Wlɛfeleseɔn 2:26 - Ku̍o̍ Delee 1999

²⁶ Nyɔ̍ ɔ̀ sà-a dɛ̍ sɔ̀n klà-a, wɛ̀ ɔ̍ iě ǎn wlùh nu̍ te̍e̍ wɛ̀ ti̍ iě dlǔ i̍ chlà-ɛ, nɛ̀ ǎn mu̍ ɛ̍ nu̍ ɔ̍ iě bloa̍ wlu̍ i̍ kɔn.

Wlɛfeleseɔn 2:26 Iomraidhean Croise

Matio 10:22

Nɛ̀ ǎn tìh-ɛ nyɔ̍ kli̍hgbɛ̍-a mu̍ mɔ̀ faɛn. Jɛ nyɔ̍ ɔ̀ mu̍-ae klì i̍ ku̍ wɛ̀ ɛ̍ iě-a dlǔ i̍ chlà-ɛ, nɛ̀ ɔ̍ mu̍ pǔh.

Matio 19:28

Wɛ̀ Jusu la̍a̍ dě u̍h we̍, “Tìh-a taǐn àn sèàɛ̍ mɔ̀ wlùh, ti̍ dɛ̍ᵻ kli̍hgbɛ̍-a mu̍-a delee i̍ gbǎ-ɛ, nɛ̀ Nyi̍ɔ̍-a Jǔ-a mu̍ i̍ tè dǒ ɔ̍ nynɛ̌ gbalǎ kɛ̍n dě ɔ̍ tìh-a i̍ bɛ̌-ɛ di̍i̍. Nɛ̀ mɔ̀ɔ̍ ùh gbǎ-a dǒ ǐn de̍e̍-ɛ, wɛ̀ mɔ̀ iě dǒ nynɛ̌ gbalǎᵻá pùè jɔ̌ sɔɔ̌n kɛ̍n i̍ tìèe̍ ke, wɛ̀ mɔ̀ iě Eslɔɛ nyɔ̍-a chɛ̌tu-a pùè jɔ̌ sɔɔ̌n wlu̍ i̍ kɔn.

Matio 24:13

Jɛ nyɔ̍ ɔ̀ mu̍-ae klì i̍ ku̍ wɛ̀ ɛ̍ iě-a dlǔ i̍ chlà-ɛ, nɛ̀ ɔ̍ mu̍ pǔh.

Chɔɔn 6:29

Iě Jusu la̍a̍, “Ɛ̀ nu̍-a Nyɔsoa-a dbo̍ nu̍-ɛɛ, ɛ̍ nu̍ mɔ̀ iě nyɔ̍ ɔ̍ dbo̍-aɛ wlùh gbaɛ.”

Wloma 2:7

Nyɔ̍ duuh-a pɔ̀n Nyɔsoa iě u̍h tìh-a i̍ bɛ̌-ɛ ke, ja̍ tè-ɛ ke nɛ̀ mɛ̌ feɛ nyǐ, ɛ̍ kɔn u̍h-a gba̍ dɛ̍ chɛ̀ nu̍-ɛ dluwe̍ i̍. U̍h bo Nyɔsoa-a mu̍ kmɔ̌ sie feɛ nyǐ.

Wloma 8:37

Iěe, ìh kli̍hgbɛ̍ la i̍h se̍ à i̍ che̍ɛ̍ɛn bɛ̌ɛ. À sìì tu̍h du̍ nyɔ̍-a chɛ̀ wɛ̀ dě ɔ̀ jbɛɛ-a àɔ̀-ɛ ja̍a̍.

1 Tɛsoloniɔn 3:5

Ɛ̍ kɔn ti̍ ǐn se̍-a ɛ̍ i̍ nyna-a bɛ̌ɛ dɛ-ɛ, wɛ̀ ǐn dbo̍ Timote ɔ̍ iě mɔ̀-a wlùh gbaɛ jě. Ǎn ple̍ faɔn nyɔ̍-se̍-juo Kǔ po̍ mɔ̀ blu̍ja̍a̍ wɛ̀, iě à dbo̍ la ɛ̍-ɛ je̍e bu̍ɛ̍i̍ nu̍.

Iblu 3:6

Jɛ Klai bo ɔ̀ nu̍ Nyɔsoa-a wlì tè Jǔ, iě ɔ̍ nu̍ Nyɔsoa nyɔ̍-a Dlǔtu. Pò à gbɛ̍n-ɛ à di̍i̍ i̍ ku̍-ɛ sɔ̍nᵻ sɔɔ̌n i̍, wɛ̀ à iě à wlùh i̍ kɔ̍ dɛ̍-a bu̍hᵻ wlù i̍ po̍-ɛ, nɛ̀ àɔ̀ bo à nu̍ Nyɔsoa-a nyɔ̍.

Chiin 2:20

Mɔ̀ bo-nyɔ̍ la, ka pò wlùh gbaɛ se̍ nu̍-dɛ̍ᵻ de̍e̍ nɛ-ɛ, nɛ̀ ɛ̍ fǒ-a gbɔ̀-ɛ, ìn se̍ i̍h juo ae?

1 Chɔɔn 2:19

Nyɔ̍ laa̍ u̍h se̍ nɔ̌ àɔ̀ we̍ kɔn, ɛ̍ kɔn u̍h tǎli àɔ̀ i̍. Pò u̍h kɔn nɔ̌ àɔ̀ we̍ de-ɛ, nɛ̀ u̍h-a mu̍ nɔ̌ àɔ̀ we̍ nɛ de. Jɛ u̍h-a mu̍-ɛ bo ɛ̀ flɔn-ɛ ɛ̍ we̍i̍ ka u̍h se̍-a nɔ̌ àɔ̀ we̍ kɔn-ɛ.

1 Chɔɔn 3:23

Ɔ̍ telě-a chɛ̀ nu̍, à gbaɛ ɔ̍ Jǔ Jusu Klai wlùh, à iě we̍ jbɛɛ. Kǎ ɔ̍ nu̍ à wlùh sèàɛ̍.

1 Chɔɔn 5:5

Nyɔ̍ bo ɔ̀ bɛ̌ɛ kmɔ̌-a dɛ̍ᵻ sɔ̀nᵻ klà sà-a ɛ? Nyɔ̍ ɔ̀ po̍-a ɛ̍ tìh chɛ̀ ka Jusu nu̍-a Nyɔsoa-a Jǔ-ɛ, ɔ̍ due gbài̍ ɔ̀ mu̍ ɛ̍ klà sà.

Wlɛfeleseɔn 2:11

“Nyɔ̍ ɔ̀ flɔn-a dounᵻɛ́, nɛ̀ ɔ̍ po̍ dě dɛ̍ Nyɔsoa-a Sùù bla̍-a dě chɔchi̍h nyɔ̍ we̍-ɛ dounᵻ. “Nyɔ̍ ɔ̀ sà-a dɛ̍ sɔ̀n klà-a, nɛ̀ mɛ̌ɛ-a sɔɔ̌n naɛ se̍ ɔ̍ dɛ̍ nui mu̍.”

Wlɛfeleseɔn 2:17

“Nyɔ̍ ɔ̀ flɔn-a dounᵻɛ́, nɛ̀ ɔ̍ po̍ dě dɛ̍ Nyɔsoa-a Sùù bla̍-a dě chɔchi̍h nyɔ̍ we̍-ɛ dounᵻ. “Nyɔ̍ ɔ̀ sà-a dɛ̍ sɔ̀n klà-a, nɛ̀ di̍-dɛ̍ᵻ u̍h-a dǎɛ-a mana ìh sìle-aɛ, ǎn mu̍ ɔ̍ diih nyǐ. Nɛ̀ ǎn mu̍ ɔ̍ sɔɔ̌ gbo̍ plǔ nyǐ, nynɛ̌ delee iě chlǐh-ɛ dǒ ɛ̍ kɛ̍n. Nyɔ̍ dɔɔ se̍ nynɛ̌ laa̍ juo mu̍. Nyɔ̍ ɔ̀ blě-a sɔɔ̌ laa̍-ɛ, ɔ̍ kɔn tɛ̀ ǐn sà-o.”

Wlɛfeleseɔn 2:7

“Nyɔ̍ ɔ̀ flɔn-a dounᵻɛ́, nɛ̀ ɔ̍ po̍ dě dɛ̍ Nyɔsoa-a Sùù bla̍-a dě chɔchi̍h nyɔ̍ we̍-ɛ dounᵻ. “Nyɔ̍ ɔ̀ sà-a dɛ̍ sɔ̀n klà-a, tu̍ ɛ̀ nɛ-a dě Nyɔsoa-a wlɔ̀ plǔ di̍i̍ ɛ̀ nyǐ-a nyɔ̍ feɛ-ɛ, nɛ̀ ǎn mu̍ ɛ̍ buǒᵻ ɔ̍ nyǐ ɔ̍ iě i̍h di̍.”

Wlɛfeleseɔn 20:4

Wɛ̀ ǐn jě nynɛ̌ gbalǎᵻ, nɛ̀ nyɔ̍ ùh tè-a dǒ i̍h kɛ̍n i̍-ɛ, u̍h tùi-ɛ tùn kwa̍a̍ wɛ̀ u̍h iě taɔ nu̍. Nyɔ̍ ùh chɛ̍n-ɛa dlǔ i̍ u̍h-a Jusu-a tìh bla̍ tìh ke Nyɔsoa-a wlu̍ gba̍ tìh-ɛ, u̍h-a sùù bo. U̍h se̍ nmi̍ɛ̍ ke ɛ̍ mɛ̍-dɛ̍ wɛɛ sà, iě u̍h se̍ ɛ̍ juola dǒ jua̍i̍ ke u̍h sɔ̍n i̍ tù. U̍h wlǔh-e, iě u̍h ke Klai blě nyɔ̍-a wlu̍ kwa̍ dǒ sɔ̀nᵻá wlǔ due di̍i̍.

Wlɛfeleseɔn 21:7

Nyɔ̍ ɔ̀ sà-a dɛ̍ sɔ̀n klà-a, nɛ̀ ɔ̍ mu̍ dɛ̍ kɔn wlu̍ ǐn po̍-a tɔ̀ma̍a̍-ɛ nyǐ-ɛ. Ǎn mu̍ ɔ̍ Nyɔsoa nu̍, wɛ̀ ɔ̍ iě ǎn jǔ nu̍.

Wlɛfeleseɔn 22:5

Wlù se̍-e wɔ̀-ɛ mu̍ dɛ. U̍h se̍ chlǎn nape̍ àe̍e̍ jlǔh i̍ pɔ̀n mu̍, dɛ̍nu̍ɛ, Joi Nyɔsoa-a mu̍ u̍h-a sɔ̀npli nu̍, wɛ̀ u̍h iě nyɔ̍-a wlu̍ kwa̍ blě nɔ̌ kmɔ̌-a kmɔ̌.

Wlɛfeleseɔn 3:12

Nyɔ̍ ɔ̀ sà-a dɛ̍ sɔ̀n klà-a, nɛ̀ ǎn mu̍ ɔ̍ sìtù we̍i̍ nu̍ dě ǎn Nyɔsoa-a slaǎ sà gbò sɔ̀n. Nɛ̀ ɔ̍ se̍ gba̍ deě sɔ dɛ. Nɛ̀ ǎn mu̍ ǎn Nyɔsoa-a nynɛ̌ chlǐh dǒ ɔ̍ pùn, ɛ̍ ke ǎn Nyɔsoa-a tùgbàwlɔ̀-a nynɛ̌ ke, ɛ̀ nu̍-a Juluslɛn wlɔ̀ delee ɛ̀ sɔ-a dě ǎn Nyɔsoa we̍ ja̍i̍wlɔ̀-ɛ. Ǎn mu̍ ǎn chɛ̀-a nynɛ̌ delee chlǐh ke dǒ ɔ̍ pùn.

Wlɛfeleseɔn 3:21

Nyɔ̍ ɔ̀ sà-a dɛ̍ sɔ̀n klà-a, nɛ̀ ǎn mu̍ ɔ̍ bu̍hᵻ de̍e̍ i̍ tba̍ ɔ̍ iě dǒ ǐn pùn i̍ tè dǒ ǎn nynɛ̌ gbalǎ kɛ̍n ka ǎn chɛ̀ nu̍-a dɛ̍ sɔ̀n klà sà-a wɛ̀ ǐn tè-a dǒ ǐn Baa pùn i̍ dǒ ɔ̍ nynɛ̌ gbalǎ kɛ̍n-ɛ.

Wlɛfeleseɔn 3:5

Nyɔ̍ ɔ̀ sà-a dɛ̍ sɔ̀n klà-a, nɛ̀ kǎ ɔ̍ mu̍ jlii̍ plǔᵻ pa̍-a nu̍ ke. Nɛ̀ ǐn se̍ ɔ̍ nynɛ̌ dě feɛ chlǐh-dɛ̍ di̍i̍ sà mu̍. Jɛ nɛ̀ ǎn mu̍ ɔ̍ ǎn nyɔ̍ slè-e dǒ ǐn Baa ke ɔ̍ ǐnchɔ̀ jǔ.