Wlɛfeleseɔn 2:14 - Ku̍o̍ Delee 1999

¹⁴ Jɛ ǐn blě mɔ̀-a kɔ̌ɛ nynɛ̌ wei. Mɔ̀ blě nyɔ̍ duuh dě mɔ̀ we̍ u̍h gbǎ dǒ Belɛm-a nǎ po̍ wlu̍ de̍e̍. Belɛm po̍ Bela nǎ ɔ̍ iě ɛ̍ nu̍ Eslɔɛ nyɔ̍ iě gblɛ̍n sɔ̀ɛ̀n nu̍, u̍h iě di̍-dɛ̍ᵻ ìh sà-ɛa slaǎ dǒ kwɛ̍i̍n gbo̍ᵻ we̍-ɛ di̍ wɛ̀ u̍h iě gbǎn nu̍ dɛ̍-ɛ gbǎ.

Wlɛfeleseɔn 2:14 Iomraidhean Croise

Matio 18:7

Chlě dǒ kmɔ̌ la we̍, dɛ̍nu̍ɛ, dě ɛ̍ di̍i̍ bo dɛ̍ᵻá jii wɛ̀ i̍h-a fèàɛ̀ nyɔ̍-a wlùh dě gblɛ̍n sɔ̀ɛ̀n we̍. Ìh la i̍h-a nɛ-ɛa chɛ̀ gbɔ̀gbɔ̀, jɛ nyɔ̍ ɔ̀ kɔn ja̍a̍ i̍h-a jii-a, chlě dǒ ɔ̍ we̍.

Nu̍-dɛ̍ᵻ 15:29

Di̍-dɛ̍ u̍h sà-ɛa slaǎ dǒ kwɛ̍i̍n gbo̍ᵻ we̍-ɛ, nɛ̀ mɔ̀ bɔ̌ ɛ̍ di̍-ɛ. Nmi̍ɛ̍ jǎ-a nymɔ̍ i̍-ɛ, mɔ̀ bɔ̌ ɛ̍ di̍-ɛ. Mɔ̀ bɔ̌ nymɔ̍ di̍-ɛ ke, mɔ̀ tǎli gbǎn nu̍ dɛ i̍. Pò mɔ̀ bɔ̌ ìh la-a, nɛ̀ mɔ̀-a mu̍ dɛ̍ chɛ̀ nu̍. Mɔ̀ à iě jiěe dɛ o.”

Nu̍-dɛ̍ᵻ 21:25

Jɛ dě ùh se̍-a Juu nyɔ̍ juh blě-a wlùh gbaɛ we̍ nɔ̀ɔ̍, dɛ̍ à po̍-a gbɔ̀-ɛ, à dbo̍-e ɛ̍ chlǐh-dɛ̍ wɛ̀. À la̍ u̍h bɔ̌ kwɛ̍i̍n gbo̍ᵻá di̍-dɛ̍ᵻ di̍-ɛ, u̍h bɔ̌ nymɔ̍ di̍-ɛ, u̍h bɔ̌ nymɔ̍-ɔ i̍ jǎ nmi̍ɛ̍ di̍-ɛ, nɛ̀ u̍h bɔ̌ gbǎn nu̍-ɛ ke.”

Wloma 11:9

Iě Depe la̍a̍, “U̍h-a chɛ̀-a dɛ̍ kɛ̍n di̍-i teble̍-a mu̍ plu̍h nu̍ ɛ̍ iě u̍h gbɛ̍n. Ɛ̍ mu̍ sòò nu̍ u̍h iě ɛ̍ gbèle, u̍h iě i̍ kà wɛ̀ u̍h iě kàn gbɛ̍n-ɛ.

Wloma 14:13

Nɛ̀ɛ̍, mɔ̀ à kǎ à ba̍ᵻ tìh pùn tù-ɛ nɛ. Jɛ dɛ̍ à iě-a nu̍-ɛ, mɔ̀ à po̍ slɛ̌ wɛ̀ à-a je̍e à de̍di̍i̍ tàmlain poe, àe̍e̍ à-a je̍e ɛ̍ nu̍ ɔ̍-ɔ je̍e gblɛ̍n sɔ̀ɛ̀n nu̍.

Wloma 14:21

Pò nmi̍i̍ di̍-ɛ ke nmɔ̍ nǎ-a àe̍e̍ dɛ̍-o-dɛ̍ nɛ dǒ de̍ ɛ̍ iě ìn de̍di̍i̍ tàmlain poe-ɛ, nɛ̀ ɛ̍ blaɛ i̍ ìè i̍h sɔ̍n we̍ sà.

Wloma 9:32

Dɛ̍nu̍ ɛ̍ se̍ u̍h i̍ slɛ̌-ɛ ɛ? U̍h se̍ i̍ slɛ̌-ɛ i̍ pɔ̀n dě wlùh gbaɛ di̍i̍, jɛ u̍h-a chɛ̀-a nu̍-dɛ̍ᵻ bo u̍h tba̍ wlùh i̍. Sɔ nɛ̀ nyɔ̍ gbèle sɔɔ̌ bo u̍h gbèle.

1 Kɔwlɛntiɔn 1:23

Jɛ àɔ̀ nɔ̀ɔ̍, à bla̍ Klai-a dǒ tu̍ wlì kɔ̍-ɛ tìh, wɛ̀ Juu nyɔ̍-a dǎɛ ɛ̍ nyɔ̍ tàmlain poe dɛ̍. Iě ɛ̍ wɔ̀ se̍o̍nɛ dǒ ùh se̍-a Juu-ɛ we̍.

1 Kɔwlɛntiɔn 7:2

Jɛ gbǎn nu̍-ɛ tìè i̍. Ɛ̍ tìh jɔ̍gbau jɔ-ɛ, nɛ̀ ɔ̍ blě ɔ̍ chɛ̀-a nynɔ̌. Nɛ̀ nynɔ̌ jɔ-ɛ, ɔ̍ blě ɔ̍ chɛ̀-a kɔan ke.

Iblu 13:4

Nɛ̀ nyɔ̍ kli̍hgbɛ̍ gbɛ̍n-ɛ jla̍ tǐn dɛ sɔ̍nᵻ sɔɔ̌n i̍, u̍h iě ɛ̍ ja̍ tè. Nɛ̀ nynɔ̌ ke kɔan-a nyɔ̍ due bɔ̌ jla̍-a chɛ̀ cha̍n we̍ po̍-ɛ. Dɛ̍nu̍ɛ, Nyɔsoa-a mu̍ gbǎn nu̍ nyɔ̍ ke nynɛ̌à nu̍ nyɔ̍ kàn gbɛ̍n.

1 Pitɛ 2:8

Nyɔsoa-a wlu̍ dɛɛ la̍a̍, “Sɔɔ̌ la bo nyɔ̍-a mu̍ gbèle wɛ̀ u̍h iě i̍ kèàɛ.” U̍h gbèle ɛ̍-ɛ, dɛ̍nu̍ɛ, u̍h se̍ wlu̍ la tìh chɛ̀ po̍. Ɛ̍-ɛ bo ɔ̍ po̍ gbɔ̀ se̍e̍ ɛ̀ iě u̍h pùn nɛ.

2 Pitɛ 2:15

U̍h sɔ dǒ wìè ɛ̀ slɛ̌-a i̍-ɛ kɛ̍n wɛ̀ u̍h sie kwlǎ. Iě u̍h wɔ̀ dǒ Nyɔsoa-a tu̍owli po̍ nyɔ̍ Belɛm de̍e̍, ɔ̀ nu̍-a Beɔ-a jǔ ɔ̀ jbɛɛ-a dɛ̍ᵻ sɔ̀nᵻ nu̍ dɛ-ɛ wlǐ tìh-ɛ.

Judi 1:11

Chlě dǒ u̍h we̍, dɛ̍nu̍ɛ, u̍h-a sà-e Kein-a wɔ̀ɔ̀ i̍. U̍h iě wlǐ jě klùh tìh, ɛ̍ kɔn u̍h-a tèwe. Iě u̍h sìì wìè ka Belɛm-ɛ. U̍h-a blaɛ tùn blě nyɔ̍ wɔ̍n ka Kɔwla-ɛ, ɛ̍ bo ɛ̀ mu̍ u̍h-u gbɔ̀lɔ.

Wlɛfeleseɔn 2:20

Jɛ ɛ̀ la bo ɛ̀ nu̍ mɔ̀-a kɔ̌ɛ nynɛ̌ ǐn blě. Nynɔ̌ la ɔ̀ kɔn nynɛ̌ nu̍-a Jɛsebeɔ-ɛ, ɔ̍ bo ɔ̀ dǎɛ-a ɔ̍ chɛ̀ Nyɔsoa-a tu̍owli po̍ nyɔ̍. Ɔ̍ po̍ ǎn pòi̍nynuu̍ nǎ ɔ̍ boe u̍h i̍ iě u̍h-a nu̍ gbǎn u̍h-a di̍ di̍-dɛ̍ᵻ ìh sà-ɛa slaǎ dǒ kwɛ̍i̍n gbo̍ᵻ we̍-ɛ. Wɛ̀ mɔ̀ se̍ ɔ̍ bɔ̌ i̍ po̍ dǒ i̍h we̍.

Wlɛfeleseɔn 2:4

Jɛ ɛ̀ la bo ɛ̀ nu̍ mɔ̀-a kɔ̌ɛ nynɛ̌ ǐn blě. Ka mɔ̀ nu̍-a ǐn jbɛɛ sàì-ɛ, ɛ̍ bo mɔ̀ sà sɔ̍n we̍.

Wlɛfeleseɔn 21:8

Jɛ faɛn nyɔ̍ ke, se̍ wlùh gbaɛ blě nyɔ̍ ke, ùh-a nu̍-a sììjii̍-ɛ ke, nyɔ̍ gbe̍ja̍a̍ poe nyɔ̍ ke, gbǎn nu̍ nyɔ̍ ke, wù po̍ nyɔ̍ ke, kwɛ̍i̍n gbo̍ᵻ wɛɛ sà nyɔ̍ ke, si̍h tmɔ̌ nyɔ̍ kli̍hgbɛ̍ u̍h-a nɛ la̍-a mu̍ dě pɔ̀nɔ̌ nɛ̍-a pàìbǒ di̍i̍ nu̍. Ɛ̍ bo ɛ̀ nu̍ mɛ̌ɛ-a sɔɔ̌n naɛ.”

Wlɛfeleseɔn 22:15

Sììjii̍ nu̍ nyɔ̍ ke, wù po̍ nyɔ̍ ke, gbǎn nu̍ nyɔ̍ ke, nyɔ̍ gbe̍ja̍a̍ poe nyɔ̍ ke, kwɛ̍i̍n gbo̍ᵻ wɛɛ sà nyɔ̍ ke nyɔ̍ kli̍hgbɛ̍ ùh jbɛɛ-a si̍h tmɔ̌ dɛɛ ma̍u̍-ɛ, u̍h bo ùh-a mu̍ sɔ̀n sie.