Wlɛfeleseɔn 2:9 - Ku̍o̍ Delee 1999

⁹ Ɔ̍ la̍a̍, Ǐn juo ɛ̍-ɛ ka mɔ̀ pa̍-a nyɔ̍gbà iě mɔ̀-a sàɛ̀-a jua̍i̍-ɛ. Jɛ mɔ̀ pàn-ɛ o. Nyɔ̍ ùh se̍-a Juu nyɔ̍ wɛ̀ u̍h la̍ u̍h nu̍-a Juu nyɔ̍-ɛ, wlu̍ sɔ̀nᵻ u̍h-a po̍-a mɔ̀ pùn i̍-ɛ, ǐn ju̍o̍e i̍h we̍ i̍. Jɛ u̍h bo ùh nu̍ Setɔn-a nyɔ̍.

Wlɛfeleseɔn 2:9 Iomraidhean Croise

Matio 4:10

Wɛ̀ Jusu la̍a̍ dě ɛ̍ we̍, “Sɔ da̍a ǐn we̍-e Setɔn. Nyɔsoa-a wlu̍ la̍a̍, ‘Sà àn Joi Nyɔsoa wɛɛ, nɛ̀ ɔ̍ nɛ due gbài̍ bo ìè jǔ dbee.’ ”

Pɔ̀n Chɛ̀ Luu To-a La 12:21

“Kǎ ɛ̍ nu̍ nɛ-ɛ dǒ nyɔ̍ ɔ̀ tè-a pàn-dɛ̍ᵻ i̍ dǒ ɔ̍ chɛ̀ we̍-ɛ, jɛ nɛ̀ ɛ̍ se̍ Nyɔsoa naɛ pàn-a.”

Pɔ̀n Chɛ̀ Luu To-a La 22:65

Wɛ̀ u̍h po̍ ɔ̍ wlu̍ dɔu diih pùn i̍.

Pɔ̀n Chɛ̀ Luu To-a La 4:18

“Joi-a Sùù nɛ ǐn we̍. Dɛ̍nu̍ɛ, ɔ̍ tba̍ ǐn chèɛ̀ iě pɔ̀n chɛ̀-a tìh we̍i̍ bla̍ dě nyɔ̍gbà nyɔ̍ we̍. Ɔ̍ dbo̍ m iě i̍h i̍ sà ka kèi̍ᵻ sèìe-a wɛ̀-ɛ, wɛ̀ iě dɔ̌-nyɔ̍-a i̍ jě-e tìh i̍ sà ke dě u̍h we̍. Wɛ̀ iě nyɔ̍ ùh-a jě-a tìh-ɛ tìh jě-ɛ kɛ̍n sà.

Pɔ̀n Chɛ̀ Luu To-a La 6:20

Wɛ̀ Jusu gbɛ̀n ɔ̍ kòà ja̍ iě ɔ̍ la̍a̍, “Mɔ̀ɔ̍ ùh pa̍-a nyɔ̍gbà-ɛ, mɔ̀ nmɔ i̍. Dɛ̍nu̍ɛ, Nyɔsoa-a kmɔ̌ wlu̍ i̍ kɔn-ɛ kɔn dǒ mɔ̀ we̍.

Chɔɔn 16:33

Ǐn sèàɛ̍ mɔ̀ ìh la wlùh wɛ̀ mɔ̀ iě wlùh-a i̍ tè-ɛ blě dě ǐn ja̍a̍. Mɔ̀-a mu̍ tìh jě da̍a kmɔ̌ la we̍, jɛ mɔ̀ ku̍ wlùh o, dɛ̍nu̍ɛ, ǐn sà kmɔ̌ la klà wɛ̀.”

Nu̍-dɛ̍ᵻ 14:22

Wɛ̀ u̍h-a po̍ Jusu-a kòà nɛ-a deě-ɛ gbǐh ku̍u̍, iě u̍h-a fùka u̍h-a wlùh u̍h iě wlùh gbaɛ dɛ kɛ̍n sie. U̍h la̍a̍, “Dě jua̍i̍ sàɛ̀-ɛ dɔu di̍i̍ bo à mu̍ jii sasǎ wɛ̀ à iě dě Nyɔsoa-a kmɔ̌ wlu̍ i̍ kɔn-ɛ di̍i̍ nyni̍.”

Nu̍-dɛ̍ᵻ 26:11

Ti̍ kli̍hgbɛ̍ we̍ ǎn ple̍ wɛɛ sà gbòᵻ sɔ̀n i̍ iě ǎn gbɛ̍n u̍h kàn, iě ǎn nu̍ u̍h-a kloǒ u̍h iě Nyɔsoa-a nynɛ̌ wɔ̍n nyni i̍. U̍h-a dɛ se̍ ǐn wlì i̍ nɛ tìh ǎn mu̍ dě dakɔ̍ duuh-a wlɔ̀ᵻ di̍i̍-a chɛ̀ iě ǎn jě-e u̍h klě.

Wloma 12:12

Ka mɔ̀ kɔ̍-a Klai wlùh i̍-ɛ, nɛ̀ mɔ̀ nmɔ. Wě ji̍-ɛ, gbɛ̍n wlùh i̍ sǔh. Mɔ̀ bɔ̌ ba̍le-ɛ se̍a̍-a.

Wloma 2:17

Mɔ̀ ɔ̀ nu̍-a Juu jǔ-ɛ, Nyɔsoa-a telě bo ìn tè wlì iě àn po̍ àn Nyɔsoa dɛ-a wɔ̍i̍n.

Wloma 5:3

Ɛ̍ se̍-o siee, nɛ̀ à nmɔ-ɛ dě à jua̍i̍ sàɛ̀ di̍i̍ ke, dɛ̍nu̍ɛ, à juo ɛ̍-ɛ jua̍i̍ sàɛ̀-a ku̍ i̍ à dě klì i̍.

Wloma 8:35

Klai-a à-a jbɛɛ la, nyɔ̍ bo ɔ̀ bɛ̌ɛ ɛ̍ ke àɔ̀ i̍ che̍ɛ̍ɛn ɛ? Wě bo ɛ̀ mu̍ ɛ̍ nu̍ ɛɛ, àe̍e̍ tìh jě-ɛ, àe̍e̍ klě jě-ɛ ke, mɔ̌ ke, nyɔ̍gbà ke, kanɛa dɛ̍ᵻ ke plàn chlɛ̀n bo ìh-a mu̍ àɔ̀ i̍ che̍ɛ̍ɛn ae?

Wloma 9:6

Dɛ̍ ǎn bla̍-aɛ, ɛ̍ se̍ nɛ̀ Nyɔsoa-a wlu̍ gbǎ si̍h i̍ kai. Ɛ̍ se̍ Eslɔɛ nyɔ̍-a tloemlai kli̍hgbɛ̍ à se̍ Eslɔɛ nyɔ̍ dǎɛ.

2 Kɔwlɛntiɔn 6:10

À nɛ wɔɛ gbɛɛ, jɛ à nu̍ mɔna̍ ti̍ kli̍hgbɛ̍ we̍. À wɔ̀ nyɔ̍gbà nyɔ̍, jɛ à pàn-ɛ nyɔ̍ dɔu. À wɔ̀ nyɔ̍ ùh se̍-a dɛ̍-o-dɛ̍ blě-ɛ, jɛ à kɔn dɛ̍ᵻ kli̍hgbɛ̍.

2 Kɔwlɛntiɔn 8:2

Tìh jě-ɛ klaa ji̍ u̍h we̍, jɛ u̍h-a nmɔ-ɛ kaa̍ ti̍ kli̍hgbɛ̍ we̍. U̍h nu̍ nyɔ̍gbà pa̍ nyɔ̍-a pɔ̀ɔ̍pìe̍ naɛ, jɛ u̍h blě wlùh wlǎ kaa̍ dǒ dɛ̍ nyǐ-ɛ we̍.

2 Kɔwlɛntiɔn 8:9

Mɔ̀ juo à Joi Jusu Klai-a blɛ nɛ-ɛ. Ɔ̍ pàn-ɛ de, jɛ ɔ̍ nu̍ ɔ̍ chɛ̀ nyɔ̍gbà nyɔ̍ we̍i̍ mɔ̀-a tìh, wɛ̀ ɔ̍ nyɔ̍gbà pa̍-a iě ɛ̍ nu̍ mɔ̀ iě pàn.

1 Tɛsoloniɔn 3:4

Ti̍ à nɛ-a dě mɔ̀ we̍-ɛ, à sie ti̍ nya̍ iě à sèàɛ̍ mɔ̀ wlùh ka à mu̍-a klě jě-ɛ. Ɛ̍ kɔn taǐn bo ɛ̀ nɛ-a mɔ̀-a jě-a.

1 Timote 1:13

Kǎ ɛ̍ nɛ gbɛɛ, tɛin laa̍ nɛ̀ ǐn nyni ɔ̍ wlu̍ wɔ̍i̍n, iě ǎn chlèe ɔ̍, wɛ̀ ǎn jě-e ɔ̍ nyɔ̍ klě. Wɛ̀ Nyɔsoa jě ǐn wɔɛ, dɛ̍nu̍ɛ, ǎn se̍ wlùh gbaɛ blě bo ɛ̀ nu̍ ɛ̍ wɛ̀ ǐn se̍ dɛ̍ sɔ̀n ǎn nu̍-aɛ juo.

1 Timote 6:18

Chlì u̍h-a dounᵻ u̍h iě gblɛ̍n-ɛ nmɔ, u̍h-a dɛ̍ᵻ chɛ̀ i̍ nu̍-ɛ iě nya̍ pàn-ɛ, u̍h iě kwa̍ pɔ̀ni.

Wlɛfeleseɔn 1:9

Mɔ̍ Chɔɔn la, mɔ̀ ke ǐn ke à ji̍ de̍di̍i̍. Mɔ̀ ke ǐn ke à gbaɛ Jusu wlùh, ɛ̍ kɔn à sàɛ̀ jua̍i̍ iě à kɔn dǒ ɔ̍ kmɔ̌ wlu̍ i̍ kɔn-ɛ we̍. Wɛ̀ à gbɛ̍n wlùh i̍ à ku̍-e klì i̍. Ǎn bla̍ Nyɔsoa tìh ɛ̍ ke gblangbai̍ Jusu sà-ɛ ke. Ɛ̍ kɔn mɔ̍ bo u̍h po̍ nɔ̌ tbǒ la u̍h-a dǎɛ-a Pamɔ-ɛ kɛ̍n.

Wlɛfeleseɔn 2:13

Ǐn juo àn tǐn la̍. Tà kɔn taǐn Setɔn-a nynɛ̌ gbalǎ nɛ-a bo ìn tǐn. Wɛ̀ ìn gbaɛ ǐn wlùh ke ma̍u̍. Antipa-a chɛ̀ jɔ nu̍-a ǎn wlùh gbaɛ nyɔ̍ ke sàànsi̍i̍h-ɛ, ti̍ u̍h dbǎ-a ɔ̍ dě mɔ̀ blǐ wlɔ̀ tà Setɔn tǐn-aɛ, mɔ̀ se̍ mɔ̀-a wlùh gbaɛ-ɛ i̍ tǎli.

Wlɛfeleseɔn 2:2

Ǐn juo mɔ̀-a nu̍-dɛ̍ᵻ ke mɔ̀-a kmu-u dbo̍ nu̍-ɛ ke wlùh i̍ gbɛ̍n-ɛ. Ǐn juo ka mɔ̀ faɛn-a dɛ̍ᵻ sɔ̀nᵻ nyɔ̍-ɛ. Mɔ̀ tɛ̀n nyɔ̍ ùh-a dǎɛ-a u̍h-a chɛ̀ Klai-a gba̍tòà jɛ nɛ̀ ɛ̍ se̍-a u̍h mɔ-ɛ. Wɛ̀ mɔ̀ juo u̍h-a si̍h tmɔ̌ tìh. Ǐn ju̍o̍e i̍h we̍ i̍ kli̍hgbɛ̍.

Wlɛfeleseɔn 2:24

“Jɛ mɔ̀ɔ̍ juh sie-a dě Taɛtawla-ɛ, mɔ̀ se̍ dǒ nynɔ̌ la ɔ̍ nǎ po̍ wlu̍ de̍e̍ gbǎ. Mɔ̀ se̍ ìh u̍h-a dǎɛ-a Setɔn-a sìle dɛ̍ᵻɛ́ we̍ i̍ ju̍o̍e. Ɛ̍ kɔn na̍ ǐn se̍ mɔ̀ slùgbɛ̀ dɛɛ kleǐ po̍ mu̍ dɛ.

Wlɛfeleseɔn 3:9

Mɔ̀ gbɛ̀n-e, nyɔ̍ ùh kɔn-a dǒ Setɔn-a gbɔ̀ù we̍-ɛ, u̍h nu̍ si̍h nyɔ̍. U̍h la̍ u̍h-u Juu nyɔ̍, jɛ u̍h se̍ Juu nyɔ̍. Jɛ ǎn mu̍ ɛ̍ nu̍ u̍h iě ji̍ wɛ̀ u̍h iě i̍ chlìi dǒ mɔ̀ jǔ. Wɛ̀ u̍h kli̍hgbɛ̍ iě ɛ̍ i̍ juo ka ǐn jbɛɛ-a mɔ̀ɔ̍-ɛ.

Wlɛfeleseɔn 7:14

Wɛ̀ na̍a̍, “Nyɔ̍ klaa, ǐn se̍ u̍h-a dɛ̍ i̍ juo. Mɔ̀ bo ɔ̀ juo u̍h.” Iě ɔ̍ la̍a̍ dě ǐn we̍, “Nyɔ̍ la ùh jii-a dě jua̍i̍ sàɛ̀ klaa di̍i̍-ɛ u̍hɔ̍ɔ̍ bo. U̍h wɔ̍lɔ u̍h-a plɛ̀i̍ᵻ wɛ̀, iě u̍h plǔ i̍ i̍h dǒ Blawɛ̌ Jǔ-a nymɔ̍ we̍.