Wlɛfeleseɔn 20:12 - Ku̍o̍ Delee 1999

¹² Wɛ̀ ǐn jě mɛ̌-nyɔ̍ kli̍hgbɛ̍, nɛ̀ u̍h nynaɛ i̍ dǒ nynɛ̌ gbalǎ jǔ. Nɛ̀ feɛ chlǐh-dɛ̍ ke chlǐh-dɛ̍ᵻ diih pɔ̀ni-ɛ wɔ̍i̍n. Nyɔsoa pa̍ mɛ̌-nyɔ̍-a taɔ dǒ dɛ̍ᵻ u̍h nu̍-aɛ we̍, ka i̍h nu̍-a chlǐh-ɛ dě chlǐh-dɛ̍ᵻ laa̍ di̍i̍-ɛ.

Wlɛfeleseɔn 20:12 Iomraidhean Croise

Matio 11:22

Jɛ ǎn sèàɛ̍ mɔ̀ wlùh, ti̍ ɛ̍ mu̍-a sàwi̍h sì ti̍ nu̍-ɛ, nɛ̀ Nyɔsoa-a mu̍ Taiɛ ke Saidɔn wlɔ̀ᵻ wɔɛ jě ɛ̍ iě mɔ̀ sìì.

Matio 16:27

Dɛ̍nu̍ɛ, Nyi̍ɔ̍-a Jǔ-a mu̍ de̍ka ji̍ dě ɔ̍ Baa-a tìh-a i̍ bɛ̌-ɛ di̍i̍, ɔ̍ ke ɔ̍ ǐnchɔ̀ ke. Dǒ ti̍ laa̍ di̍i̍-ɛ, ka jɔ-a nu̍-dɛ̍ nɛ-aɛ, nɛ̀ kǎ ɔ̍ Nyɔsoa kwa̍a̍ jě dɛ̍-a mu̍ nɛ.

Pɔ̀n Chɛ̀ Luu To-a La 10:20

Mɔ̀ bɔ̌ mɔna̍ nu̍-ɛ jeědih-a mɔ̀ dɛ̍ɛ̍ jě tìh. Jɛ mɔ̀ nu̍ mɔna̍ ka mɔ̀-a nynɛ̌ chlǐh-a wɛ̀ dě ja̍i̍wlɔ̀-ɛ.”

Nu̍-dɛ̍ᵻ 24:15

Nyɔsoa due u̍h tè-a wlì-ɛ, ɔ̍ bo ǐn tè wlì ke. Ǐn tè ɛ̍ wlì nyɔ̍ sɔ̀nᵻ ke nyɔ̍ chɛ̀ ùh mɛ̌-aɛ, u̍h-a mu̍-e wlǔh dode̍.

Wloma 2:6

Dɛ̍nu̍ɛ, ka nyɔ̍-a nu̍-dɛ̍ᵻ nɛ-aa, kǎ Nyɔsoa-a mu̍ ɔ̍ pɛ̌ɛ nu̍.

1 Kɔwlɛntiɔn 4:5

Ɛ̍ tìh-ɛ, bɔ̌ nyɔ̍ tìh pùn jě-ɛ te̍e̍ wɛ̀ ti̍ iě nyni̍. Chlì Joi-a ji̍-ɛ we̍ i̍. Ɔ̍-ɔ bo ɔ̀ mu̍ dɛ̍ᵻ ìh sìle-a dě kwile-ɛ nɔ̌ sɔ̀npli we̍ ja, wɛ̀ ɔ̍ iě dɛ̍ᵻ nɛ-a dě nyɔ̍ wlùh di̍i̍-ɛ gbɔ̀ i̍ sà. Nɛ̀ ka jɔ-a nu̍-dɛ̍ nɛ-aɛ, kǎ Nyɔsoa-a mu̍ ɔ̍ tìhwe̍ po̍-ɛ nu̍.

2 Kɔwlɛntiɔn 5:10

Dɛ̍nu̍ɛ, à kli̍hgbɛ̍ à kɔn à iě dǒ Klai-a taɔ gbalǎ jǔ i̍ nyna. Jɔ-ɛ, ɔ̍ mu̍ dɛ̍ jě dǒ dɛ̍ chɛ̀ àe̍e̍ dɛ̍ sɔ̀n ɔ̍ nu̍-a nɔ̌ kmɔ̌-ɛ we̍.

Felepai 4:3

Nɛ̀ɛ̍, mɔ̀ ɔ̀ ke ǐn ke à nu̍-a dbo̍ tu̍ due ǐn tè-a wlì-ɛ, ǎn ba̍le-e, naɛ nynɔ̌gbaɔᵻ la sɔ̍nᵻ we̍ i̍. Dɛ̍nu̍ɛ, u̍h gbǎ ǐn ke Klɛmɛ ke dbo̍ nu̍ nyɔ̍ duuh sie-a dǒ de̍-ɛ we̍ kaa̍, wɛ̀ pɔ̀n chɛ̀ sɛ̍ ka i̍. Klɛmɛ ke dbo̍ nu̍ nyɔ̍ duuh bo ùh kɔn nynɛ̌ nɛ dě feɛ chlǐh-dɛ̍ di̍i̍ wɛ̀.

Wlɛfeleseɔn 11:18

Nyɔ̍ ùh se̍-a ìn juo-ɛ u̍h gbǎ jlu̍h-u wɛ̀, iě ɛ̍ nu̍ nàɛ̀ jlu̍h ti̍ wɛ̀, mɛ̌-nyɔ̍ iě sàwi̍h sì. Ti̍ nyni̍ wɛ̀ àn pòi̍nynuu̍ iě ìn dɛ̍ kwa̍a̍ jě, ùh nu̍-a tu̍owli po̍ nyɔ̍-ɛ, ɛ̍ ke àn nyɔ̍ plìh ke klaaᵻ kli̍hgbɛ̍ ùh-a tè-a ìn ja̍-ɛ ke. Ti̍ nyni̍ wɛ̀ ìè nyɔ̍ ùh-a gbɔ̀lɔ-a bloa̍-a gbɔ̀lɔ ke.”

Wlɛfeleseɔn 13:8

Nyɔ̍ kli̍hgbɛ̍ ùh tǐn-a nɔ̌ bloɔ̍-ɛ, u̍h-a mu̍ ɛ̍ wɛɛ sà. Ɛ̍-ɛ bo ɛ̀ nu̍-a nyɔ̍ ùh kɔn nynɛ̌ se̍-a chlǐh-ɛ dě Blawɛ̌ Jǔ-a feɛ chlǐh-dɛ̍ di̍i̍ wɛ̀ kmɔ̌ iě-a nui-ɛ dǔ. Blawɛ̌ Jǔ ɔ̀ dbǎ-aɛ, ɔ̍ bo ǎn dǎ.

Wlɛfeleseɔn 17:8

Nmi̍ɛ̍ ìn jě-aɛ, ɛ̍ nɛ kmɔ̌ de, jɛ ɛ̍ se̍ kmɔ̌ nɛ dɛ fu̍u̍. Jɛ ɛ̍ ji̍ la̍ dě kàn biě di̍i̍ sɔ la̍, wɛ̀ ɛ̍ iě-e gbɔ̀lɔ-ɛ. Kmɔ̌ nyɔ̍ juh kɔn nynɛ̌ se̍-a chlǐh-ɛ dě feɛ chlǐh-dɛ̍ di̍i̍ wɛ̀ kmɔ̌ iě-a nui-ɛ dǔ-ɛ, pò u̍h jě nmi̍ɛ̍ la-ɛ, nɛ̀ ɛ̍ mu̍ u̍h wɔ̍n flɔn-ɛ. Dɛ̍nu̍ɛ, ɛ̍ nɛ kmɔ̌ de, wɛ̀ ɛ̍ se̍ ka kmɔ̌ nɛ dɛ, iě ɛ̍ mu̍ la̍ ji̍ dode̍.

Wlɛfeleseɔn 19:5

Wɛ̀ wlu̍ sɔ dě nynɛ̌ gbalǎ kɛ̍n, ɛ̍ la̍a̍, “Plìh ke klaaᵻ, mɔ̀ɔ̍ ùh nu̍-a à Nyɔsoa-a pòi̍nynuu̍ ùh-a tè-a ɔ̍ ja̍-ɛ, mɔ̀ po̍ ɔ̍ tìhwe̍.”

Wlɛfeleseɔn 2:23

Nɛ̀ ǎn mu̍ ɔ̍ nynuu̍ dbǎ, wɛ̀ chɔchi̍h nyɔ̍ kli̍hgbɛ̍ iě ɛ̍ juo ka mɔ̍ bo ɔ̀ juo-a dɛ̍ nɛ-a dě nyɔ̍ wlùh di̍i̍-ɛ. Nɛ̀ jɔ-ɛ ka ɔ̍ nu̍-dɛ̍ᵻ nɛ-a, kǎ ǎn mu̍ ɔ̍ pɛ̌ɛ-ɛ nu̍.

Wlɛfeleseɔn 20:11

Wɛ̀ ǐn jě nynɛ̌ gbalǎ plǔ klaa, ɛ̍ ke ɔ̀ tè-a dǒ ɛ̍ kɛ̍n i̍-ɛ ke. Wɛ̀ blǔh ke ja̍u̍n ple̍ i̍h sɔ dǒ ɔ̍ jlǐhwai, wɛ̀ i̍h se̍ jě-ɛ dɛ kleǐnklein.

Wlɛfeleseɔn 20:13

Iě jbǒ sà mɛ̌-nyɔ̍ nɛ-a dě ɛ̍ di̍i̍-ɛ kwlǎ. Wɛ̀ mɛ̌ɛ ke mɛ̌-nyɔ̍-a wlɔ̀ sà mɛ̌-nyɔ̍ nɛ-a dě i̍h we̍-ɛ kwlǎ ke. Wɛ̀ u̍h kli̍hgbɛ̍-a taɔ pa̍-ɛ dǒ u̍h-a nu̍-dɛ̍ᵻ we̍.

Wlɛfeleseɔn 20:15

Nyɔ̍-o-nyɔ̍ ɔ̀ kɔn nynɛ̌ se̍-a chlǐh-ɛ dě feɛ chlǐh-dɛ̍ di̍i̍-ɛ, nɛ̀ ɔ̍ poe-ɛ dě pɔ̀nɔ̌ nɛ̍-a pàìbǒ di̍i̍.

Wlɛfeleseɔn 21:27

Jɛ dɛ̍-ɛ se̍ nɛi̍ wɛ̀ wɛ̀ ɛ̍-ɛ sǐ-e i̍, ɛ̍ ke nyɔ̍ jɔ nu̍-a sììjii̍ ke si̍h tmɔ̌ dɛ̍-ɛ ke. Jɛ ùh kɔn nynɛ̌ chlǐh-a dě Blawɛ̌ Jǔ-a feɛ chlǐh-dɛ̍ di̍i̍-ɛ, u̍h nɛ due bo ùh-a mu̍ dě-e i̍ sǐ.

Wlɛfeleseɔn 22:12

Jusu la̍a̍, “Nɛ̀ɛ̍, ǎn mu̍ ji̍ suei̍. Nɛ̀ ǎn mu̍ pɛ̌ɛ la ja, wɛ̀ nyɔ̍ jɔ-ɛ, iě ɔ̍ pɛ̌ɛ dǒ dɛ̍ ɔ̍ nu̍-aɛ we̍.

Wlɛfeleseɔn 3:5

Nyɔ̍ ɔ̀ sà-a dɛ̍ sɔ̀n klà-a, nɛ̀ kǎ ɔ̍ mu̍ jlii̍ plǔᵻ pa̍-a nu̍ ke. Nɛ̀ ǐn se̍ ɔ̍ nynɛ̌ dě feɛ chlǐh-dɛ̍ di̍i̍ sà mu̍. Jɛ nɛ̀ ǎn mu̍ ɔ̍ ǎn nyɔ̍ slè-e dǒ ǐn Baa ke ɔ̍ ǐnchɔ̀ jǔ.