Wlɛfeleseɔn 19:6 - Ku̍o̍ Delee 1999

⁶ Wɛ̀ ǐn wɔ̌n slɛ̀ ka nyɔ̍ tlùgbei̍-a wlu̍-ɛ. Slɛ̀-a chɛ̀ ke nǐ-a klu̍h-ɛ ke tɛ̀n-a plǎn-a mu̍i we̍. Slɛ̀-a chɛ̀ la̍a̍, “Mɔ̀ po̍ Nyɔsoa tìhwe̍, à Joi Nyɔsoa Ɔ̀ Blě-a Gbǐh Kli̍hgbɛ̍-ɛ, ɔ̍ nu̍ Blǔh Baa.

Wlɛfeleseɔn 19:6 Iomraidhean Croise

Matio 6:13

Bɔ̌ à blu̍ja̍a̍ gbǎ tìh i̍ wɔ̌ɛn, jɛ sèìe àɔ̀ dě Nyɔ̍ Sɔ̀n laa̍ kwa̍a̍. [Nɛ̀ɛ̍, àn kmɔ̌, ɛ̍ ke àn gbǐh, àn tìh-a i̍ bɛ̌-ɛ, mɔ̀ kɔn i̍h nɔ̌ kmɔ̌-a kmɔ̌. Kǎ ɛ̍-ɛ nɛ.]’

Wlɛfeleseɔn 1:15

Ɔ̍ bu̍hᵻ wɔ̀ ka nyɔ̍ po̍ tìɛ̀n jlǐh-ɛ. Nɛ̀ ɔ̍ ja wlu-ɛ ka nǐ-a klu̍h-ɛ.

Wlɛfeleseɔn 1:8

Joi Nyɔsoa Ɔ̀ Blě-a Gbǐh Kli̍hgbɛ̍, ɔ̀ nɛ-a, ɔ̀ nɛ-a kmɔ̌ se̍e̍ wɛ̀ ɔ̀ mu̍-a ji̍-ɛ, ɔ̍ la̍a̍, “Mɔ̍ bo ɔ̀ nu̍ dɛ̍ᵻ kli̍hgbɛ̍-a Gbɔ̀ Tè-ɛ ke i̍h-a Dlǔ I̍ Chlà-a.”

Wlɛfeleseɔn 12:10

Wɛ̀ ǐn wɔ̌n we̍le wlu̍ dě ja̍i̍wlɔ̀. Ɛ̍ la̍a̍, “Kaka-ɛ, à Nyɔsoa-a nyɔ̍ sèìe-ɛ ke, ɔ̍ gbǐh ke ɔ̍ kmɔ̌ wlu̍ i̍ kɔn ti̍ nyni̍ wɛ̀, ɛ̍ ke ɔ̍ Chèɛ̀ Tba̍ju-a tùn blě-ɛ ke. Dɛ̍nu̍ɛ, ɛ̀ nyna-a i̍ de dǒ à Nyɔsoa jǔ wlù ke sɔ̀n wɛ̀ ɛ̍ nyni-a à de̍di̍i̍ᵻá wlu̍ wɔ̍i̍n-ɛ, ɛ̍ poe-ɛ sɔ̀n wɛ̀.

Wlɛfeleseɔn 14:2

Iě ǐn wɔ̌n wlu̍ ɛ̍ sɔ dě ja̍i̍wlɔ̀ ka nǐ-a klu̍h-ɛ, ɛ̍ ke ka tɛ̀n-a plǎn-ɛ i̍-ɛ. Wlu̍ ǐn wɔ̌n-aɛ, nɛ̀ ka kainᵻ bla̍ nyɔ̍-a bla̍ kainᵻɛ́.

Wlɛfeleseɔn 19:1

Ɛ̀ la ɛ̍ wɔ̀-a nɛ-ɛɛ, iě ǐn wɔ̌n slɛ̀ dɔu ka nyɔ̍ tlùgbei̍-a wlu̍ dě ja̍i̍wlɔ̀-ɛ. Slɛ̀-a chɛ̀ la̍a̍, “Mɔ̀ po̍ Nyɔsoa tìhwe̍. Nyɔ̍ sèìe-ɛ ke tìh-a i̍ bɛ̌-ɛ ke gbǐh kɔn dǒ à Nyɔsoa we̍.

Wlɛfeleseɔn 19:4

Iě nyɔ̍ klaaᵻá kwela sɔɔ̌n jɔ̌ nyìɛ̍ ke kmɔ̌ nɛ dɛ̍ᵻ nyìɛ̍ laa̍ kèàɛ i̍ dǒ Nyɔsoa ɔ̀ tè-a i̍ dǒ ɔ̍ nynɛ̌ gbalǎ kɛ̍n-ɛ jǔ, iě u̍h sà ɔ̍ wɛɛ. U̍h la̍a̍, “Kǎ ɛ̍-ɛ nɛ, mɔ̀ po̍ Nyɔsoa tìhwe̍.”

Wlɛfeleseɔn 21:22

Ǐn se̍ slaǎ sà gbò jě dǒ tùgbàwlɔ̀-a chɛ̀ di̍i̍, dɛ̍nu̍ɛ, ɛ̍ slaǎ sà gbò bo ɛ̀ nu̍ Joi Nyɔsoa Ɔ̀ Blě-a Gbǐh Kli̍hgbɛ̍-ɛ, ɛ̍ ke Blawɛ̌ Jǔ ke.

Wlɛfeleseɔn 4:5

Nɛ̀ nǐ-a jlǐh chlɛ-ɛ ke tɛ̀n-ɛ plǎn-a ke slɛ̀-a sɔ dě nynɛ̌ gbalǎ-a chɛ̀ we̍. Nɛ̀ tàùᵻ mɛ̀sɔɔ̌n-a wa̍n-ɛ dǒ nynɛ̌ gbalǎ-a chɛ̀ jǔ. I̍h bo ìh nu̍ sùù mɛ̀sɔɔ̌n ìh-a dbee-a Nyɔsoa jǔ-ɛ.

Wlɛfeleseɔn 6:1

Wɛ̀ ǐn jě Blawɛ̌ Jǔ iě ɔ̍ wa̍ slu̍ mɛ̀sɔɔ̌n laa̍ i̍h-a sàǐtòò naɛ dǒ chlǐh-dɛ̍-a gbo̍lo̍ laa̍ wɔ̍i̍n. Iě ǐn wɔ̌n kmɔ̌ nɛ dɛ̍ᵻ nyìɛ̍ laa̍ i̍h-a due-a wlu̍ ka tɛ̀n plǎn-ɛ. Ɛ̍ la̍a̍, “Ji̍.”

Wlɛfeleseɔn 8:5

Wɛ̀ ǐnchɔ̀ laa̍ ɛ̍ dǔ nɔ̌-dɛ̍ᵻá di̍i̍ fɔ̍n-ɛ dɛ̍-ɛ, ɛ̍ jǐi ɛ̍ dǒ nɛ̍ ɛ̀ sɔ-a dǒ gblǒ kɛ̍n-ɛ we̍. Iě ɛ̍ fìle ɛ̍ dǒ bloa̍ kɛ̍n. Wɛ̀ tɛ̀n-a plǎn-ɛ i̍, slɛ̀-a wlu, iě nǐ-a chlɛ jlǐh, wɛ̀ wlù poɔ-a ji̍.