Wlɛfeleseɔn 2:3 - Ku̍o̍ Delee 1999

³ Mɔ̀ gbɛ̍n wlùh i̍ iě mɔ̀ sàɛ̀ jua̍i̍ wɛ̀ ǎn tìh, iě mɔ̀ se̍ se̍a̍.

Wlɛfeleseɔn 2:3 Iomraidhean Croise

Pɔ̀n Chɛ̀ Maɛ To-a La 15:21

U̍h-a gba̍-a la̍ Jusu-ɛ, dǒ u̍h ke jɔ̍gbau due gbèɛ̀ɛ̍n, nɛ̀ ɔ̍ sɔ dǒ ɔ̍ blǐ wlɔ̀, dǒ Saiwlein. Ɔ̍ nynɛ̌ bo Samo. Ɛlesana ke Wlufɔ baa bo. Wɛ̀ fledlǔ nu̍ ɔ̍ kloǒ iě ɔ̍ gba̍ Jusu-a gbàɛ̍ kɛ̍n i̍ tu̍.

Pɔ̀n Chɛ̀ Luu To-a La 14:27

Nyɔ̍ jɔ se̍-a ɔ̍ naɛ gbàɛ̍ kɛ̍n i̍ tu̍-u dǔ mu̍ wɛ̀ ɔ̀ iě-a dǒ ǐn de̍e̍ gbǎ-a dǔ-ɛ, nɛ̀ ɔ̍ se̍ ǎn kòà nu̍-ɛ bɛ̌ɛ.

Pɔ̀n Chɛ̀ Luu To-a La 18:1

Wɛ̀ Jusu po̍ nɛnǎ dě ɔ̍ kòà we̍ ka u̍h-a gbǐh bɔ̌-a mɛ̌-ɛ, wɛ̀ u̍h kɔn u̍h iě-a ba̍le ti̍ kli̍hgbɛ̍ we̍-ɛ.

Pɔ̀n Chɛ̀ Luu To-a La 21:19

Mɔ̀-a dě klì i̍ ku̍-ɛ bo ɛ̀ mu̍ mɔ̀-a chɛ̀ sèìe.

Pɔ̀n Chɛ̀ Luu To-a La 5:5

Iě Samo sà ɔ̍ wlu̍ pɔ̀n we̍. Ɔ̍ la̍a̍, “Dlǔtu, à po̍ sɔ̍ po̍ po̍-o wìe̍, wɛ̀ à se̍ dɛ̍ gbɛ̍n. Jɛ ka ìn wlu-aɛ, ǎn mu̍ i̍h niɔ̍ po̍ dɛ.”

Pɔ̀n Chɛ̀ Luu To-a La 8:15

Jih gbǎ-a dǒ gbablu̍h i̍-ɛ, i̍h bo ìh wɔ̀ nyɔ̍ ùh wɔ̌n-a Nyɔsoa-a wlu̍ iě u̍h gbɛ̍n-a ɛ̍ i̍ dǒ wlùh ɛ̀ nmɔ-a jii̍ chɛ̀ɛ̌chɛ̀-ɛ we̍-ɛ. Wɛ̀ u̍h se̍ se̍a̍, iě u̍h tlo.

Chɔɔn 15:21

Jɛ ǎn tìh bo u̍h-a mu̍ mɔ̀ ìh kli̍hgbɛ̍ la jii̍ nu̍, dɛ̍nu̍ɛ, u̍h se̍ nyɔ̍ ɔ̀ dbo̍-a m-ɛ juo.

Wloma 12:12

Ka mɔ̀ kɔ̍-a Klai wlùh i̍-ɛ, nɛ̀ mɔ̀ nmɔ. Wě ji̍-ɛ, gbɛ̍n wlùh i̍ sǔh. Mɔ̀ bɔ̌ ba̍le-ɛ se̍a̍-a.

Wloma 16:12

Mɔ̍ sà Joi-a dbo̍ nu̍ nyɔ̍ Tlefina ke Tlefosa nyinɔ̍ i̍, ɛ̍ ke ǎn tìh kma nyɔ̍ Pɛse ɔ̀ po̍-ae gbǐh dǒ Joi-a dbo̍ we̍-ɛ ke.

Wloma 2:7

Nyɔ̍ duuh-a pɔ̀n Nyɔsoa iě u̍h tìh-a i̍ bɛ̌-ɛ ke, ja̍ tè-ɛ ke nɛ̀ mɛ̌ feɛ nyǐ, ɛ̍ kɔn u̍h-a gba̍ dɛ̍ chɛ̀ nu̍-ɛ dluwe̍ i̍. U̍h bo Nyɔsoa-a mu̍ kmɔ̌ sie feɛ nyǐ.

Wloma 8:25

Jɛ pò dɛ̍ à se̍-a jlǐhɛ̍ tba̍-ɛ wɛ̀ à iě ɛ̍ wlùh i̍ kɔ̍-ɛ, nɛ̀ à gbɛ̍n wlùh i̍ iě à chlì ɛ̍ we̍ i̍.

1 Kɔwlɛntiɔn 13:7

Jbɛɛ-ɛ sà dɛ̍ sɔ̍nᵻ i̍, ɛ̍ blě wlùh gbaɛ ma̍u̍. Ɛ̍ tè dɛ̍ wlì ti̍ kli̍hgbɛ̍ we̍, iě ɛ̍ ku̍-e klì i̍ dǒ dɛ̍ᵻ kli̍hgbɛ̍ we̍.

1 Kɔwlɛntiɔn 16:16

mɔ̀ jě nyɔ̍ kaɛn la dɛ̍ɛ̍, ɛ̍ ke nyɔ̍ kli̍hgbɛ̍ ùh-a nu̍-a Nyɔsoa dbo̍-ɛ ke.

2 Kɔwlɛntiɔn 10:15

À-a po̍ wɔ̍i̍n dǒ nyɔ̍ duuh-a dbo̍ u̍h nu̍-a ɛ̀ Nyɔsoa se̍-a à nyǐ-ɛ we̍. Jɛ à tè ɛ̍ wlì ka mɔ̀-a wlùh gbaɛ-a ku̍-aɛ, kǎ à dbo̍ à nu̍-a dě mɔ̀ nynɛ̌-ɛ ɛ̍ mu̍ i̍ bɛ̌-ɛ nu̍ kaa̍.

2 Kɔwlɛntiɔn 11:23

Ǎn mu̍ la̍ wlu ka se̍na̍-a nu̍ nyɔ̍-ɛ. U̍h-u Klai-a pòi̍nynuu̍ ae? Ǐn nu̍ pòi̍ju chɛ̀ dǒ u̍h kɛ̍n. Ǐn nu̍ dbo̍ wɛ̀ kaa̍ dǒ u̍h kɛ̍n, iě ǐn poe-ɛ kasoo wɛ̀ dɛ̍ dɔu. Ǐn bla̍-ɛ wɛ̀ dɛ̍ dɔu, iě ǐn na-ɛ mɛ̌ɛ wɔ̍i̍n wɛ̀ dɛ̍ dɔu.

2 Kɔwlɛntiɔn 4:1

Dě Nyɔsoa-a wɔɛ kɔn-ɛ di̍i̍ bo ɔ̍ nyǐ-i àɔ̀ dbo̍ la à iě nu̍. Ɛ̍ tìh-ɛ, à se̍ se̍a̍ dǒ dbo̍ nu̍ la̍.

2 Kɔwlɛntiɔn 4:16

Ɛ̍ tìh-ɛ, à se̍ se̍a̍ dǒ dbo̍ nu̍ la̍. À nyi̍ɔ̍tu-a nyni̍ la̍ jii̍ gbɛɛ, jɛ à wlùh-a gbǎ delee i̍ ti̍ kli̍hgbɛ̍ we̍.

2 Kɔwlɛntiɔn 5:9

Ɛ̍ tìh-ɛ, pò à nɛ dě à nyi̍ɔ̍ku di̍i̍ àe̍e̍ à se̍ dě ɛ̍ di̍i̍ nɛ-ɛ, à iě ɔ̍ wlùh i̍ pɛ̍n-ɛ, ɛ̍ kɔn di̍i̍chì bo à chɛ̍n.

2 Kɔwlɛntiɔn 6:5

À bla̍-aɛ, à poe-ɛ kasoo iě à poe-ɛ slɛ̀ dlǔ i̍. À nu̍ kmu-u dbo̍, à se̍ mɔ̌-ɔ nyinɔ̍ kɔn iě mɔ̌-a nu̍ àɔ̀.

Kelesea 6:2

Pò jɔ kɔn ba̍ ja tìh jě-ɛ, nɛ̀ ɔ̍ gbǎ ɔ̍ we̍ u̍h iě ɛ̍ kwa̍a̍ i̍ gblè-e. Ɛ̍ ja laan nɛ-ɛ, nɛ̀ mɔ̀-a jě la̍ Klai-a telě kli̍hgbɛ̍ dɛ̍ɛ̍.

Kelesea 6:9

Nɛ̀ɛ̍, mɔ̀ à bɔ̌ se̍a̍-a dǒ dɛ̍ chɛ̀ nu̍-ɛ we̍. Pò à se̍ se̍a̍ wɛ̀ ti̍ iě nyni̍-ɛ, nɛ̀ à mu̍ dɛ̍ chɛ̀ gbǎn.

Felepai 2:16

ka mɔ̀ gbɛ̍n-a tu̍owli la ɛ̀ nyǐ-a nyɔ̍ feɛ-ɛ, ɛ̍ nya̍ gba̍-a i̍-ɛ. Pò mɔ̀ ja laan nu̍-ɛ, nɛ̀ ɛ̍ mu̍ ǎn bu̍hᵻ dlǔ bɛ̌-ɛ dǒ weɛ̍ Klai-a mu̍-a ji̍-ɛ di̍i̍. Nɛ̀ ǎn gbǐh se̍-e gbɔ̀lɔ mu̍ dǒ dbo̍ dɔu ǐn nu̍-aɛ we̍.

Felepai 4:3

Nɛ̀ɛ̍, mɔ̀ ɔ̀ ke ǐn ke à nu̍-a dbo̍ tu̍ due ǐn tè-a wlì-ɛ, ǎn ba̍le-e, naɛ nynɔ̌gbaɔᵻ la sɔ̍nᵻ we̍ i̍. Dɛ̍nu̍ɛ, u̍h gbǎ ǐn ke Klɛmɛ ke dbo̍ nu̍ nyɔ̍ duuh sie-a dǒ de̍-ɛ we̍ kaa̍, wɛ̀ pɔ̀n chɛ̀ sɛ̍ ka i̍. Klɛmɛ ke dbo̍ nu̍ nyɔ̍ duuh bo ùh kɔn nynɛ̌ nɛ dě feɛ chlǐh-dɛ̍ di̍i̍ wɛ̀.

Kalase 1:11

Ǎn sà nǐ wɔ̍n Joi-a tìh-a i̍ bɛ̌-ɛ gbǐh iě ɛ̍ nu̍ mɔ̀-a kmu-ɛ iě gbǐh kɛ̍n nɛ. Wɛ̀ mɔ̀ iě-e klì i̍ ku̍ dǒ dɛ̍ᵻ kli̍hgbɛ̍ we̍ dě wlùh i̍ gbɛ̍n-ɛ di̍i̍, mɔ̀ iě nmɔ.

1 Tɛsoloniɔn 1:3

Mɔ̀-a wlùh gbaɛ ɛ̀ blě-a nu̍-dɛ̍ᵻ ke jbɛɛ ɛ̀ nɛ-a kmu-u dbo̍ de̍e̍-ɛ, ɛ̍ ke mɔ̀-a à Joi Jusu Klai wlì tè-ɛ ɛ̀ ku̍-ae klì i̍-ɛ, pò à nɛ dǒ à Baa Nyɔsoa jǔ-ɛ, nɛ̀ à nu̍ i̍h wlùh we̍.

1 Tɛsoloniɔn 2:9

À de̍di̍i̍ᵻ, mɔ̀ bɛ̌ɛ mɔ̀ iě wlùh nu̍, ti̍ à nɛ-a dě mɔ̀ we̍-ɛ, nɛ̀ à nu̍ kmu-u dbo̍ iě à sàɛ̀ jua̍i̍ wlù ke sɔ̀n, wɛ̀ à-a je̍e nyɔ̍-o-nyɔ̍ wɔ̍ɔ̍n i̍ bɛ̌ɛ dǒ à Nyɔsoa-a pɔ̀n chɛ̀ bla̍-a we̍.

1 Tɛsoloniɔn 5:12

À de̍di̍i̍ᵻ, nyɔ̍ ùh nu̍-a mɔ̀-a dlǔtuᵻ dě Joi ja̍a̍ iě u̍h-a nu̍-a dbo̍ dě mɔ̀ nynɛ̌, wɛ̀ u̍h-a po̍-a mɔ̀ slɛ̌ chèɛ̀ i̍-ɛ, à gbɛ̍n mɔ̀-a bu̍hᵻ i̍ mɔ̀ iě u̍h dɛ̍ɛ̍ jě.

2 Tɛsoloniɔn 3:13

À de̍di̍i̍ᵻ, mɔ̀ bɔ̌ se̍a̍ dǒ dɛ̍ chɛ̀ nu̍-ɛ we̍.

2 Tɛsoloniɔn 3:5

Ǎn sà nǐ wɔ̍n Joi iě mɔ̀-a pɔluh wìè-e po̍ dǒ ka Nyɔsoa nu̍-a mɔ̀ɔ̍ jbɛɛ we̍, ɛ̍ ke dě klì i̍ ku̍-ɛ Klai nyǐ-a mɔ̀-ɛ ke.

2 Tɛsoloniɔn 3:8

À-a di̍ nyɔ̍-o-nyɔ̍-a di̍-dɛ̍ wɛ̀ à-a se̍ ɛ̍ tàà pɛ̌ɛ. Jɛ à nu̍ kmu dbo̍ wlù ke sɔ̀n, wɛ̀ à-a je̍e nyɔ̍-o-nyɔ̍ wɔ̍ɔ̍n i̍ bɛ̌ɛ.

1 Timote 4:10

À po̍ gbɔ̍igbɔ̍ iě à po̍-e dbo̍ nu̍-ɛa gbǐh. Dɛ̍nu̍ɛ, kmɔ̌ nɛ Nyɔsoa bo à kɔ̍ wlùh i̍, ɔ̀ nu̍-a nyɔ̍ kli̍hgbɛ̍-a Sèìe Nyɔ̍-ɛ. Wlùh gbaɛ blě nyɔ̍ bo ǎn dǎ gbe̍i̍n.

1 Timote 5:17

Nɛ̀ chɔchi̍h-a nyɔ̍ klaaᵻ ùh-a naɛ-a nyɔ̍-ɔ chɛ̀ka-ɛ, ɛ̍ blaɛ i̍ u̍h-a jě-dɛ̍ iě i̍ bɛ̌. Jɛ u̍h-a juh-a po̍-ae gbǐh dǒ Nyɔsoa tìh bla̍-a ke nǎ po̍ la̍-a bo ǎn dǎ gbe̍i̍n.

Iblu 10:36

Mɔ̀ kɔn mɔ̀ iě-e klì i̍ ku̍ wɛ̀ mɔ̀ iě Nyɔsoa-a wlùh nu̍, nɛ̀ mɔ̀-a mu̍ ɔ̍ tɔ̀ma̍a̍ wlu̍ jě.

Iblu 12:1

Nɛ̀ɛ̍, ka à blě-a wlùh gbaɛ blě nyɔ̍ tlùgbei̍ la à de̍e̍ i̍-ɛ, dɛ̍ᵻ kli̍hgbɛ̍ ìh-a chlì-a à ja̍-ɛ ke gblɛ̍n sɔ̀ɛ̀n jih gbɛ̍n-ɛ à i̍ gba̍i̍ngba̍i̍n-ɛ, mɔ̀ à poe i̍h fɔ̌ i̍ à iě-e gbǐh po̍ à iě dɛ̍ ɛ̀ pɛ̌n-a dǒ à jǔ i̍-ɛ we̍ ple̍.

Iblu 13:13

Ɛ̍ tìh-ɛ, mɔ̀ à mu̍ dě Jusu we̍ wìè-i à iě ɔ̍ tìh jě-ɛ kwa̍a̍ i̍ gblè-e.

Iblu 6:10

Nyɔsoa-a nu̍-dɛ̍ slɛ̌ i̍. Ɔ̍ se̍ mɔ̀-a nu̍-dɛ̍ᵻ we̍ mǎle. Mɔ̀ tù ɔ̍ tìh iě mɔ̀ gba̍ ɔ̍ nyɔ̍ jbɛɛ we̍ mɔ̀ iě u̍h we̍ gbǎ, iě mɔ̀-a gbǎ u̍h we̍ ke̍.

Iblu 6:12

À se̍ pɔ̀n mɔ̀ iě plǔh nu̍. Jɛ nyɔ̍ ùh blě-a wlùh gbaɛ iě ùh gbɛ̍n-a wlùh i̍ ùh jě-a dɛ̍ kɔn wlu̍ Nyɔsoa po̍-a tɔ̀ma̍a̍-ɛ, u̍h kɔn wɔ̀ɔ̀ mɔ̀ iě-e i̍ sà.

Iblu 6:15

Sɔ Eblaɛɛn gbɛ̍n wlùh i̍. Ɛ̍ kɔn ɔ̍ jě dɛ̍ kɔn wlu̍ Nyɔsoa po̍-a tɔ̀ma̍a̍-ɛ.

2 Pitɛ 1:6

wɛ̀ dǒ tɔɔ de̍e̍ laa̍ mɔ̀ iě-o chɛ̀ i̍ gbɛ̍n-ɛ po̍. Dǒ chɛ̀ i̍ gbɛ̍n-ɛ de̍e̍ laa̍ mɔ̀ iě-o klì i̍ ku̍-ɛ po̍. Dǒ klì i̍ ku̍-ɛ de̍e̍ laa̍ mɔ̀ iě-o Nyɔsoa dɛ-ɛ nɛ-ɛ po̍.

Wlɛfeleseɔn 1:9

Mɔ̍ Chɔɔn la, mɔ̀ ke ǐn ke à ji̍ de̍di̍i̍. Mɔ̀ ke ǐn ke à gbaɛ Jusu wlùh, ɛ̍ kɔn à sàɛ̀ jua̍i̍ iě à kɔn dǒ ɔ̍ kmɔ̌ wlu̍ i̍ kɔn-ɛ we̍. Wɛ̀ à gbɛ̍n wlùh i̍ à ku̍-e klì i̍. Ǎn bla̍ Nyɔsoa tìh ɛ̍ ke gblangbai̍ Jusu sà-ɛ ke. Ɛ̍ kɔn mɔ̍ bo u̍h po̍ nɔ̌ tbǒ la u̍h-a dǎɛ-a Pamɔ-ɛ kɛ̍n.

Wlɛfeleseɔn 3:10

Ǎn mu̍ mɔ̀ kɛ̍n kaɛn dǒ jua̍i̍ sàɛ̀ ɛ̀ mu̍-a kmɔ̌ kli̍hgbɛ̍ la we̍ ji̍ ɛ̀ iě-a nyɔ̍ kli̍hgbɛ̍ nɛ-a nɔ̌ blǔh la kɛ̍n-ɛ tɛ̀n-ɛ we̍. Dɛ̍nu̍ɛ, mɔ̀ nu̍ ǎn wlu̍ dǒ mɔ̀-a wlùh i̍ gbɛ̍n-ɛ ke mɔ̀-a dě klì i̍ ku̍-ɛ di̍i̍.