Wlɛfeleseɔn 20:1 - Ku̍o̍ Delee 1999

¹ Wɛ̀ ǐn jě ǐnchɔ̀ nɛ̀ ɛ̍ sɔ dě ja̍i̍wlɔ̀ ɛ̍ ji̍ nɔ̌ sɔ̀n. Iě ɛ̍ blě jeědih-a kàn biě-a kɔɛ̍n kwa̍, ɛ̍ ke jɔɔdbǔ ɛ̀ ku̍-a wɔ̍n-ɛ ke.

Wlɛfeleseɔn 20:1 Iomraidhean Croise

Pɔ̀n Chɛ̀ Luu To-a La 8:31

Iě jeědih ba̍le Jusu, ɔ̍-ɔ je̍e i̍h dě kàn gbɛ̍n biě di̍i̍ dbo̍.

2 Pitɛ 2:4

Nyɔsoa bo ɔ̀ gbɛ̍n ɔ̍ chɛ̀-a ǐnchɔ̀ nu̍-a gblɛ̍n sɔ̀ɛ̀n-ɛ kàn. Wɛ̀ ɔ̍ po̍ i̍h dě kàn nɛ̍ di̍i̍ dě biě jlu̍jlu̍ di̍i̍ i̍h iě-e nɛ te̍e̍ wɛ̀ sàwi̍h sì ti̍ iě nyni̍.

Judi 1:6

Kǎ ɛ̍ nɛ ke dǒ Nyɔsoa-a ǐnchɔ̀ we̍. Gbǐh jɛ kɔn-a dǒ i̍h we̍-ɛ, i̍h se̍ ɛ̍ kɛ̍n i̍ gbɛ̍n iě i̍h-a tàn kòi̍h. Ɛ̍ kɔn ɔ̍ po̍ i̍h jɔɔ ìh se̍-a chɛn la̍ kɔn-ɛ bu̍hᵻ i̍. Wɛ̀ ɔ̍ tèè i̍h dě kwile gbeu di̍i̍ i̍ te̍e̍, wɛ̀ sàwi̍h sì weɛ̍ ɛ̀ ku̍-a wɔ̍n-ɛ ɛ̍ iě ji̍.

Wlɛfeleseɔn 1:18

Mɔ̍ bo ɔ̀ nu̍ Kmɔ̌ Nɛ Nyɔ̍. Ǐn mɛ̌-ɛ de, jɛ ǐn nɛ kmɔ̌ wɛ̀ dode̍ nɔ̌ kmɔ̌-a kmɔ̌. Ǐn blě mɛ̌ɛ ke mɛ̌-nyɔ̍-a kmɔ̌-a kɔɛ̍nᵻ.

Wlɛfeleseɔn 10:1

Wɛ̀ ǐn jě Nyɔsoa-a kmu-u ǐnchɔ̀ dɛɛ, nɛ̀ ɛ̍ sɔ dě ja̍i̍wlɔ̀. Nɛ̀ ɛ̍ pa̍ nǐgban-a, iě nǐnmɛ nu̍ ɛ̍ tèè dɛ̍. Ɛ̍ jua̍a̍ ke jlǔh mu̍i we̍, iě ìn jě ɛ̍ bu̍hᵻɛ́ ka nɛ̍-a pàìbǒ-ɛ.

Wlɛfeleseɔn 18:1

Ɛ̀ la ɛ̍ wɔ̀-a nɛ-ɛ, wɛ̀ ǐn jě Nyɔsoa-a ǐnchɔ̀ dɛɛ, nɛ̀ ɛ̍ sɔ dě ja̍i̍wlɔ̀ ɛ̍ ji̍ nɔ̌ sɔ̀n. Iě ɛ̍ blě tùn ɛ̀ ku̍-a wɔ̍n-ɛ, wɛ̀ ɛ̍ tìh-a i̍ bɛ̌-ɛ wɔ̀ sɔ̀npli ɛ̍ nu̍ bloa̍-a pɔ̀ɔ̀.

Wlɛfeleseɔn 20:3

Wɛ̀ ɛ̍ po̍ ɛ̍ dě biě di̍i̍, iě ɛ̍ ka̍n-o, ɛ̍ po̍ ɛ̍ slu̍ wɔ̍i̍n. Wɛ̀ Kǔ-u je̍e bloa̍ kli̍hgbɛ̍ i̍ boe dɛ kleǐnklein iě sɔ̀nᵻá wlǔ due laa̍ i̍h iě chlà. Pò sɔ̀nᵻá wlǔ due laa̍ i̍h chlà-ɛ, nɛ̀ Kǔ kɔn ɛ̍ iě pɔ̀ni-ɛ dǒ ti̍ gbɔ̍ di̍i̍.