Wlɛfeleseɔn 2:13 - Ku̍o̍ Delee 1999

¹³ Ǐn juo àn tǐn la̍. Tà kɔn taǐn Setɔn-a nynɛ̌ gbalǎ nɛ-a bo ìn tǐn. Wɛ̀ ìn gbaɛ ǐn wlùh ke ma̍u̍. Antipa-a chɛ̀ jɔ nu̍-a ǎn wlùh gbaɛ nyɔ̍ ke sàànsi̍i̍h-ɛ, ti̍ u̍h dbǎ-a ɔ̍ dě mɔ̀ blǐ wlɔ̀ tà Setɔn tǐn-aɛ, mɔ̀ se̍ mɔ̀-a wlùh gbaɛ-ɛ i̍ tǎli.

Wlɛfeleseɔn 2:13 Iomraidhean Croise

Matio 10:23

Pò u̍h ja mɔ̀ klě jěe dǒ tà jɛ-ɛ, nɛ̀ mɔ̀ ple̍ mɔ̀ iě tàdɔ̀ɔ̀ mu̍. Tìh-a taǐn ǎn sèàɛ̍ mɔ̀ wlùh, mɔ̀ se̍ dbo̍ la i̍ wɔ̀ mu̍ dě Eslɔɛ nyɔ̍-a wlɔ̀ᵻ gbàɛ̀ kli̍hgbɛ̍ di̍i̍ i̍ wɛ̀ Nyi̍ɔ̍-a Jǔ iě ji̍.

Matio 24:9

“Nɛ̀ mɔ̀-a mu̍ gbɛ̍n-ɛ, u̍h iě mɔ̀ klě jě-e, wɛ̀ mɔ̀ iě ɛ̍ sɔ̀n mɛ̌-ɛ. Nɛ̀ ǎn tìh-ɛ nyɔ̍ kli̍hgbɛ̍-a mu̍ mɔ̀ faɛn.

Matio 4:10

Wɛ̀ Jusu la̍a̍ dě ɛ̍ we̍, “Sɔ da̍a ǐn we̍-e Setɔn. Nyɔsoa-a wlu̍ la̍a̍, ‘Sà àn Joi Nyɔsoa wɛɛ, nɛ̀ ɔ̍ nɛ due gbài̍ bo ìè jǔ dbee.’ ”

Pɔ̀n Chɛ̀ Luu To-a La 21:17

Nyɔ̍ kli̍hgbɛ̍-a mu̍ mɔ̀ faɛn ǎn tìh.

Nu̍-dɛ̍ᵻ 22:20

Ti̍ àn sàànsi̍i̍h Slifɛn iě-a dbǎ-ɛɛ, nɛ̀ dǒ ǐn nɛ iě ǐn wɔ̌ɛn ɛ̍ we̍. Nyɔ̍ ùh-a dbǎ-a ɔ̍-ɛ, mɔ̍ bo ɔ̀ blě u̍h-a plɛ̀i̍ᵻ kwa̍.’

Nu̍-dɛ̍ᵻ 9:14

Ɛ̍ kɔn tìh bo slaǎ sà nyɔ̍ klaaᵻ nyǐ ɔ̍ tùn wɛ̀ ɔ̍ ji̍ nɔ̍ɔ̀ ɔ̍ iě nyɔ̍ ɔ̀ mu̍-a àn nynɛ̌ i̍ dǎ-a gbɛ̍n.”

1 Tɛsoloniɔn 5:21

Mɔ̀ tɛ̀n dɛ̍ᵻ kli̍hgbɛ̍-ɛ, nɛ̀ mɔ̀ gbɛ̍n jii̍ nmɔ naɛ i̍.

1 Timote 5:8

Nàa̍, pò nyɔ̍-o-nyɔ̍ se̍ ɔ̍ wloa̍ nyɔ̍-a tìh jlǐhɛ̍ tù-ɛ, ɔ̍ chɛ̌ bo ǎn dǎ gbòǒ, nɛ̀ wlùh gbaɛ bo ɔ̍ tba̍ chla. Wɛ̀ ɔ̍ nu̍ gblɛ̍n sɔ̀ɛ̀n-a gblìmia dǒ se̍ Nyɔsoa juo nyɔ̍ kɛ̍n.

2 Timote 1:13

Ǎn nyɔ̍ nǎ po̍ wlu̍ ɛ̀ slɛ̌-a i̍ ìn wɔ̌n-a ǐn wɔ̍ɔ̍n-ɛ, dǒ ɛ̍ blaiɛ̍ de̍e̍ ìè wɔ̀. Nu̍ ɛ̍ dě wlùh gbaɛ ke nyɔ̍ tìh kma-a nɛ-a dě Jusu Klai ja̍a̍-ɛ di̍i̍.

2 Timote 2:12

Pò à ku̍-e klì i̍ ma̍u̍-ɛ, nɛ̀ ɔ̍ ke à mu̍ kmɔ̌ wlu̍ i̍ kɔn. Pò à sà ɔ̍ dɛ kwa̍ i̍-ɛ, nɛ̀ ɔ̍ mu̍ à dɛ kwa̍ i̍ sà ke.

Iblu 10:23

Nɛ̀ wlì tè dɛ̍ kɔn tìh à bla̍-aɛ, mɔ̀ à gbɛ̍n ɛ̍ i̍ klìmàtàìn. Dɛ̍nu̍ɛ, Nyɔsoa ɔ̀ po̍-a wlu̍ tɔ̀ma̍a̍-ɛ, ɔ̍-ɔ gblìh wlu̍ kɛ̍n.

Iblu 3:6

Jɛ Klai bo ɔ̀ nu̍ Nyɔsoa-a wlì tè Jǔ, iě ɔ̍ nu̍ Nyɔsoa nyɔ̍-a Dlǔtu. Pò à gbɛ̍n-ɛ à di̍i̍ i̍ ku̍-ɛ sɔ̍nᵻ sɔɔ̌n i̍, wɛ̀ à iě à wlùh i̍ kɔ̍ dɛ̍-a bu̍hᵻ wlù i̍ po̍-ɛ, nɛ̀ àɔ̀ bo à nu̍ Nyɔsoa-a nyɔ̍.

Chiin 2:7

Klai-a nynɛ̌ chɛ̀ la ìh nɛ-a mɔ̀ kɛ̍n-ɛ, ɛ̍ se̍ u̍h mɔ ùh-a se̍ i̍h wɔ̍n nyni-i ae?

Wlɛfeleseɔn 1:5

Ɛ̍ sɔ dě sàànsi̍i̍h Jusu Klai ɔ̀-ɔ gblìh-a wlu̍ kɛ̍n-ɛ we̍ ke. Ɔ̍ bo ɔ̀ nu̍ sàǐtòò Jǔ ɔ̀ wlǔh-e, iě ɔ̍ blě blǔh baaᵻ nɛ-a nɔ̌ kmɔ̌ we̍-ɛ u̍h-a wlu̍ kwa̍. Jusu Klai jbɛɛ àɔ̀ iě ɔ̍ sèìe àɔ̀ dě à gblɛ̍n sɔ̀ɛ̀n di̍i̍ dǒ ɔ̍ nymɔ̍ we̍.

Wlɛfeleseɔn 11:3

Ǎn mu̍ ǎn sàànsi̍i̍h sɔɔ̌n ùh pa̍-a sùàɛ̀n pa̍ jlii̍-ɛ gbǐh nyǐ, wɛ̀ u̍h iě Nyɔsoa-a tu̍owli po̍ dǒ wǐh-a wlǔ due kmɛ sɔɔ̌n kwela mɛ̀o̍ (1,260) laa̍ di̍i̍.”

Wlɛfeleseɔn 12:11

À de̍di̍i̍ᵻ du̍ ɛ̍ wɛ̀ dǒ Blawɛ̌ Jǔ-a nymɔ̍ ke tìh-a taǐn tu̍owli u̍h po̍-a we̍. Iě u̍h sà u̍h-a feɛ kwlǎ u̍h iě mɛ̌.

Wlɛfeleseɔn 13:2

Nmi̍ɛ̍ ǐn jě-aɛ, ɛ̍ ke chì mu̍i we̍, wɛ̀ ɛ̍ blě gbɛ̌-a bu̍hᵻ. Ɛ̍ wɔ̍n ke gbòlò-a wɔ̍n mu̍i we̍. Wɛ̀ dɔ̍sɛ-a gbǐh ɛ̍ blě-a iě ɛ̍ nyǐ i̍h nmi̍ɛ̍, ɛ̍ ke ɛ̍ nynɛ̌ gbalǎ ke tùn ɛ̀ ku̍-a wɔ̍n-ɛ ke.

Wlɛfeleseɔn 14:12

Ka ɛ̍ nɛ-a ka-ɛ, nɛ̀ Nyɔsoa-a nyɔ̍ ùh-a tè-ao ɔ̍ telě i̍, iě u̍h gbaɛ-a Jusu wlùh-ɛ, nɛ̀ u̍h kɔn u̍h iě-e klì i̍ ku̍.

Wlɛfeleseɔn 17:14

I̍h-a mu̍ Blawɛ̌ Jǔ tu̍h we̍ pa̍-ɛ, wɛ̀ Blawɛ̌ Jǔ iě i̍h du̍. Dɛ̍nu̍ɛ, ɔ̍ nu̍ Joi dǒ joi kli̍hgbɛ̍ kɛ̍n, wɛ̀ ɔ̍ nu̍ Blǔh Baa dǒ blǔh baaᵻ kli̍hgbɛ̍ kɛ̍n. Nyɔ̍ ke ɔ̍ na-aɛ u̍h dǎ-ɛ, iě u̍h tba̍-ɛ chèɛ̀, wɛ̀ u̍h gbaɛ ɔ̍ wlùh.”

Wlɛfeleseɔn 17:6

Nyɔsoa nyɔ̍ ùh dbǎ-ɛa Jusu-a tìh i̍ sà tìh-ɛ, ǐn jě nynɔ̌-a chɛ̀, nɛ̀ ɔ̍ nǎ u̍h-a nymɔ̍, iě ɛ̍ sìèè ɔ̍ wlì. Ǐn jě-a ɔ̍-ɛ, sɔ ɛ̍ flɔn-ɛ ǐn wɔ̍n kaa̍.

Wlɛfeleseɔn 2:2

Ǐn juo mɔ̀-a nu̍-dɛ̍ᵻ ke mɔ̀-a kmu-u dbo̍ nu̍-ɛ ke wlùh i̍ gbɛ̍n-ɛ. Ǐn juo ka mɔ̀ faɛn-a dɛ̍ᵻ sɔ̀nᵻ nyɔ̍-ɛ. Mɔ̀ tɛ̀n nyɔ̍ ùh-a dǎɛ-a u̍h-a chɛ̀ Klai-a gba̍tòà jɛ nɛ̀ ɛ̍ se̍-a u̍h mɔ-ɛ. Wɛ̀ mɔ̀ juo u̍h-a si̍h tmɔ̌ tìh. Ǐn ju̍o̍e i̍h we̍ i̍ kli̍hgbɛ̍.

Wlɛfeleseɔn 3:11

Ǎn mu̍ ji̍ suei̍. Tà mɔ̀ gbɛ̍n-a i̍-ɛ, dǒ mɔ̀ iě i̍ gbɛ̍n gba̍i̍ngba̍i̍n wɛ̀ nyɔ̍ dɔɔ je̍e mɔ̀-a blawɛ̌ mɔ̀ kwa̍a̍ sà.

Wlɛfeleseɔn 3:3

Dɛ̍ᵻ ǐn poe-a mɔ̀ nǎ wɛ̀ mɔ̀ cheǎn-aɛ, mɔ̀ nu̍ i̍h wlùh we̍. Nɛ̀ mɔ̀ jě i̍h dɛ̍ɛ̍ mɔ̀ iě mɔ̀-a gblɛ̍n sɔ̀ɛ̀n kɛ̍n i̍ poe. Jɛ pò mɔ̀ se̍ bloɔ̍ sɔ mu̍-ɛ, nɛ̀ ǎn ji̍-ɛa mu̍ nyɔ̍ kɛ̍n kèè ka jlǐ-nyɔ̍-ɛ. Nɛ̀ mɔ̀ se̍ ti̍ ǎn mu̍-a ja-ɛ juo mu̍.