Wlɛfeleseɔn 19:7 - Ku̍o̍ Delee 1999

⁷ Mɔ̀ à nmɔ à iě ja̍ de̍le. Mɔ̀ à bɛ̌-ɛ ɔ̍ nynɛ̌ i̍, dɛ̍nu̍ɛ, Blawɛ̌ Jǔ-a nynɔ̌ jla̍ ja ti̍ nyni̍ wɛ̀. Ɔ̍ nynɔ̌ delee-a chɛ̀ gbàɛ̀ wɛ̀ ke dǒ ɔ̍ we̍.

Wlɛfeleseɔn 19:7 Iomraidhean Croise

Matio 1:20

Ɛ̀ laa̍ bo ɔ̍ nɛ dǒ wlùh i̍ naɛ la̍ sǔh, wɛ̀ Joi-a ǐnchɔ̀ jii ɔ̍ dlǔ we̍, ɛ̍ la̍a̍, “Depe-a tloemlai Josɛ, bɔ̌ Mɛle bɔ̌-ɛ, dǔ ɔ̍, ɔ̍ iě àn nynɔ̌ nu̍. Dɛ̍nu̍ɛ, Nyɔsoa-a Sùù-a gbǐh bo ɛ̀ nu̍ ɛ̍ wɛ̀ ɔ̍ nɛ kwlǐ la̍.

Matio 22:2

Ɔ̍ la̍a̍, “Kǎ Nyɔsoa-a kmɔ̌ wlu̍ i̍ kɔn-ɛ nu̍ ka nɛ-ɛ. Ɛ̍ wɔ̀ blǔh baa due ɔ̀ po̍-a dɛ̍ᵻ gba̍a̍-ɛ. Wɛ̀ ɔ̍ iě ɔ̍ jǔ jɔ̍gbau-a nynɔ̌ jla̍ ja peě tù.

Pɔ̀n Chɛ̀ Luu To-a La 12:36

mɔ̀ iě pòi̍nynuu̍ ùh-a fuo-a u̍h-a dlǔtu kɛ̍ɛ̍n-ɛ wɔ̀. Pò ɔ̍ sɔ dě nynɔ̌ peě kɛ̍n, ɔ̍ bla̍ gbaba-ɛ, wɛ̀ u̍h iě ɔ̍ wɔ̍i̍n pɔ̀ni suei̍.

Chɔɔn 3:29

Nynɔ̌ delee kɔn dǒ ɔ̍ kɔan ɔ̍ ji̍-ia jla̍-a we̍. Nɛ̀ pò kɔan delee ba̍ nyna doǒ i̍ wɛ̀ ɔ̍ iě kɔan-a wlu̍ wɔ̌n-ɛ, nɛ̀ ɛ̍ po̍ ɔ̍ mɔna̍-a kaa̍. Ɛ̍ bo ɛ̀ po̍ m ke, ǎn nmɔ-ɛ wɛ̀ kwlǎ wɛ̀ kaka.

2 Kɔwlɛntiɔn 11:2

Ǎn nu̍ mɔ̀-a wlɛ̀n ka Nyɔsoa-a nu̍-aɛ. Mɔ̀ wɔ̀ nynɔ̌gbaɔ ɔ̀ se̍-a dɛ̍ i̍ juo-ɛ. Ɔ̍ kɔn wlu̍ bo ǐn po̍ tɔ̀ma̍a̍ ɔ̍ iě jɔ̍gbau due gbài̍ blǐ tǐn, ɔ̀ nu̍-a Klai-ɛ.

Ɛfɛsɔ 5:23

Dɛ̍nu̍ɛ, chɔchi̍h nu̍ Klai-a ku̍, iě ɔ̍ nu̍ ka ɛ̍ Sèìe Nyɔ̍ ke ɛ̍ dlǔ. Kǎ kɔan nu̍ ɔ̍ nynɔ̌-a dlǔtu nu̍-ɛ ke.

Ɛfɛsɔ 5:32

Sìle dɛ̍ klaa la ɛ̀ wlǔh-a tà dě Nyɔsoa-a wlu̍ la di̍i̍-ɛ, Klai ke chɔchi̍h bo ǎn dǎ.

Felepai 3:3

Àɔ̀ nɔ̀ɔ̍, àɔ̀ bo à gbǎ plɔ̀n-a gblangbai̍ naɛ, dɛ̍nu̍ɛ, à se̍ plɔ̀n gbǎ dǒ nyi̍ɔ̍-a sɔ̍n we̍. À sà Nyɔsoa wɛɛ dě ɔ̍ Sùù di̍i̍. À nmɔ-ɛ, dɛ̍nu̍ɛ, à nɛ kmɔ̌ dě Jusu Klai ja̍a̍. À se̍ dɛ̍ᵻ à nu̍-a à chɛ̀ pùn-ɛ wlì tè.

Wlɛfeleseɔn 11:13

Dǒ ti̍-a taǐn laa̍ di̍i̍-ɛ, wɛ̀ wlù poɔ klaa ji̍. Iě tùgbàwlɔ̀ laa̍ ɛ̍ fɔ̌ᵻ pùè ɛ̍ blě-aɛ, wɛ̀ i̍h-a fɔ̌ due wlǎ. Wɛ̀ nyɔ̍-a wlǔ mɛ̀sɔɔ̌n (7,000) mɛ̌ dǒ wlù poɔ laa̍ we̍. Nyɔ̍ juh tàn-oɛ, u̍h gbǎ faɔn kaa̍ iě u̍h bɛ̌-ɛ Nyɔsoa-a nynɛ̌ i̍ ɔ̀ nɛ-a dě ja̍i̍wlɔ̀-ɛ.

Wlɛfeleseɔn 19:9

Wɛ̀ ǐnchɔ̀ la̍a̍ dě ǐn we̍, “Chlǐh ɛ̀ la. Nyɔ̍ ùh dǎ-ɛa dǒ Blawɛ̌ Jǔ-a nynɔ̌ peě kɛ̍n-ɛ, nɛ̀ u̍h nmɔ i̍.” Iě ɛ̍ la̍a̍ dɛ, “Ìh la̍ Nyɔsoa-a tìh-a taǐn tu̍owli bo.”

Wlɛfeleseɔn 21:2

Iě ǐn jě tùgbàwlɔ̀ ɛ̀ kɔn-a dǒ Nyɔsoa we̍ ɛ̀ nu̍-a Juluslɛn wlɔ̀ delee-ɛ. Wlɔ̀ la ɛ̍ sɔ dě ja̍i̍wlɔ̀ dě Nyɔsoa we̍. Ɛ̍ po̍-eɛ gba̍a̍ ka nynɔ̌ delee pɛ̀ɛ̀ ɔ̍ iě jla̍ mu̍-ɛ.

Wlɛfeleseɔn 21:9

Wɛ̀ ǐnchɔ̀ mɛ̀sɔɔ̌n laa̍ ìh blě-a boo̍ᵻ mɛ̀sɔɔ̌n ìh bɔ̌ɛ-o dlǐ dɛ̍ᵻ mɛ̀sɔɔ̌n jǐ-a dě di̍i̍-ɛ, iě i̍h-a due ji̍. Iě ɛ̍ la̍a̍ dě ǐn we̍, “Ji̍, ǎn mu̍ ìn Nynɔ̌ Delee toe ɔ̀ nu̍-a Blawɛ̌ Jǔ-a nynɔ̌-ɛ.”