Wlɛfeleseɔn 2:23 - Ku̍o̍ Delee 1999

²³ Nɛ̀ ǎn mu̍ ɔ̍ nynuu̍ dbǎ, wɛ̀ chɔchi̍h nyɔ̍ kli̍hgbɛ̍ iě ɛ̍ juo ka mɔ̍ bo ɔ̀ juo-a dɛ̍ nɛ-a dě nyɔ̍ wlùh di̍i̍-ɛ. Nɛ̀ jɔ-ɛ ka ɔ̍ nu̍-dɛ̍ᵻ nɛ-a, kǎ ǎn mu̍ ɔ̍ pɛ̌ɛ-ɛ nu̍.

Wlɛfeleseɔn 2:23 Iomraidhean Croise

Matio 16:27

Dɛ̍nu̍ɛ, Nyi̍ɔ̍-a Jǔ-a mu̍ de̍ka ji̍ dě ɔ̍ Baa-a tìh-a i̍ bɛ̌-ɛ di̍i̍, ɔ̍ ke ɔ̍ ǐnchɔ̀ ke. Dǒ ti̍ laa̍ di̍i̍-ɛ, ka jɔ-a nu̍-dɛ̍ nɛ-aɛ, nɛ̀ kǎ ɔ̍ Nyɔsoa kwa̍a̍ jě dɛ̍-a mu̍ nɛ.

Pɔ̀n Chɛ̀ Luu To-a La 16:15

Jɛ Jusu la̍a̍ dě u̍h we̍, “Mɔ̀ɔ̍ bo ùh-a dǎɛ mɔ̀-a chɛ̀ i̍ slɛ̌-nyɔ̍ dǒ nyɔ̍ɔ jlǐhwai. Jɛ Nyɔsoa juo mɔ̀-a wlùh. Dɛ̍nu̍ɛ, dɛ̍ ɛ̀ gbǎ-a dɛ̍kɛ̍n kaa̍ dě nyɔ̍ jlǐh-ɛ, ɛ̍ se̍ dɛ̍wɛ-a chɛ̀ wɔ̀ dě Nyɔsoa nɔ̀ɔ̍ jlǐh.

Chɔɔn 21:17

Ɛ̀ po̍-a ta̍a̍n-ɛ, Jusu la̍a̍, “Chɔɔn-a jǔ Samo, ìn jbɛɛ m ae?” Sɔ ɛ̍ po̍ Pitɛ-a wlùh seɔn, dɛ̍nu̍ɛ, Jusu nu̍ ɔ̍ i̍ tèle-ɛa gbɔ̍ᵻ ta̍a̍n pò ɔ̍ jbɛɛ ɔ̍-ɛ. Wɛ̀ Pitɛ la̍a̍ dě ɔ̍ we̍, “Joi, ìn juo dɛ̍ᵻ kli̍hgbɛ̍. Ìn juo i̍h ka ǐn jbɛɛ-a m̀-ɛ.” Jusu la̍a̍ dě ɔ̍ we̍, “Gbɛ̀n dǒ ǎn blawɛ̌ᵻ we̍ i̍ o.

Chɔɔn 4:16

Wɛ̀ Jusu la̍a̍ dě ɔ̍ we̍, “Mu̍ àn kɔan dǎ mɔ̀ iě ji̍.”

Nu̍-dɛ̍ᵻ 1:24

Wɛ̀ u̍h ba̍le, u̍h la̍a̍, “Joi, ìn juo nyɔ̍ kli̍hgbɛ̍-a wlùh, ɛ̍ tìh-ɛ, nyɔ̍ ìn tba̍-a dě ùh sɔɔ̌n la nynɛ̌-ɛ, toe ɔ̍ àɔ̀.

Wloma 14:12

Ɛ̍ tìh-ɛ, à jɔ-ɛ ɔ̍ mu̍ ɔ̍ chɛ̀-a tìh we̍ i̍ sèàɛ̍ dǒ Nyɔsoa we̍.

Wloma 8:27

Nɛ̀ Nyɔsoa ɔ̀ juo-a nyɔ̍-a wlùh-ɛ, ɔ̍ bo ɔ̀ juo Sùù-a wlùh. Dɛ̍nu̍ɛ, dɛ̍ nu̍-a ɔ̍ wlùh-ɛ bo Sùù-a bla̍-ɛ ɔ̍ gbòɛ̀ i̍ dǒ ɔ̍ nyɔ̍-a tàà.

2 Kɔwlɛntiɔn 5:10

Dɛ̍nu̍ɛ, à kli̍hgbɛ̍ à kɔn à iě dǒ Klai-a taɔ gbalǎ jǔ i̍ nyna. Jɔ-ɛ, ɔ̍ mu̍ dɛ̍ jě dǒ dɛ̍ chɛ̀ àe̍e̍ dɛ̍ sɔ̀n ɔ̍ nu̍-a nɔ̌ kmɔ̌-ɛ we̍.

Kelesea 6:5

Dɛ̍nu̍ɛ, nyɔ̍ jɔ-ɛ, ɔ̍ mu̍ ɔ̍ chɛ̀-a gbɛ̀ blě.

Iblu 4:13

Dɛ̍ᵻ kli̍hgbɛ̍ nɛ-a da̍a kmɔ̌ la we̍-ɛ, i̍h-a dɛ̍ se̍ Nyɔsoa jii̍ sìle. Dɛ̍ᵻ kli̍hgbɛ̍ flɔn kɛ̍n i̍ te̍gbe̍i̍n dǒ Nyɔsoa jlǐhwai ɔ̀ kɔn jǔ à mu̍-a à chɛ̀-a tìh we̍ i̍ sèàɛ̍-ɛ.

1 Pitɛ 1:17

Nyɔsoa-a sà wìè fɔ̌ due dǒ sàwi̍h sì la̍, ɔ̀ mɔ̀-a dǎɛ-a Baa-ɛ. Ɛ̍ tìh-ɛ, ti̍ mɔ̀-a mu̍-a da̍a kmɔ̌ la we̍ nɛ-ɛɛ, ɔ̍-ɔ bo mɔ̀ iě gbiǐh jě.

Wlɛfeleseɔn 2:11

“Nyɔ̍ ɔ̀ flɔn-a dounᵻɛ́, nɛ̀ ɔ̍ po̍ dě dɛ̍ Nyɔsoa-a Sùù bla̍-a dě chɔchi̍h nyɔ̍ we̍-ɛ dounᵻ. “Nyɔ̍ ɔ̀ sà-a dɛ̍ sɔ̀n klà-a, nɛ̀ mɛ̌ɛ-a sɔɔ̌n naɛ se̍ ɔ̍ dɛ̍ nui mu̍.”

Wlɛfeleseɔn 2:7

“Nyɔ̍ ɔ̀ flɔn-a dounᵻɛ́, nɛ̀ ɔ̍ po̍ dě dɛ̍ Nyɔsoa-a Sùù bla̍-a dě chɔchi̍h nyɔ̍ we̍-ɛ dounᵻ. “Nyɔ̍ ɔ̀ sà-a dɛ̍ sɔ̀n klà-a, tu̍ ɛ̀ nɛ-a dě Nyɔsoa-a wlɔ̀ plǔ di̍i̍ ɛ̀ nyǐ-a nyɔ̍ feɛ-ɛ, nɛ̀ ǎn mu̍ ɛ̍ buǒᵻ ɔ̍ nyǐ ɔ̍ iě i̍h di̍.”

Wlɛfeleseɔn 20:12

Wɛ̀ ǐn jě mɛ̌-nyɔ̍ kli̍hgbɛ̍, nɛ̀ u̍h nynaɛ i̍ dǒ nynɛ̌ gbalǎ jǔ. Nɛ̀ feɛ chlǐh-dɛ̍ ke chlǐh-dɛ̍ᵻ diih pɔ̀ni-ɛ wɔ̍i̍n. Nyɔsoa pa̍ mɛ̌-nyɔ̍-a taɔ dǒ dɛ̍ᵻ u̍h nu̍-aɛ we̍, ka i̍h nu̍-a chlǐh-ɛ dě chlǐh-dɛ̍ᵻ laa̍ di̍i̍-ɛ.

Wlɛfeleseɔn 20:13

Iě jbǒ sà mɛ̌-nyɔ̍ nɛ-a dě ɛ̍ di̍i̍-ɛ kwlǎ. Wɛ̀ mɛ̌ɛ ke mɛ̌-nyɔ̍-a wlɔ̀ sà mɛ̌-nyɔ̍ nɛ-a dě i̍h we̍-ɛ kwlǎ ke. Wɛ̀ u̍h kli̍hgbɛ̍-a taɔ pa̍-ɛ dǒ u̍h-a nu̍-dɛ̍ᵻ we̍.

Wlɛfeleseɔn 22:12

Jusu la̍a̍, “Nɛ̀ɛ̍, ǎn mu̍ ji̍ suei̍. Nɛ̀ ǎn mu̍ pɛ̌ɛ la ja, wɛ̀ nyɔ̍ jɔ-ɛ, iě ɔ̍ pɛ̌ɛ dǒ dɛ̍ ɔ̍ nu̍-aɛ we̍.

Wlɛfeleseɔn 6:8

Ǐn gbɛ̀n-a deě-ɛ, iě ǐn jě soo̍bli ɛ̀ blě-a dɔgbɔ ku̍-ɛ. Ɛ̀ naɛ-a dǒ ɛ̍ kɛ̍n-ɛ, ɛ̍ nynɛ̌ nu̍ Mɛ̌ɛ, iě ɛ̀ Kɔn-a Mɛ̌-nyɔ̍ Wlu̍ I̍-ɛ tè i̍ dǒ ɛ̍ de̍e̍. Wɛ̀ i̍h nyǐ-ɛ tùn i̍h iě bloa̍-a fɔ̌ᵻ nɛ-a nyìɛ̍-ɛ, i̍h-a due wlu̍ i̍ kɔn. Wɛ̀ i̍h iě nyɔ̍ plàn chlɛ̀n ke, mɔ̌ ke, wɛ̌ᵻ ke, kwlǎ nmi̍i̍ i̍ dbǎ-ɛ.