Wlɛfeleseɔn 2:24 - Ku̍o̍ Delee 1999

²⁴ “Jɛ mɔ̀ɔ̍ juh sie-a dě Taɛtawla-ɛ, mɔ̀ se̍ dǒ nynɔ̌ la ɔ̍ nǎ po̍ wlu̍ de̍e̍ gbǎ. Mɔ̀ se̍ ìh u̍h-a dǎɛ-a Setɔn-a sìle dɛ̍ᵻɛ́ we̍ i̍ ju̍o̍e. Ɛ̍ kɔn na̍ ǐn se̍ mɔ̀ slùgbɛ̀ dɛɛ kleǐ po̍ mu̍ dɛ.

Wlɛfeleseɔn 2:24 Iomraidhean Croise

Nu̍-dɛ̍ᵻ 15:28

À ke Nyɔsoa-a Sùù ke à wɔ̌ɛn ɛ̍ kɛ̍n i̍, nyɔ̍-ɔ je̍e mɔ̀ gbɛ̀ dɛɛ dlǔ i̍ tè dǒ ìh la à po̍-a tu̍i̍-ɛ de̍e̍.

Nu̍-dɛ̍ᵻ 16:14

Nynɔ̌gbaɔᵻ ùh wɔ̌n-a à wlu̍ i̍ dě u̍h nynɛ̌-ɛ, u̍h-a due-a nynɛ̌ bo Ledia. Nǐnmɛ jlii̍ bo ìh nu̍ ɔ̍ naɛ ple̍-dɛ̍. Ɔ̍ sɔ dǒ Taɛtawla wlɔ̀ di̍i̍, iě ɔ̍ sà Nyɔsoa wɛɛ. Ɔ̍ kɔn wlùh bo Joi Nyɔsoa pɔ̀ni ɔ̍ iě Pɔɔ-a wlu̍ i̍ wɔ̌n.

1 Kɔwlɛntiɔn 2:10

Nyɔsoa nu̍ ɛ̍ iě ɔ̍ Sùù toe i̍h àɔ̀ wɛ̀, dɛ̍nu̍ɛ, Sùù bo ɛ̀ juo dɛ̍ᵻ kli̍hgbɛ̍. Ɛ̍ juo Nyɔsoa-a wlùh dɛ̍ᵻ.

2 Kɔwlɛntiɔn 11:3

Jɛ ǎn ple̍ faɔn ka sɛ̍ nu̍-a Ii i̍ boe-ɛ dǒ ɛ̍ di̍i̍ i̍ flɔn-ɛ we̍-ɛ, mɔ̀-a wlùh-u je̍e la̍a̍n fèàɛ̀ nu̍, wɛ̀ mɔ̀ɔ̍ je̍e Klai we̍ fòè-ɛ chɛ̀ɛ̌chɛ̀ i̍ tǎli.

2 Kɔwlɛntiɔn 2:11

Ǎn nu̍ ɛ̍ wɛ̀ Setɔn je̍e à gblàa̍ i̍ poe. À juo dɛ̍ᵻ ɛ̍ pɔ̀n-a nu̍-ɛ i̍-ɛ.

Chiin 3:15

Flɔ̍nwlùh kaɛn la, nɛ̀ ɛ̍ se̍ dě ja̍i̍wlɔ̀ sɔ. Kmɔ̌ naɛ flɔ̍nwlùh bo. Ɛ̍ se̍ dě Nyɔsoa we̍ sɔ, dě Kǔ we̍ bo ɛ̍ sɔ-ɔ.

Wlɛfeleseɔn 1:11

Ɛ̍ la̍a̍, “Chlǐh dɛ̍ ìn jě-a dě chlǐh-dɛ̍-a gbo̍lo̍ di̍i̍-ɛ, nɛ̀ ìn dbo̍ ɛ̍ dě chɔchi̍h nyɔ̍ nɛ-a wlɔ̀ᵻ mɛ̀sɔɔ̌n la di̍i̍ i̍-ɛ we̍, Ɛfɛsɔ ke Smana ke Pɛkamɔ ke Taɛtawla ke Sade ke Feledɛɛfia ke Leodesia.”

Wlɛfeleseɔn 12:9

Wɛ̀ wɔ̍n ku̍ dɔ̍sɛ laa̍ ɛ̍ poe-ɛ sɔ̀n. Tɛin tɛin sɛ̍ bo, iě ɛ̍ nynɛ̌ nu̍ Kǔ ke Setɔn. Ɛ̍ bo ɛ̀ nu̍ kmɔ̌ kli̍hgbɛ̍ i̍ boe nyɔ̍. Ɛ̍ poe-ɛ sɔ̀n nɔ̌ bloɔ̍, ɛ̍ ke ɛ̍ ǐnchɔ̀ kli̍hgbɛ̍ ke.

Wlɛfeleseɔn 13:14

Wɛ̀ ɛ̍ boe kmɔ̌ nyɔ̍ kli̍hgbɛ̍ i̍ dǒ jbaɛdih ɛ̍ sà-ɛa wlu̍ kɛ̍n iě ɛ̍ po̍-a dǒ sàǐtòò nmi̍ɛ̍ jlǐhwai-ɛ we̍. Wɛ̀ ɛ̍ po̍ nyɔ̍ kli̍hgbɛ̍ slǔh u̍h iě dɛ̍ mɛ̍ dǒ sàǐtòò nmi̍ɛ̍ la we̍, ɛ̀ plàn chlɛ̀n tba̍-a de iě ɛ̍ nɛ-a kmɔ̌ ke̍-ɛ.

Wlɛfeleseɔn 2:13

Ǐn juo àn tǐn la̍. Tà kɔn taǐn Setɔn-a nynɛ̌ gbalǎ nɛ-a bo ìn tǐn. Wɛ̀ ìn gbaɛ ǐn wlùh ke ma̍u̍. Antipa-a chɛ̀ jɔ nu̍-a ǎn wlùh gbaɛ nyɔ̍ ke sàànsi̍i̍h-ɛ, ti̍ u̍h dbǎ-a ɔ̍ dě mɔ̀ blǐ wlɔ̀ tà Setɔn tǐn-aɛ, mɔ̀ se̍ mɔ̀-a wlùh gbaɛ-ɛ i̍ tǎli.

Wlɛfeleseɔn 2:18

Wɛ̀ ɔ̍ la̍a̍ dě ǐn we̍, “Chlǐh Nyɔsoa-a ǐnchɔ̀ ɛ̀ nɛ-a dě Taɛtawla wlɔ̀-a chɔchi̍h-ɛ we̍. Nɛ̀ nàa̍, “Tu̍owli la ɛ̍ sɔ dě Nyɔsoa-a Jǔ ɔ̀ kɔn jlǐh wɔ̀-a nɛ̍-a pàìbǒ iě ɔ̍ bu̍hᵻ wɔ̀-a ka nyɔ̍ po̍-a tìɛ̀n jlǐh-ɛ we̍.

Wlɛfeleseɔn 2:9

Ɔ̍ la̍a̍, Ǐn juo ɛ̍-ɛ ka mɔ̀ pa̍-a nyɔ̍gbà iě mɔ̀-a sàɛ̀-a jua̍i̍-ɛ. Jɛ mɔ̀ pàn-ɛ o. Nyɔ̍ ùh se̍-a Juu nyɔ̍ wɛ̀ u̍h la̍ u̍h nu̍-a Juu nyɔ̍-ɛ, wlu̍ sɔ̀nᵻ u̍h-a po̍-a mɔ̀ pùn i̍-ɛ, ǐn ju̍o̍e i̍h we̍ i̍. Jɛ u̍h bo ùh nu̍ Setɔn-a nyɔ̍.