Wlɛfeleseɔn 18:8 - Ku̍o̍ Delee 1999

⁸ Ɛ̍ kɔn wlɔ̀ la dlǐ dɛ̍ᵻá mu̍ ɔ̍ we̍ ji̍ dǒ weɛ̍ due di̍i̍. I̍h-i bo ìh nu̍-a wɛ̌ᵻ ke sùàɛ̀n pa̍-a ke mɔ̌-a gbǎ-a. Nɛ̍-a mu̍ ɔ̍ fɔ̍n, dɛ̍nu̍ɛ, Joi Nyɔsoa ɔ̀ sà-a ɔ̍ kɛ̀n-ɛ, ɔ̍ blě gbǐh.”

Wlɛfeleseɔn 18:8 Iomraidhean Croise

1 Kɔwlɛntiɔn 10:22

Mɔ̀-a pɔ̀n à iě-o Joi-a jlu̍h duǐh tù ae? À kmu i̍ à sìì ɔ̍ ae?

Wlɛfeleseɔn 11:17

U̍h la̍a̍, “À po̍ ìn tlɔ̌ Joi Nyɔsoa, mɔ̀ Ɔ̀ Blě-a Gbǐh Kli̍hgbɛ̍-ɛ, mɔ̀ ɔ̀ nɛ-a, ɔ̀ nɛ-a kmɔ̌ se̍e̍-ɛ. Ìn dǔ àn wɔ̍n ku̍ gbǐh i̍, wɛ̀ àn tè ka nyɔ̍-a wlu̍ kwa̍ blě-ɛ gbɔ̀.

Wlɛfeleseɔn 17:16

Gbɔ̀nᵻ pùè ìn jě-aɛ, i̍h ke nmi̍ɛ̍-a mu̍ kàìà nynɔ̌ laa̍ faɛn. I̍h-a mu̍ ɔ̍ kɔn-dɛ̍ᵻ kli̍hgbɛ̍ kwa̍a̍ i̍ sà, wɛ̀ i̍h iě ɔ̍ gbaǎn chɛn-ɛ. I̍h-a mu̍ ɔ̍ plǎᵻ di̍, wɛ̀ i̍h iě ɔ̍ jih sie-a dǒ de̍-ɛ gbɔ̀lɔ dě nɛ̍-ɛ.

Wlɛfeleseɔn 17:18

“Nynɔ̌ ìn jě-aɛ, tùgbàwlɔ̀ klaa ɛ̀ blě-a blǔh baaᵻ nɛ-a nɔ̌ kmɔ̌-ɛ u̍h-a wlu̍ kwa̍-ɛ bo.”

Wlɛfeleseɔn 18:17

Pàn-dɛ̍ᵻ kli̍hgbɛ̍ la bo gba̍i̍gba̍ se̍ gba̍i̍ bla̍ wɛ̀ i̍h mǎ ka.” Niɔ̍ mɛɛ̍ᵻá chapeᵻ ke, wìèlè mu̍ nyɔ̍ ke, mɛɛ̍-a dbo̍ we̍ nui nyɔ̍ ke, jbǒ kɛ̍n pɛlǔh po̍-e nyɔ̍ ke u̍h-a mu̍ nya̍ nyna-ɛ.

Wlɛfeleseɔn 18:19

U̍h-a mu̍ fìn, u̍h iě sùàɛ̀n pa̍, wɛ̀ u̍h iě blǔh dlǔ po̍. Nɛ̀ u̍h-a mu̍ ka dǎ, “Chlě dǒ tùgbàwlɔ̀ la ɔ̀ ku̍-a wɔ̍n-ɛ we̍, ɔ̀ kɔn di̍i̍ niɔ̍ mɛɛ̍ᵻ blě nyɔ̍ kli̍hgbɛ̍-a sà-a pàn-a de dǒ ɔ̍ pàn-dɛ̍ᵻ we̍-ɛ. Ɔ̍ bo gba̍i̍gba̍ se̍ gba̍i̍ bla̍ ɔ̀ wa̍ wɛ̀.”

Wlɛfeleseɔn 19:3

Wɛ̀ u̍h sà slɛ̀ wɔ̍n dɛ, u̍h la̍a̍, “Po̍ Nyɔsoa tìhwe̍. Nɛ̍ ɛ̀ fɔ̍n-a wlɔ̀ klaa laa̍-ɛ, ɛ̍ daluh-a mu̍ ja̍i̍ mu̍ nɔ̌ kmɔ̌-a kmɔ̌.”