Wlɛfeleseɔn 19:9 - Ku̍o̍ Delee 1999

⁹ Wɛ̀ ǐnchɔ̀ la̍a̍ dě ǐn we̍, “Chlǐh ɛ̀ la. Nyɔ̍ ùh dǎ-ɛa dǒ Blawɛ̌ Jǔ-a nynɔ̌ peě kɛ̍n-ɛ, nɛ̀ u̍h nmɔ i̍.” Iě ɛ̍ la̍a̍ dɛ, “Ìh la̍ Nyɔsoa-a tìh-a taǐn tu̍owli bo.”

Wlɛfeleseɔn 19:9 Iomraidhean Croise

Pɔ̀n Chɛ̀ Luu To-a La 22:16

Dɛ̍nu̍ɛ, ǎn sèàɛ̍ mɔ̀ wlùh, ǐn se̍ i̍h di̍ mu̍ dɛ te̍e̍ wɛ̀ dɛ̍ᵻ ìh kɔ̍-a dǒ ǐn pùn i̍-ɛ, i̍h iě nɛ dě Nyɔsoa-a kmɔ̌ wlu̍ i̍ kɔn-ɛ di̍i̍.”

1 Timote 1:15

Jusu Klai ji̍ da̍a kmɔ̌ la we̍ ɔ̍ iě gblɛ̍n sɔ̀ɛ̀n nyɔ̍ sèìe. Wlu̍ la tìh-a taǐn bo, ɛ̍ nɛ i̍ gbɛ̍n ka̍ klìmàtàìn. Jɛ gblɛ̍n sɔ̀ɛ̀n nyɔ̍-a chɛ̀, mɔ̍ bo ɔ̀ nu̍ u̍h-a gblìmia.

1 Timote 4:9

Wlu̍ la tìh-a taǐn bo, ɛ̍ nɛ i̍ gbɛ̍n ka̍ klìmàtàìn.

2 Timote 2:11

Wlu̍ la tìh-a taǐn bo. Ɛ̍ la̍a̍, “Pò à mɛ̌-ɛ ɔ̍ we̍-ɛ, nɛ̀ à mu̍ ɔ̍ we̍ tǐn ke.

Taitɔ 3:8

Wlu̍ la tìh-a taǐn bo. Ìh la̍ bo ǎn pɔ̀n ìè kɛ̍ɛ̍n nɛ̌. Nyɔ̍ ùh gbaɛ-a Nyɔsoa wlùh-ɛ, nɛ̀ u̍h nu̍ nɛnɛ̌ u̍h iě dɛ̍ chɛ̀ nu̍-ɛ we̍ fòè. Ìh la̍ bo ìh nmɔ jii̍ wɛ̀ i̍h-a po̍-o nyɔ̍ kli̍hgbɛ̍ dɛ̍.

Wlɛfeleseɔn 1:1

Chlǐh-dɛ̍ la bo ɛ̀ sà dɛ̍ᵻ ìh kɔn ìh iě-a nɛ suei̍-ɛ i̍h-a tìh i̍. I̍h bo Nyɔsoa sà tà dě Jusu Klai we̍ ɔ̍ iě i̍h ɔ̍ pòi̍nynuu̍ i̍ to. Klai dbo̍ ɔ̍ ǐnchɔ̀ dě ɔ̍ pòi̍ju Chɔɔn we̍, iě ɛ̍ sèàɛ̍ ɔ̍ wlùh.

Wlɛfeleseɔn 1:19

Kaka la̍ dɛ̍ ìn jě-aɛ, chlǐh ɛ̍. Nɛ̀ ìn chlǐh dɛ̍ᵻ jih nɛ-aɛ ke jih-a mu̍-a nɛ dě nya̍-ɛ.

Wlɛfeleseɔn 10:4

Tɛ̀n mɛ̀sɔɔ̌n wɔ̀-a plǎn-aɛ, ǎn ji̍ la̍ chlǐh la̍ de sǔh, wɛ̀ ǐn wɔ̌n wlu̍ ɛ̍ sɔ dě ja̍i̍wlɔ̀. Ɛ̍ la̍a̍, “Bɔ̌ tɛ̀n mɛ̀sɔɔ̌n-a wlu̍ laa̍ chlǐh-ɛ, tè i̍h tà i̍.”

Wlɛfeleseɔn 14:13

Wɛ̀ ǐn wɔ̌n wlu̍ ɛ̍ sɔ dě ja̍i̍wlɔ̀. Ɛ̍ la̍a̍, “Chlǐh wlu̍ la. Sɔ da̍a sèàn blǐ nyɔ̍ ùh ke Joi nɛ-a due wɛ̀ u̍h mɛ̌-aɛ, nɛ̀ u̍h nmɔ i̍.” Nyɔsoa-a Sùù la̍a̍, “Nɛ̀ u̍h nmɔ i̍ kaa̍, u̍h-a mu̍ feɛ i̍ jě. Dɛ̍nu̍ɛ, u̍h-a nu̍-dɛ̍ᵻ wɔ̀ dǒ u̍h de̍e̍.”

Wlɛfeleseɔn 17:1

Wɛ̀ Nyɔsoa-a ǐnchɔ̀ mɛ̀sɔɔ̌n ìh blě-a boo̍ᵻ mɛ̀sɔɔ̌n kwa̍-ɛ i̍h-a due ji̍ nɔ̌ ǐn we̍. Ɛ̍ la̍a̍, “Ji̍, ka kàìà nynɔ̌ klaa-a mu̍-a kàn gbɛ̍n-ɛ nu̍-ɛ iě ɛ̍ ìn toe. Ɔ̍ nu̍ tùgbàwlɔ̀ klaa ɛ̀ po̍-ea dǒ nǐᵻ klaaᵻ wɔ̍i̍n-ɛ.

Wlɛfeleseɔn 17:17

Nyɔsoa po̍ ɛ̍ dě i̍h wlùh we̍ i̍h iě ɔ̍ wlùh dɛ̍ nu̍ dǒ i̍h-a wlùh-a due nɛ-ɛ we̍, wɛ̀ i̍h iě i̍h-a gbǐh nmi̍ɛ̍ nyǐ ɛ̍ iě nyɔ̍-a wlu̍ kwa̍ blě te̍e̍ wɛ̀ Nyɔsoa-a wlu̍ iě kɛ̀ǐn gbǎ.

Wlɛfeleseɔn 2:1

Wɛ̀ ɔ̍ la̍a̍ dě ǐn we̍, “Chlǐh Nyɔsoa-a ǐnchɔ̀ ɛ̀ nɛ-a dě Ɛfɛsɔ wlɔ̀-a chɔchi̍h-ɛ we̍. Nɛ̀ nàa̍, “Tu̍owli la ɛ̍ sɔ dě ɔ̀ blě-a chǔhtlɛ̀n mɛ̀sɔɔ̌n dě ɔ̍ di̍na̍ kwa̍a̍ wɛ̀ ɔ̍ naɛ-a dě chlǎn nape̍ᵻá kɛ̍n tè dɛ̍ᵻ mɛ̀sɔɔ̌n ìh nui-a kòo̍-ɛ nynɛ̌ we̍.

Wlɛfeleseɔn 2:12

Wɛ̀ ɔ̍ la̍a̍ dě ǐn we̍, “Chlǐh Nyɔsoa-a ǐnchɔ̀ ɛ̀ nɛ-a dě Pɛkamɔ wlɔ̀-a chɔchi̍h-ɛ we̍. Nɛ̀ nàa̍, “Tu̍owli la ɛ̍ sɔ dě nyɔ̍ ɔ̀ blě-a nmǎ-a plàn chlɛ̀n-ɛ we̍.

Wlɛfeleseɔn 2:18

Wɛ̀ ɔ̍ la̍a̍ dě ǐn we̍, “Chlǐh Nyɔsoa-a ǐnchɔ̀ ɛ̀ nɛ-a dě Taɛtawla wlɔ̀-a chɔchi̍h-ɛ we̍. Nɛ̀ nàa̍, “Tu̍owli la ɛ̍ sɔ dě Nyɔsoa-a Jǔ ɔ̀ kɔn jlǐh wɔ̀-a nɛ̍-a pàìbǒ iě ɔ̍ bu̍hᵻ wɔ̀-a ka nyɔ̍ po̍-a tìɛ̀n jlǐh-ɛ we̍.

Wlɛfeleseɔn 2:8

Wɛ̀ ɔ̍ la̍a̍ dě ǐn we̍, “Chlǐh Nyɔsoa-a ǐnchɔ̀ ɛ̀ nɛ-a dě Smana wlɔ̀-a chɔchi̍h-ɛ we̍. Nɛ̀ nàa̍, “Tu̍owli la ɛ̍ sɔ dě ɔ̀ nu̍-a sàǐtòò nyɔ̍ ke bɔ̌ɛ-o nyɔ̍-ɛ we̍, ɔ̀ mɛ̌-a wɛ̀ ɔ̀ wlǔh-aeɛ.

Wlɛfeleseɔn 21:5

Wɛ̀ ɔ̀ tè-a i̍ dǒ nynɛ̌ gbalǎ kɛ̍n-ɛ la̍a̍, “Ǎn nu̍ la̍ dɛ̍ᵻ kli̍hgbɛ̍ delee we̍i̍.” Ɔ̍ la̍a̍ dě ǐn we̍ ke, “Chlǐh ɛ̀ la, dɛ̍nu̍ɛ, wlu̍ la i̍h nu̍ gblangbai̍ ke wlì tè dɛ̍.”

Wlɛfeleseɔn 22:6

Wɛ̀ ǐnchɔ̀ la̍a̍ dě ǐn we̍, “Wlu̍ la i̍h nu̍ gblangbai̍ ke wlì tè dɛ̍. Joi Nyɔsoa ɔ̀ nyǐ-a ɔ̍ tu̍owli po̍ nyɔ̍ ɔ̍ Sùù-ɛ, ɔ̍ bo ɔ̀ dbo̍ ɔ̍ ǐnchɔ̀ ɛ̍ iě ɔ̍ pòi̍nynuu̍ dɛ̍ ɛ̀ mu̍-a nɛ suei̍-ɛ toe.”

Wlɛfeleseɔn 3:1

Wɛ̀ ɔ̍ la̍a̍ dě ǐn we̍, “Chlǐh Nyɔsoa-a ǐnchɔ̀ ɛ̀ nɛ-a dě Sade wlɔ̀-a chɔchi̍h-ɛ we̍. Nɛ̀ nàa̍, “Tu̍owli la ɛ̍ sɔ dě nyɔ̍ ɔ̀ blě-a sùù mɛ̀sɔɔ̌n ìh-a dbee-a Nyɔsoa jǔ-ɛ ke chǔhtlɛ̀n mɛ̀sɔɔ̌n-ɛ we̍. Ǐn juo mɔ̀-a nu̍-dɛ̍ᵻ. Mɔ̀ wɔ̀ kmɔ̌ nɛ nyɔ̍, jɛ mɔ̀ mɛ̌-ɛ.

Wlɛfeleseɔn 3:14

Wɛ̀ ɔ̍ la̍a̍ dě ǐn we̍, “Chlǐh Nyɔsoa-a ǐnchɔ̀ ɛ̀ nɛ-a dě Leodesia wlɔ̀-a chɔchi̍h-ɛ we̍. Nɛ̀ nàa̍, “Tu̍owli la ɛ̍ sɔ dě nyɔ̍ ɔ̀ kɔn nynɛ̌ nu̍-a Kǎ Ɛ̍-ɛ Nɛ-ɛ we̍. Ɔ̍-ɔ gblìh wlu̍ kɛ̍n iě ɔ̍ nu̍ gblangbai̍ sàànsi̍i̍h. Ɔ̍-ɔ bo ɔ̀ nu̍ dɛ̍ᵻ Nyɔsoa nu̍-aɛ i̍h-a gbɔ̀.

Wlɛfeleseɔn 3:20

Kaka la̍, ǐn nyna i̍ dǒ gbaba kɛ̍ɛ̍n iě ǎn bla̍ ɛ̍. Pò nyɔ̍-o-nyɔ̍ wɔ̌n ǎn wlu̍ wɛ̀ ɔ̍ iě dǒ gbò wɔ̍i̍n pɔ̀ni-ɛ, nɛ̀ ǎn mu̍ dě ɔ̍ we̍ gbò pa̍ ɔ̍ ke ǐn ke à iě sɔ̍n jǔ gbo̍a̍ɛ.

Wlɛfeleseɔn 3:7

Wɛ̀ ɔ̍ la̍a̍ dě ǐn we̍, “Chlǐh Nyɔsoa-a ǐnchɔ̀ ɛ̀ nɛ-a dě Feledɛɛfia wlɔ̀-a chɔchi̍h-ɛ we̍. Nɛ̀ nàa̍, “Tu̍owli la nyɔ̍ ɔ̀ wɛ̀-a nɛi̍ ɔ̀ nu̍-a gblangbai̍ nyɔ̍-ɛ, dě ɔ̍ we̍ ɛ̍ sɔ-ɔ. Ɔ̍ blě Depe-a kɔɛ̍n. Ɔ̍ pɔ̀ni gbò wɔ̍i̍n-ɛ, nɛ̀ nyɔ̍ se̍ ɛ̍ wɔ̍i̍n ka̍n-a bɛ̌ɛ, iě pò ɔ̍ ka̍n ɛ̍ wɔ̍i̍n-ɛ, nɛ̀ nyɔ̍ se̍ ɛ̍ pɔ̀ni-ɛ bɛ̌ɛ.