Wlɛfeleseɔn 2:19 - Ku̍o̍ Delee 1999

¹⁹ Ǐn juo mɔ̀-a nu̍-dɛ̍ᵻ ke, mɔ̀-a jbɛɛ-ɛ ke, mɔ̀-a wlùh gbaɛ ke nyɔ̍ jǔ dbee-ɛ. Mɔ̀-a wlùh i̍ gbɛ̍n-ɛ ke mɔ̀-a dě klì i̍ ku̍-ɛ ku̍ i̍. Mɔ̀-a nu̍ la̍ dɛ̍ᵻ chɛ̀ dɔu ɛ̍ sìì ti̍ mɔ̀ sàɛ̀-a wlùh gbaɛ blě-ɛ i̍-ɛ.

Wlɛfeleseɔn 2:19 Iomraidhean Croise

Pɔ̀n Chɛ̀ Luu To-a La 1:23

Ti̍ ɔ̍ dbo̍ nu̍ ti̍ chlà-a dlǔ i̍-ɛ, wɛ̀ ɔ̍ mu̍ dě ɔ̍ blǐ gbò.

Chɔɔn 15:2

Bu̍h jɛ nɛ-a dǒ ǐn pùn ɛ̀-ɛ tlo-aɛ, nɛ̀ ɔ̍ chɛ̍n ɛ̍ doǒ. Jɛ jɛ tlo-aɛ, nɛ̀ ɔ̍ gbɛ̀n dǒ ɛ̍ we̍ i̍, wɛ̀ ɛ̍ iě dɛ̍ dɔu tlo.

Kalase 3:14

Nɛ̀ dǒ ìh kli̍hgbɛ̍ la kɛ̍n-ɛ, jbɛɛ bo mɔ̀ iě-o po̍. Dɛ̍nu̍ɛ, ɛ̍ bo ɛ̀ ja kɛ̍n i̍ gbe̍ɛ̍ɛn dǒ tà, iě ɛ̍ wɛ̀ kwlǎ.

1 Tɛsoloniɔn 3:6

Jɛ Timote sɔ-a dě mɔ̀ we̍ wɛ̀ ɔ̍ ji̍-a nɔ̌ à we̍-ɛ, ɔ̍ ja à pɔ̀n chɛ̀ dǒ mɔ̀-a wlùh gbaɛ ke jbɛɛ blě-ɛ we̍. Ɔ̍ sèàɛ̍ à wlùh ka pò à tìh sǐ dǒ mɔ̀ wlì i̍-ɛ, wɛ̀ mɔ̀-a nu̍-a mɔna̍ ti̍ kli̍hgbɛ̍ we̍-ɛ. Ɔ̍ la̍ ka mɔ̀-a tɔ̌n-a nu̍-a à nu̍-ɛ à iě-a mɔ̀ jě-ɛ, kǎ à tɔ̌n-a nu̍ mɔ̀ nu̍-ɛ ke.

2 Tɛsoloniɔn 1:3

À de̍di̍i̍ᵻ, à kɔn à iě Nyɔsoa tlɔ̌ po̍ ti̍ kli̍hgbɛ̍ we̍ dǒ mɔ̀-a tàà. À blaɛ i̍ à iě ɛ̍ nu̍, dɛ̍nu̍ɛ, mɔ̀-a wlùh gbaɛ-a ku̍ i̍ fùùh fùùh, iě mɔ̀-a nyɔ̍ juh-ɛ, u̍h-a we̍ jbɛɛ-a gbǎ kɛ̍n.

1 Timote 1:5

Jbɛɛ ɛ̀ sɔ-a dě pɔluh wlaǎwla we̍-ɛ ke wlùh ɛ̀ se̍-a kɛ̍ i̍ nɛ-ɛ ke wlùh gbaɛ ɛ̀ wɛ̀-a nɛi̍-ɛ, ɛ̍ kɔn tìh ǎn po̍ ìn slɛ̌ chèɛ̀ i̍.

1 Pitɛ 4:8

Mɔ̀-a we̍ jbɛɛ-ɛ bo ɛ̀ iě i̍ tìè, ɛ̍ iě dɛ̍ᵻ kli̍hgbɛ̍ sìì. Dɛ̍nu̍ɛ, jbɛɛ-ɛ bo ɛ̀ kaɛn gblɛ̍n sɔ̀ɛ̀n dɔu kɛ̍n.

2 Pitɛ 1:7

Dǒ Nyɔsoa dɛ-ɛ nɛ-ɛ de̍e̍ laa̍ mɔ̀ iě-o kɛ̍n i̍ gbe̍ɛ̍ɛn po̍, wɛ̀ dǒ kɛ̍n i̍ gbe̍ɛ̍ɛn de̍e̍ laa̍ mɔ̀ iě-o nyɔ̍ tìh kma-a po̍.

2 Pitɛ 3:18

Jɛ ɔ̀ nu̍-a à Joi ke à Sèìe Nyɔ̍ Jusu Klai-ɛ, dě ɔ̍ juo-ɛ ke ɔ̍ blɛ nɛ-ɛ di̍i̍ bo mɔ̀ iě nya̍ pàɛ̀n. Ɔ̍-ɔ bo tìh-a i̍ bɛ̌-ɛ kɔn dǒ we̍ kaka ke nɔ̌ kmɔ̌-a kmɔ̌. Kǎ ɛ̍-ɛ nɛ.

Wlɛfeleseɔn 2:13

Ǐn juo àn tǐn la̍. Tà kɔn taǐn Setɔn-a nynɛ̌ gbalǎ nɛ-a bo ìn tǐn. Wɛ̀ ìn gbaɛ ǐn wlùh ke ma̍u̍. Antipa-a chɛ̀ jɔ nu̍-a ǎn wlùh gbaɛ nyɔ̍ ke sàànsi̍i̍h-ɛ, ti̍ u̍h dbǎ-a ɔ̍ dě mɔ̀ blǐ wlɔ̀ tà Setɔn tǐn-aɛ, mɔ̀ se̍ mɔ̀-a wlùh gbaɛ-ɛ i̍ tǎli.

Wlɛfeleseɔn 2:9

Ɔ̍ la̍a̍, Ǐn juo ɛ̍-ɛ ka mɔ̀ pa̍-a nyɔ̍gbà iě mɔ̀-a sàɛ̀-a jua̍i̍-ɛ. Jɛ mɔ̀ pàn-ɛ o. Nyɔ̍ ùh se̍-a Juu nyɔ̍ wɛ̀ u̍h la̍ u̍h nu̍-a Juu nyɔ̍-ɛ, wlu̍ sɔ̀nᵻ u̍h-a po̍-a mɔ̀ pùn i̍-ɛ, ǐn ju̍o̍e i̍h we̍ i̍. Jɛ u̍h bo ùh nu̍ Setɔn-a nyɔ̍.