Wlɛfeleseɔn 2:17 - Ku̍o̍ Delee 1999

¹⁷ “Nyɔ̍ ɔ̀ flɔn-a dounᵻɛ́, nɛ̀ ɔ̍ po̍ dě dɛ̍ Nyɔsoa-a Sùù bla̍-a dě chɔchi̍h nyɔ̍ we̍-ɛ dounᵻ. “Nyɔ̍ ɔ̀ sà-a dɛ̍ sɔ̀n klà-a, nɛ̀ di̍-dɛ̍ᵻ u̍h-a dǎɛ-a mana ìh sìle-aɛ, ǎn mu̍ ɔ̍ diih nyǐ. Nɛ̀ ǎn mu̍ ɔ̍ sɔɔ̌ gbo̍ plǔ nyǐ, nynɛ̌ delee iě chlǐh-ɛ dǒ ɛ̍ kɛ̍n. Nyɔ̍ dɔɔ se̍ nynɛ̌ laa̍ juo mu̍. Nyɔ̍ ɔ̀ blě-a sɔɔ̌ laa̍-ɛ, ɔ̍ kɔn tɛ̀ ǐn sà-o.”

Wlɛfeleseɔn 2:17 Iomraidhean Croise

Matio 13:11

Wɛ̀ Jusu la̍a̍, “Mɔ̀ɔ̍ nɔ̀ɔ̍, Nyɔsoa nu̍ ɛ̍ wɛ̀ dɛ̍ᵻ ìh nɛ-a dě kwile de dě ɔ̍ kmɔ̌ wlu̍ i̍ kɔn-ɛ di̍i̍-ɛ, wɛ̀ mɔ̀ juo i̍h. Jɛ u̍h nɔ̀ɔ̍, u̍h se̍ i̍h-a dɛ̍ i̍ juo.

Pɔ̀n Chɛ̀ Maɛ To-a La 7:16

Nyɔ̍ ɔ̀ pɔ̀n-a tìh wɔ̌n-ɛ i̍-ɛ, nɛ̀ ɔ̍ po̍-e dounᵻ.]”

Chɔɔn 4:32

Wɛ̀ ɔ̍ la̍a̍ dě u̍h we̍, “Ǐn blě di̍-dɛ̍ iě di̍, jɛ mɔ̀ se̍ ɛ̍ dɛ̍ i̍ juo.”

1 Kɔwlɛntiɔn 2:14

Jɛ nyɔ̍ ɔ̀ Nyɔsoa-a Sùù se̍-a dě ja̍a̍ nɛ-ɛ, nɛ̀ ɔ̍ dounᵻ se̍ dě ɛ̍ nyǐ-dɛ̍ᵻ we̍ nɛ. Nyɔ̍ kaɛn laa̍ nɛ̀ ɔ̍ se̍ i̍h i̍ wɔ̌n-ɛ bɛ̌ɛ. I̍h nu̍ se̍o̍nɛ dǒ ɔ̍ we̍. Dɛ̍nu̍ɛ, Nyɔsoa-a Sùù bo ɛ̀ nu̍ ɛ̍ wɛ̀ nyɔ̍-a juo i̍h-a sèàɛ̀gbàà.

Kalase 3:3

Kaka la̍ mɔ̀ mɛ̌ wɛ̀, iě mɔ̀-a kmɔ̌ sìle ka dě Klai we̍ dě Nyɔsoa ja̍a̍.

Wlɛfeleseɔn 14:3

Wɛ̀ nyɔ̍-a wlǔ-a kmɛ due kwela nyìɛ̍ jɔ̌ nyìɛ̍ (144,000) laa̍ ùh Nyɔsoa sèìe-aɛ, u̍h ble̍ duǐh delee dǒ nynɛ̌ gbalǎ ke, kmɔ̌ nɛ dɛ̍ᵻ nyìɛ̍ laa̍ ke nyɔ̍ klaaᵻ jǔ. Nyɔ̍ dɔɔ se̍ duǐh laa̍ cheǎn-a bɛ̌ɛ.

Wlɛfeleseɔn 19:16

Dǒ ɔ̍ dɛ̍wlo̍o̍ ke ɔ̍ dalǔh pùn bo nynɛ̌ la ɛ̍ chlǐh-ɛ. Ɛ̍ la̍a̍, “Blǔh baaᵻá Blǔh Baa, joi kli̍hgbɛ̍-a Joi.”

Wlɛfeleseɔn 2:11

“Nyɔ̍ ɔ̀ flɔn-a dounᵻɛ́, nɛ̀ ɔ̍ po̍ dě dɛ̍ Nyɔsoa-a Sùù bla̍-a dě chɔchi̍h nyɔ̍ we̍-ɛ dounᵻ. “Nyɔ̍ ɔ̀ sà-a dɛ̍ sɔ̀n klà-a, nɛ̀ mɛ̌ɛ-a sɔɔ̌n naɛ se̍ ɔ̍ dɛ̍ nui mu̍.”

Wlɛfeleseɔn 2:7

“Nyɔ̍ ɔ̀ flɔn-a dounᵻɛ́, nɛ̀ ɔ̍ po̍ dě dɛ̍ Nyɔsoa-a Sùù bla̍-a dě chɔchi̍h nyɔ̍ we̍-ɛ dounᵻ. “Nyɔ̍ ɔ̀ sà-a dɛ̍ sɔ̀n klà-a, tu̍ ɛ̀ nɛ-a dě Nyɔsoa-a wlɔ̀ plǔ di̍i̍ ɛ̀ nyǐ-a nyɔ̍ feɛ-ɛ, nɛ̀ ǎn mu̍ ɛ̍ buǒᵻ ɔ̍ nyǐ ɔ̍ iě i̍h di̍.”

Wlɛfeleseɔn 3:22

“Nyɔ̍ ɔ̀ flɔn-a dounᵻɛ́, nɛ̀ ɔ̍ po̍ dě dɛ̍ Nyɔsoa-a Sùù bla̍-a dě chɔchi̍h nyɔ̍ we̍-ɛ dounᵻ.”

Wlɛfeleseɔn 3:6

“Nyɔ̍ ɔ̀ flɔn-a dounᵻɛ́, nɛ̀ ɔ̍ po̍ dě dɛ̍ Nyɔsoa-a Sùù bla̍-a dě chɔchi̍h nyɔ̍ we̍-ɛ dounᵻ.”