchɔ̀ nu̍-a gblɛ̍n sɔ̀ɛ̀n-ɛ kàn. Wɛ̀ ɔ̍ po̍ i̍h dě kàn nɛ̍ di̍i̍ dě biě jlu̍jlu̍ di̍i̍ i̍h iě-e nɛ te̍e̍ wɛ̀ sàwi̍h sì ti̍ iě nyni̍.

Judi 1:6

Kǎ ɛ̍ nɛ ke dǒ Nyɔsoa-a ǐnchɔ̀ we̍. Gbǐh jɛ kɔn-a dǒ i̍h we̍-ɛ, i̍h se̍ ɛ̍ kɛ̍n i̍ gbɛ̍n iě i̍h-a tàn kòi̍h. Ɛ̍ kɔn ɔ̍ po̍ i̍h jɔɔ ìh se̍-a chɛn la̍ kɔn-ɛ bu̍hᵻ i̍. Wɛ̀ ɔ̍ tèè i̍h dě kwile gbeu di̍i̍ i̍ te̍e̍, wɛ̀ sàwi̍h sì weɛ̍ ɛ̀ ku̍-a wɔ̍n-ɛ ɛ̍ iě ji̍.

Wlɛfeleseɔn 12:13

Ti̍ dɔ̍sɛ juo-ao dɛ̍ i̍ ka ɛ̍ poe-a sɔ̀n nɔ̌ bloɔ̍-ɛ, sɔ ɛ̍ nɛ̌ nynɔ̌ ɔ̀ wlǔh-ia jɔ̍gbau jǔ-ɛ kɛɛn wɛ̀ sǔh.

Wlɛfeleseɔn 12:15

Wɛ̀ dɔ̍sɛ sà nǐ klaa wɔ̍n iě ɛ̍ po̍ ɛ̍ dǒ nynɔ̌ laa̍ de̍e̍ ɛ̍ iě ɔ̍ gba̍.

Wlɛfeleseɔn 12:17

Wɛ̀ dɔ̍sɛ gbǎ-ɛ nynɔ̌ jlu̍h-u, iě ɛ̍ mu̍ ɔ̍ tloemlai tu̍h we̍ pa̍-ɛ la̍, ùh gbɛ̍n-a Nyɔsoa-a telě ke Jusu-a gblangbai̍ wlu̍ i̍-ɛ.

Wlɛfeleseɔn 12:3

Wɛ̀ nyɔ̍ wɔ̍n flɔn-ɛ dɛ̍ dɛɛ wlǔh-i dě ja̍u̍n wlì. Dɔ̍sɛ sàɛ̀n klaa due bo ɛ̀ blě dlǔᵻ mɛ̀sɔɔ̌n ke gbɔ̀nᵻ pùè. Iě ɛ̍ dlǔᵻ nɛ-a mɛ̀sɔɔ̌n-ɛ, i̍h tèè blawɛ̌ᵻ kli̍hgbɛ̍.

Wlɛfeleseɔn 12:4

Wɛ̀ ɛ̍ wɔ̀n sà chǔhtlɛ̀n-a gbɔ̍ᵻ nɛ-a ta̍a̍n-ɛ i̍h-a gbɔ̍ due dě ja̍u̍n wlì, iě ɛ̍ po̍ i̍h sɔ̀n nɔ̌ bloɔ̍. Iě dɔ̍sɛ-a chɛ̀ nyna i̍ dǒ kwlǐ nynɔ̌ laa̍ jǔ, pò ɔ̍ jǔ wlǔh-ɛ, ɛ̍ iě ɔ̍ di̍.

Wlɛfeleseɔn 12:9

Wɛ̀ wɔ̍n ku̍ dɔ̍sɛ laa̍ ɛ̍ poe-ɛ sɔ̀n. Tɛin tɛin sɛ̍ bo, iě ɛ̍ nynɛ̌ nu̍ Kǔ ke Setɔn. Ɛ̍ bo ɛ̀ nu̍ kmɔ̌ kli̍hgbɛ̍ i̍ boe nyɔ̍. Ɛ̍ poe-ɛ sɔ̀n nɔ̌ bloɔ̍, ɛ̍ ke ɛ̍ ǐnchɔ̀ kli̍hgbɛ̍ ke.

Wlɛfeleseɔn 13:2

Nmi̍ɛ̍ ǐn jě-aɛ, ɛ̍ ke chì mu̍i we̍, wɛ̀ ɛ̍ blě gbɛ̌-a bu̍hᵻ. Ɛ̍ wɔ̍n ke gbòlò-a wɔ̍n mu̍i we̍. Wɛ̀ dɔ̍sɛ-a gbǐh ɛ̍ blě-a iě ɛ̍ nyǐ i̍h nmi̍ɛ̍, ɛ̍ ke ɛ̍ nynɛ̌ gbalǎ ke tùn ɛ̀ ku̍-a wɔ̍n-ɛ ke.

Wlɛfeleseɔn 13:4

Nyɔ̍ kli̍hgbɛ̍ sà dɔ̍sɛ wɛɛ, dɛ̍nu̍ɛ, ɛ̍ nyǐ ɛ̍ tùn nmi̍ɛ̍ laa̍. U̍h sà nmi̍ɛ̍ laa̍ wɛɛ ke, iě u̍h la̍a̍, “Nyɔ̍ bo ɔ̀ wɔ̀ nmi̍ɛ̍ la ɛ? Nyɔ̍ bo ɔ̀ bɛ̌ɛ ɛ̍ we̍ fɔ̀n-ɛ ɛ?”

Wlɛfeleseɔn 20:10

Kǔ ɛ̀ boe-a u̍h i̍-ɛ, ɛ̍ mu̍ dě pɔ̀nɔ̌ nɛ̍-a pàìbǒ di̍i̍ poe-ɛ tà nmi̍ɛ̍ ke tu̍owli po̍ nyɔ̍-a si̍h naɛ nɛ-aɛ. Nɛ̀ dě-e bo u̍h-a mu̍ jua̍i̍ sàɛ̀ wlù ke sɔ̀n nɔ̌ kmɔ̌-a kmɔ̌.

Wlɛfeleseɔn 20:7

Pò sɔ̀nᵻá wlǔ due laa̍ i̍h chlà-ɛ, nɛ̀ Setɔn-a mu̍ pɔ̀ni-ɛ ɛ̍ iě dě kasoo sɔ.

Wlɛfeleseɔn 9:11

I̍h blě blǔh baa ɛ̀ nɛ-a dǒ i̍h dlǔ-ɛ, ɛ̀ nu̍-a ǐnchɔ̀ ɛ̀ kɔn-a kàn biě wlu̍ i̍-ɛ. Ɛ̍ Iblu nynɛ̌ nu̍ Abadɔn iě ɛ̍ Klii nynɛ̌ nu̍ Apoleɔn.