Wlɛfeleseɔn 19:10 - Ku̍o̍ Delee 1999

¹⁰ Wɛ̀ ǐn kà i̍ dǒ ɛ̍ bu̍hᵻ kɛ̍n iě ɛ̍ wɛɛ sà. Jɛ ɛ̍ la̍a̍ dě ǐn we̍, “Bɔ̌ laǎn nu̍-ɛ. Mɔ̍ pòi̍ju ke ka ìn ke ìn de̍di̍i̍ᵻ nu̍-a pòi̍nynuu̍ iě mɔ̀ nu̍-a sàànsi̍i̍h dǒ dɛ̍ Jusu sà-a we̍-ɛɛ, kǎ ǐn nɛ ke. Nyɔsoa bo ìè wɛɛ sà.” Dɛ̍nu̍ɛ, Jusu we̍ tìh i̍ sà-a bo ɛ̀ nu̍ Nyɔsoa-a tu̍owli po̍-ɛ.

Wlɛfeleseɔn 19:10 Iomraidhean Croise

Matio 4:10

Wɛ̀ Jusu la̍a̍ dě ɛ̍ we̍, “Sɔ da̍a ǐn we̍-e Setɔn. Nyɔsoa-a wlu̍ la̍a̍, ‘Sà àn Joi Nyɔsoa wɛɛ, nɛ̀ ɔ̍ nɛ due gbài̍ bo ìè jǔ dbee.’ ”

Pɔ̀n Chɛ̀ Maɛ To-a La 5:22

Iě jɔ̍gbau due ji̍, ɔ̍ nynɛ̌ bo Jaleɔ. Ɔ̍ nu̍ wɛɛ sà gbò wlu̍ i̍ kɔn nyɔ̍-a due. Ɔ̍ jě-a Jusu-ɛ, wɛ̀ ɔ̍ chlìi i̍ dǒ ɔ̍ jǔ.

Pɔ̀n Chɛ̀ Maɛ To-a La 7:25

Dǒ nynɔ̌ due nyna ɔ̍ wɔ̌n ɔ̍ nynɛ̌. Nɛ̀ jeědih nɛ dǒ ɔ̍ jǔ nynɔ̌gbaɔ de̍e̍. Wɛ̀ ɔ̍ ji̍ dǒ Jusu we̍, iě ɔ̍ gbɛ̍n ɔ̍ bu̍hᵻ i̍.

Pɔ̀n Chɛ̀ Luu To-a La 1:19

Wɛ̀ Joi-a ǐnchɔ̀ sà ɔ̍ wlu̍ pɔ̀n we̍, ɛ̍ la̍a̍, “Mɔ̍ Keblɛ, ǐn nyna i̍ dǒ Nyɔsoa jǔ. Ɔ̍ dbo̍ m iě wlu dě ìn we̍, iě ìn pɔ̀n chɛ̀ la wlùh sèàɛ̍.

Pɔ̀n Chɛ̀ Luu To-a La 24:44

Wɛ̀ ɔ̍ la̍a̍ dě u̍h we̍, “Ti̍ mɔ̀ ke ǐn ke à na-aɛ, ìh kɔn taǐn ǐn bla̍-a dě mɔ̀ we̍-ɛ, i̍h bo ìh-a nɛ-a. Na̍ dɛ̍ᵻ kli̍hgbɛ̍ ìh chlǐh-a dě Mose-a telě chlǐh-dɛ̍ᵻ ke, Nyɔsoa-a tu̍owli po̍ nyɔ̍ naɛ ke Duǐh Chlǐh-dɛ̍ di̍i̍-ɛ, i̍h kɔn i̍h iě chɛ̀-ɛ gbǎ.”

Chɔɔn 5:39

Nyɔsoa-a wlu̍ bo mɔ̀-a slè-e wlùh i̍, dɛ̍nu̍ɛ, mɔ̀ jajeɛ̍ dě i̍h di̍i̍ mɔ̀-a mu̍ kmɔ̌ sie feɛ jě-e. I̍h-a chɛ̀ bo ìh nu̍ ǎn sàànsi̍i̍h.

Nu̍-dɛ̍ᵻ 10:43

Nyɔsoa-a tu̍owli po̍ nyɔ̍ kli̍hgbɛ̍ sà ɔ̍ we̍ tìh i̍. U̍h la̍ nyɔ̍ jɔ mu̍-a ɔ̍ wlùh gbaɛ-ɛ, nɛ̀ ɔ̍ gblɛ̍n sɔ̀ɛ̀n-a tìh-a mu̍ i̍ tǎli-ɛ dǒ ɔ̍ nynɛ̌ kɛ̍n.”

Nu̍-dɛ̍ᵻ 13:27

Jɛ Juluslɛn nyɔ̍ ke nyɔ̍ ùh blě-a u̍h-a wlu̍ kwa̍-ɛ, u̍h se̍ Jusu i̍ juo ka ɔ̍ iě-a nyɔ̍ Sèìe Nyɔ̍ nu̍-ɛ. Sɔ Nyɔsoa-a tu̍owli po̍ nyɔ̍-a wlu̍ nyɔ̍ɔ-a slè-a ti̍ kli̍hgbɛ̍ we̍ dǒ wlè-weɛ̍ di̍i̍-ɛ, ɛ̍-ɛ bo u̍h-a po̍ chɛ̀. Ɛ̍ kɔn u̍h sà ɔ̍ kɛ̀n.

2 Kɔwlɛntiɔn 8:7

Ka mɔ̀ sìì-a nyɔ̍ duuh dǒ dɛ̍ᵻ kli̍hgbɛ̍ we̍-ɛ, ɛ̀ nu̍-a wlùh gbaɛ blě-ɛ ke, wlu-ɛ juo-ɛ ke, tɔɔ blě-ɛ ke, nyɔ̍ we̍ gbǎ wlùh blě-ɛ ke, àɔ̀ jbɛɛ ke à pɔ̀n mɔ̀ iě nyɔ̍ sìì dǒ dbo̍ chɛ̀ la nu̍-ɛ we̍ ke.

Ɛfɛsɔ 5:15

Ɛ̍ tìh-ɛ, mɔ̀ tù mɔ̀-a na-a bu̍hᵻ jlǐhɛ̍. Mɔ̀ bɔ̌ na-a ka se̍ di̍i̍ flɔn nyɔ̍-ɛ, jɛ mɔ̀ na di̍i̍ i̍ flɔn dɛ.

Ɛfɛsɔ 5:33

Jɛ ɛ̍ bǎ mɔ̀ i̍ ke. Kɔan jɔ-ɛ, ka ɔ̍ nu̍-a ɔ̍ chɛ̀-ɛ jbɛɛ-ɛ, kǎ ɔ̍ iě ɔ̍ nynɔ̌-ɔ jbɛɛ nu̍ ke. Nɛ̀ nynɔ̌ kɔn ɔ̍ iě ɔ̍ kɔan dɛ̍ɛ̍ jě ke.

Felepai 3:3

Àɔ̀ nɔ̀ɔ̍, àɔ̀ bo à gbǎ plɔ̀n-a gblangbai̍ naɛ, dɛ̍nu̍ɛ, à se̍ plɔ̀n gbǎ dǒ nyi̍ɔ̍-a sɔ̍n we̍. À sà Nyɔsoa wɛɛ dě ɔ̍ Sùù di̍i̍. À nmɔ-ɛ, dɛ̍nu̍ɛ, à nɛ kmɔ̌ dě Jusu Klai ja̍a̍. À se̍ dɛ̍ᵻ à nu̍-a à chɛ̀ pùn-ɛ wlì tè.

1 Tɛsoloniɔn 5:15

Mɔ̀ bɔ̌ wɔ̌n-ɛ nyɔ̍ bɔ̌ dɛ̍ sɔ̀n dɛ̍ sɔ̀n gba̍a̍ sàɛ̀-ɛ. Jɛ mɔ̀ fɔ̀n dɛ̍ we̍ mɔ̀ iě dɛ̍ᵻ chɛ̀ we̍ nui ti̍ kli̍hgbɛ̍ we̍, ɛ̍ ke dǒ nyɔ̍ kli̍hgbɛ̍ we̍ ke.

Iblu 1:14

Ǐnchɔ̀-a chɛ̀ ka i̍h-a tìh nɛ ɛ? I̍h kli̍hgbɛ̍ bo ìh-a dbee Nyɔsoa jǔ. Iě Nyɔsoa dbo̍ i̍h, i̍h iě nyɔ̍ ɔ̍ mu̍-a pǔh-iɛ we̍ gbǎ.

Iblu 12:25

Mɔ̀ nu̍ ɛ̍ Nyɔsoa ɔ̀ wlu-a dě mɔ̀ we̍-ɛ, wɛ̀ mɔ̀ɔ̍ je̍e ɔ̍ dounᵻ i̍ sà. Dɛ̍nu̍ɛ, Eslɔɛ nyɔ̍ ùh sà-a ɔ̍ slɛ̌n tù wlu̍ dounᵻ i̍ nɔ̌ bloɔ̍-ɛ, u̍h se̍-o tàn. Nɛ̀ ɔ̍ slɛ̌n tù wlu̍ sɔ-a dě ja̍i̍wlɔ̀-ɛ, pò à sà ɛ̍ dounᵻ i̍-ɛ, nɛ̀ ka à mu̍-o tàn-a nu̍ ɛ?

1 Chɔɔn 5:10

Nɛ̀ɛ̍, nyɔ̍ ɔ̀ gbaɛ-a Nyɔsoa-a Jǔ wlùh-ɛ, nɛ̀ ɔ̍-ɔ bo ɔ̀ po̍ dɛ̍ Nyɔsoa dǎ-a tìh chɛ̀. Jɛ nyɔ̍ ɔ̀ se̍-a Nyɔsoa tìh chɛ̀ po̍-ɛ, nɛ̀ ɔ̍ jě ɔ̍ si̍h-i. Dɛ̍nu̍ɛ, nɛ̀ sàànsi̍i̍h Nyɔsoa nu̍-a dǒ ɔ̍ Jǔ we̍-ɛ, ɛ̍ bo ɔ̍ se̍ tìh chɛ̀ po̍.

1 Chɔɔn 5:21

Ǎn nynuu̍, mɔ̀ sà kwɛ̍i̍n gbo̍ᵻ dɛ sɔ̍n di̍i̍.

Wlɛfeleseɔn 1:1

Chlǐh-dɛ̍ la bo ɛ̀ sà dɛ̍ᵻ ìh kɔn ìh iě-a nɛ suei̍-ɛ i̍h-a tìh i̍. I̍h bo Nyɔsoa sà tà dě Jusu Klai we̍ ɔ̍ iě i̍h ɔ̍ pòi̍nynuu̍ i̍ to. Klai dbo̍ ɔ̍ ǐnchɔ̀ dě ɔ̍ pòi̍ju Chɔɔn we̍, iě ɛ̍ sèàɛ̍ ɔ̍ wlùh.

Wlɛfeleseɔn 1:9

Mɔ̍ Chɔɔn la, mɔ̀ ke ǐn ke à ji̍ de̍di̍i̍. Mɔ̀ ke ǐn ke à gbaɛ Jusu wlùh, ɛ̍ kɔn à sàɛ̀ jua̍i̍ iě à kɔn dǒ ɔ̍ kmɔ̌ wlu̍ i̍ kɔn-ɛ we̍. Wɛ̀ à gbɛ̍n wlùh i̍ à ku̍-e klì i̍. Ǎn bla̍ Nyɔsoa tìh ɛ̍ ke gblangbai̍ Jusu sà-ɛ ke. Ɛ̍ kɔn mɔ̍ bo u̍h po̍ nɔ̌ tbǒ la u̍h-a dǎɛ-a Pamɔ-ɛ kɛ̍n.

Wlɛfeleseɔn 12:11

À de̍di̍i̍ᵻ du̍ ɛ̍ wɛ̀ dǒ Blawɛ̌ Jǔ-a nymɔ̍ ke tìh-a taǐn tu̍owli u̍h po̍-a we̍. Iě u̍h sà u̍h-a feɛ kwlǎ u̍h iě mɛ̌.

Wlɛfeleseɔn 12:17

Wɛ̀ dɔ̍sɛ gbǎ-ɛ nynɔ̌ jlu̍h-u, iě ɛ̍ mu̍ ɔ̍ tloemlai tu̍h we̍ pa̍-ɛ la̍, ùh gbɛ̍n-a Nyɔsoa-a telě ke Jusu-a gblangbai̍ wlu̍ i̍-ɛ.

Wlɛfeleseɔn 14:7

Iě ɛ̍ we̍le, ɛ̍ la̍a̍, “Mɔ̀ tè Nyɔsoa ja̍, nɛ̀ mɔ̀ bɛ̌-ɛ ɔ̍ nynɛ̌ i̍, dɛ̍nu̍ɛ, ti̍ nyni̍ wɛ̀ ɔ̍ iě nyɔ̍ kli̍hgbɛ̍-a taɔ pa̍. Mɔ̀ sà ɔ̍ wɛɛ. Ɔ̍-ɔ bo ɔ̀ nu̍ bloa̍ ke, ja̍i̍wlɔ̀ ke, jbǒ ke kao̍dluᵻ.”

Wlɛfeleseɔn 15:4

Joi, nyɔ̍ kli̍hgbɛ̍-a mu̍ ìn ja̍ tè, u̍h iě àn nynɛ̌ i̍ bɛ̌-ɛ. Dɛ̍nu̍ɛ, ìn nɛ due bo ɔ̀ wɛ̀ nɛi̍. Bloa̍ kli̍hgbɛ̍-a mu̍ ji̍, wɛ̀ u̍h iě ìn wɛɛ sà. Dɛ̍nu̍ɛ, nyɔ̍ kli̍hgbɛ̍ jě ɛ̍ wɛ̀ ka àn nu̍-dɛ̍ᵻ slɛ̌-a i̍-ɛ.”

Wlɛfeleseɔn 19:9

Wɛ̀ ǐnchɔ̀ la̍a̍ dě ǐn we̍, “Chlǐh ɛ̀ la. Nyɔ̍ ùh dǎ-ɛa dǒ Blawɛ̌ Jǔ-a nynɔ̌ peě kɛ̍n-ɛ, nɛ̀ u̍h nmɔ i̍.” Iě ɛ̍ la̍a̍ dɛ, “Ìh la̍ Nyɔsoa-a tìh-a taǐn tu̍owli bo.”

Wlɛfeleseɔn 4:10

nɛ̀ nyɔ̍ klaaᵻá kwela sɔɔ̌n jɔ̌ nyìɛ̍ laa̍ u̍h kèàɛ i̍ dǒ ɔ̀ tè-a i̍ dǒ nynɛ̌ gbalǎ kɛ̍n-ɛ jǔ, ɔ̀ se̍-a mɛ̌ la̍ kɔn-ɛ. Iě u̍h-a sà ɔ̍ wɛɛ. Wɛ̀ u̍h-a pɛ̌n-ɛ u̍h-a blawɛ̌ᵻ i̍ dǒ nynɛ̌ gbalǎ jǔ. Nɛ̀ u̍h la̍a̍,