Wlɛfeleseɔn 18:9 - Ku̍o̍ Delee 1999

⁹ Blǔh baaᵻ nɛ-a da̍a kmɔ̌ we̍ ùh ke ɔ̍ nu̍-a gbǎn ke dɛ̍ᵻ sɔ̀nᵻɛ́, nɛ̍ ɛ̀ mu̍-a ɔ̍ fɔ̍n-ɛ, pò u̍h jě ɛ̍ daluh-ɛ, nɛ̀ u̍h-a mu̍ we̍le u̍h iě fìn.

Wlɛfeleseɔn 18:9 Iomraidhean Croise

1 Timote 5:11

Jɛ tèwànynɔ̌ ɔ̀ nu̍-a nynɔ̌gbau gbèlà-ɛ, bɔ̌ ɔ̍ nynɛ̌ dě kòo po̍-ɛ. Dɛ̍nu̍ɛ, pò jla̍ tǐn dɛ gbǎ dě ɔ̍ di̍i̍-ɛ, nɛ̀ ɔ̍ poe Klai nɔ̀ɔ̍ kɛ̍n i̍ wɛ̀ sǔh.

Wlɛfeleseɔn 14:11

Nɛ̀ u̍h-a jua̍i̍ sàɛ̀ nɛ̍-a daluh-a mu̍ ja̍i̍ mu̍ te̍e̍ kleǐn. U̍h-u bo ùh nu̍-a nyɔ̍ ùh-a sà-a nmi̍ɛ̍ ke ɛ̍ mɛ̍-dɛ̍ wɛɛ, iě u̍h blě ɛ̍ nynɛ̌-a juola ke. U̍h-u bo ùh se̍-a feɛ i̍ jě mu̍ wlù ke sɔ̀n.”

Wlɛfeleseɔn 17:2

Ɔ̍ ke kmɔ̌-a blǔh baaᵻ nu̍ gbǎn. Wɛ̀ ɛ̍ nu̍ ɛ̍ iě kmɔ̌ nyɔ̍ kli̍hgbɛ̍ nɛ sɔ̀ìà-a dǒ ɔ̍ pùn ka nmɔ̍-a nu̍ nyɔ̍-ɛ.”

Wlɛfeleseɔn 18:18

Nɛ̀ pò u̍h jě ɔ̍ si̍n-i nɛ̍-a daluh-ɛ, wɛ̀ u̍h iě we̍le. Nɛ̀ u̍h-a mu̍ ka dǎ, “Tùgbàwlɔ̀ dɛɛ se̍ nɛ ɔ̍ ke tùgbàwlɔ̀ la ɔ̀ ku̍-a wɔ̍n-ɛ iě wɔ̀ɛ.”

Wlɛfeleseɔn 18:20

Ja̍i̍wlɔ̀, nmɔ dǒ ɔ̍-ɔ gbɔ̀lɔ-ɛ we̍. Nyɔsoa-a nyɔ̍ ke, ɔ̍ tu̍owli po̍ nyɔ̍ ke, Klai-a gba̍tòà, mɔ̀ nu̍ mɔna̍ ke o. Dɛ̍nu̍ɛ, Nyɔsoa gbɛ̍n ɔ̍ kàn wɛ̀ dǒ dɛ̍ ɔ̍ nu̍-a mɔ̀ pùn-ɛ we̍ o.

Wlɛfeleseɔn 18:3

Dɛ̍nu̍ɛ, ɔ̍ nu̍ ɛ̍ iě bloa̍ kli̍hgbɛ̍ nu̍ gbǎn ka nyɔ̍ sìèè nyɔ̍-a chɛ̀ wɔ̍n kma nmɔ̍ wlì-ɛ. Ɔ̍ ke kmɔ̌-a blǔh baaᵻ nu̍ gbǎn. Wɛ̀ kmɔ̌-a pɛlǔh po̍ nyɔ̍ kli̍hgbɛ̍ pàn ka dǒ ɔ̍ dɛ̍ᵻ sɔ̀nᵻ nu̍-ɛ we̍.”

Wlɛfeleseɔn 18:7

Ka ɔ̍ bɛ̌-ɛa ɔ̍ chɛ̀ i̍ iě ɔ̍ naɛ-a dě kmɔ̌-a gbà ja̍-ɛ, kǎ mɔ̀ iě ɔ̍ jua̍i̍ sàɛ̀ ke sùàɛ̀n pa̍-a we̍ ja-a nu̍ ke. Dɛ̍nu̍ɛ, ɔ̍ chɛ̍n ko̍o̍, ɔ̍ la̍a̍, ‘Mɔ̍ la ǐn kɔn bloa̍ wlu̍ i̍. Ǐn se̍ tèwànynɔ̌, sùàɛ̀n pa̍-a se̍ gba̍ ǐn we̍ ji̍.’

Wlɛfeleseɔn 19:3

Wɛ̀ u̍h sà slɛ̀ wɔ̍n dɛ, u̍h la̍a̍, “Po̍ Nyɔsoa tìhwe̍. Nɛ̍ ɛ̀ fɔ̍n-a wlɔ̀ klaa laa̍-ɛ, ɛ̍ daluh-a mu̍ ja̍i̍ mu̍ nɔ̌ kmɔ̌-a kmɔ̌.”

Wlɛfeleseɔn 2:22

Ɛ̍ tìh-ɛ, ǎn mu̍ ɔ̍ dǒ wɛ̌ bèe̍ kɛ̍n po̍, wɛ̀ nyɔ̍ ke ɔ̍ nu̍-a nynɛ̌à-aɛ, u̍h iě jua̍i̍ sàɛ̀ dɛ̍blɔ. Jɛ pò u̍h bǐi i̍-ɛ, nɛ̀ ɛ̍ kɔn tɛ̀ ǐn sà-o.