Wlɛfeleseɔn 19:20 - Ku̍o̍ Delee 1999

²⁰ Wɛ̀ tu̍h gbɛ̍n nmi̍ɛ̍-a chɛ̀ ke ɛ̍ tu̍owli po̍ nyɔ̍-a si̍h naɛ ɔ̀ po̍-a jbaɛdih dǒ ɔ̍ jǔ-ɛ. Nyɔ̍ ùh blě-a ka nmi̍ɛ̍-a juola ùh-a sà-a ɛ̍ mɛ̍-dɛ̍ wɛɛ-ɛ, jbaɛdih laa̍ bo ɔ̍ nu̍ iě ɔ̍ boe u̍h i̍. Nmi̍ɛ̍ ke tu̍owli po̍ nyɔ̍-a si̍h naɛ-a chɛ̀ poe-ɛ dě pɔ̀nɔ̌ nɛ̍-a pàìbǒ di̍i̍ wɛ̀.

Wlɛfeleseɔn 19:20 Iomraidhean Croise

Matio 7:15

Ɔ̍ la̍a̍, “Mɔ̀ nu̍ nɛnɛ̌ dǒ Nyɔsoa-a tu̍owli po̍ nyɔ̍-a si̍h naɛ we̍. Pò u̍h ja dǒ nyɔ̍ we̍ ji̍ sàǐtòò-ɛ, nɛ̀ u̍h gbɛ̍n tìh i̍ ka blawɛ̌-ɛ. Jɛ nɛ̀ u̍h wɔ̀ gbɛ̍n-nmi̍i̍ dě u̍h di̍i̍ ka.

Wlɛfeleseɔn 14:10

nɛ̀ ɔ̍ chɛ̀-a mu̍ Nyɔsoa-a jlu̍h nmɔ̍ nǎ ɛ̀ ɔ̍ chɛ̌li-a dě ɔ̍ jlu̍h kàu̍n di̍i̍-ɛ. Wɛ̀ ɔ̍ iě jua̍i̍ sàɛ̀ kaa̍ dǒ nɛ̍ ke pɔ̀nɔ̌ we̍ dǒ Nyɔsoa-a ǐnchɔ̀ ke Blawɛ̌ Jǔ jlǐhwai.

Wlɛfeleseɔn 17:12

“Gbɔ̀nᵻ pùè ìn jě-aɛ, nyɔ̍ pùè ùh se̍-a blǔh baaᵻ nu̍ ke̍-ɛ bo. Jɛ i̍h-a mu̍ tùn nyǐ-ɛ, wɛ̀ i̍h iě blǔh baaᵻ nu̍ dǒ ti̍ tile di̍i̍, i̍h ke nmi̍ɛ̍ laa̍ ke.

Wlɛfeleseɔn 19:19

Wɛ̀ ǐn jě nmi̍ɛ̍ ke kmɔ̌ la ɛ̍ blǔh baaᵻ ke u̍h-a fledlǔ. Nɛ̀ u̍h gbǎ tàdùè u̍h iě ɔ̀ tè-a i̍ dǒ soo̍bli kɛ̍n-ɛ ke ɔ̍ fledlǔ tu̍h we̍ pa̍-ɛ.

Wlɛfeleseɔn 20:10

Kǔ ɛ̀ boe-a u̍h i̍-ɛ, ɛ̍ mu̍ dě pɔ̀nɔ̌ nɛ̍-a pàìbǒ di̍i̍ poe-ɛ tà nmi̍ɛ̍ ke tu̍owli po̍ nyɔ̍-a si̍h naɛ nɛ-aɛ. Nɛ̀ dě-e bo u̍h-a mu̍ jua̍i̍ sàɛ̀ wlù ke sɔ̀n nɔ̌ kmɔ̌-a kmɔ̌.

Wlɛfeleseɔn 21:8

Jɛ faɛn nyɔ̍ ke, se̍ wlùh gbaɛ blě nyɔ̍ ke, ùh-a nu̍-a sììjii̍-ɛ ke, nyɔ̍ gbe̍ja̍a̍ poe nyɔ̍ ke, gbǎn nu̍ nyɔ̍ ke, wù po̍ nyɔ̍ ke, kwɛ̍i̍n gbo̍ᵻ wɛɛ sà nyɔ̍ ke, si̍h tmɔ̌ nyɔ̍ kli̍hgbɛ̍ u̍h-a nɛ la̍-a mu̍ dě pɔ̀nɔ̌ nɛ̍-a pàìbǒ di̍i̍ nu̍. Ɛ̍ bo ɛ̀ nu̍ mɛ̌ɛ-a sɔɔ̌n naɛ.”

Wlɛfeleseɔn 22:15

Sììjii̍ nu̍ nyɔ̍ ke, wù po̍ nyɔ̍ ke, gbǎn nu̍ nyɔ̍ ke, nyɔ̍ gbe̍ja̍a̍ poe nyɔ̍ ke, kwɛ̍i̍n gbo̍ᵻ wɛɛ sà nyɔ̍ ke nyɔ̍ kli̍hgbɛ̍ ùh jbɛɛ-a si̍h tmɔ̌ dɛɛ ma̍u̍-ɛ, u̍h bo ùh-a mu̍ sɔ̀n sie.

Wlɛfeleseɔn 9:17

Dě ǎn se̍ mɔ̌ ja̍ di̍i̍-ɛ, ǐn jě soo̍bliᵻ ke i̍h-a kɛ̍n naɛ nyɔ̍. Nɛ̀ u̍h pa̍ nɛ̍ne̍ɛ̍ wola̍ᵻ nyɔ̍-a wlǎ-a wlì i̍-ɛ, i̍h sàni ka nɛ̍-ɛ, i̍h gbe-e ka sɔɔ̌ gbeu-ɛ. I̍h blě sɔ̌n-a jlǐh ke. Soo̍bliᵻá chɛ̀ i̍h-a dlǔᵻ ke gbòlò-a dlǔ mu̍i we̍, iě nɛ̍ ke daluh ke pɔ̀nɔ̌ sɔ dě i̍h wɔ̍ɔ̍n.