Wlɛfeleseɔn 2:21 - Ku̍o̍ Delee 1999

²¹ Ǐn nyǐ ɔ̍ ti̍ wɛ̀ ɔ̍ iě i̍ bǐi ɔ̍ iě ɔ̍ gblɛ̍n sɔ̀ɛ̀n kɛ̍n i̍ poe, ɔ̍ iě ɔ̍ gbǎn nu̍ dɛ̍ i̍ tǎli. Jɛ ɔ̍ se̍ ɛ̍ nu̍-ɛ i̍ pɔ̀n.

Wlɛfeleseɔn 2:21 Iomraidhean Croise

Wloma 9:22

Nyɔsoa-a pɔ̀n nyɔ̍ iě ɔ̍ jlu̍h ke ɔ̍ gbǐh blě dɛ̍ i̍ juo. Jɛ ɔ̍ gbɛ̍n wlùh i̍ kaa̍ dǒ nyɔ̍ ùh ɔ̍ gbǎ-ɛa jlu̍h-u ɔ̍ mu̍-a gbɔ̀lɔ de-ɛ we̍.

1 Pitɛ 3:20

Ti̍ Nyɔsoa gbɛ̍n-a wlùh-i tɛin wɛ̀ ɔ̍ chlì-a Nɔa-a blǎgbè kɔ̍-ɛ we̍ i̍-ɛ, nyɔ̍ ùh se̍-a ɔ̍ wlu̍ nu̍-ɛ, u̍h-a sùù bo. Jɛ jǐ-nǐ laa̍ nyɔ̍ jɔ̌ wei bo ùh pǔh ɛ̍ i̍, u̍h nɛ mɛ̀ta̍a̍n gbài̍.

2 Pitɛ 3:15

Mɔ̀ blě-e ɛ̀ la dǒ wlùh kɛ̍n, à Joi-a wlùh i̍ gbɛ̍n-a nyǐ mɔ̀ flɔna̍ mɔ̀ iě pǔh. Kǎ à tìh kma de̍di̍i̍ Pɔɔ nu̍ mɔ̀ we̍ chlǐh-ɛ ke dǒ flɔ̍nwlùh Nyɔsoa nyǐ-a ɔ̍-ɛ we̍.

2 Pitɛ 3:9

Joi-i tlɛ̀n dǒ ɔ̍ tɔ̀ma̍a̍ wlu̍ we̍, jɛ kǎ nyɔ̍ duuh-a nu̍ ɛ̍ jě ɛ̍. Ɔ̍ gbɛ̍n wlùh i̍ dǒ mɔ̀ we̍ dɛbo. Dɛ̍nu̍ɛ, ɔ̍ se̍ pɔ̀n nyɔ̍-o-nyɔ̍ iě-e gbɔ̀lɔ, jɛ ɔ̍ pɔ̀n nyɔ̍ kli̍hgbɛ̍ iě u̍h-a gblɛ̍n sɔ̀ɛ̀n kɛ̍n i̍ poe.

Wlɛfeleseɔn 16:11

Wɛ̀ u̍h se̍ u̍h-a gblɛ̍n sɔ̀ɛ̀n kɛ̍n i̍ poe. Iě u̍h po̍ Nyɔsoa ɔ̀ nɛ-a dě ja̍i̍wlɔ̀-ɛ wlu̍we̍i̍ dǒ u̍h-a jua̍i̍ sàɛ̀ ke u̍h-a chìèᵻ we̍.

Wlɛfeleseɔn 16:9

Nyɔ̍ɔ si̍n-i dǒ ɛ̍ fuun jlo̍jlo̍ we̍. Wɛ̀ Nyɔsoa ɔ̀ blě-a gbǐh dǒ dlǐ dɛ̍ᵻ laa̍ we̍-ɛ, iě u̍h po̍ ɔ̍ nynɛ̌ wlu̍we̍i̍. Wɛ̀ u̍h se̍ u̍h-a gblɛ̍n sɔ̀ɛ̀n kɛ̍n i̍ poe, u̍h iě Nyɔsoa-a nynɛ̌ i̍ bɛ̌-ɛ.