Wlɛfeleseɔn 18:3 - Ku̍o̍ Delee 1999

³ Dɛ̍nu̍ɛ, ɔ̍ nu̍ ɛ̍ iě bloa̍ kli̍hgbɛ̍ nu̍ gbǎn ka nyɔ̍ sìèè nyɔ̍-a chɛ̀ wɔ̍n kma nmɔ̍ wlì-ɛ. Ɔ̍ ke kmɔ̌-a blǔh baaᵻ nu̍ gbǎn. Wɛ̀ kmɔ̌-a pɛlǔh po̍ nyɔ̍ kli̍hgbɛ̍ pàn ka dǒ ɔ̍ dɛ̍ᵻ sɔ̀nᵻ nu̍-ɛ we̍.”

Wlɛfeleseɔn 18:3 Iomraidhean Croise

Pɔ̀n Chɛ̀ Luu To-a La 7:25

Dɛ̍ mɔ̀ mu̍ i̍ jě la̍ ɛ? Mɔ̀ mu̍ jlii̍ chɛ̀-ɛ pa̍ nyɔ̍ i̍ jě la̍ ae? Iěe, nyɔ̍ ùh-a pa̍-a jlii̍ kaɛn la iě u̍h-a nu̍-a kmɔ̌ chɛ̀-ɛ, nɛ̀ dě blǔh baa blǐ gbò bo u̍h-a nɛ.

1 Timote 5:11

Jɛ tèwànynɔ̌ ɔ̀ nu̍-a nynɔ̌gbau gbèlà-ɛ, bɔ̌ ɔ̍ nynɛ̌ dě kòo po̍-ɛ. Dɛ̍nu̍ɛ, pò jla̍ tǐn dɛ gbǎ dě ɔ̍ di̍i̍-ɛ, nɛ̀ ɔ̍ poe Klai nɔ̀ɔ̍ kɛ̍n i̍ wɛ̀ sǔh.

Wlɛfeleseɔn 14:8

Wɛ̀ ǐnchɔ̀ dɛɛ ɛ̀ po̍-a sɔɔ̌n-ɛ, ɛ̍ tba̍ dǒ sàì naɛ de̍e̍. Iě ɛ̍ la̍a̍, “Babeloun wlɔ̀ wa̍ wɛ̀. Ɛ̀ ku̍-a wɔ̍n de-ɛ, ɛ̍ wa̍ wɛ̀. Ɛ̍ nu̍ ɛ̍ iě bloa̍ kli̍hgbɛ̍ nu̍ gbǎn ka nyɔ̍ sìèè nyɔ̍-a chɛ̀ wɔ̍n kma nmɔ̍ wlì-ɛ.”

Wlɛfeleseɔn 17:2

Ɔ̍ ke kmɔ̌-a blǔh baaᵻ nu̍ gbǎn. Wɛ̀ ɛ̍ nu̍ ɛ̍ iě kmɔ̌ nyɔ̍ kli̍hgbɛ̍ nɛ sɔ̀ìà-a dǒ ɔ̍ pùn ka nmɔ̍-a nu̍ nyɔ̍-ɛ.”

Wlɛfeleseɔn 18:19

U̍h-a mu̍ fìn, u̍h iě sùàɛ̀n pa̍, wɛ̀ u̍h iě blǔh dlǔ po̍. Nɛ̀ u̍h-a mu̍ ka dǎ, “Chlě dǒ tùgbàwlɔ̀ la ɔ̀ ku̍-a wɔ̍n-ɛ we̍, ɔ̀ kɔn di̍i̍ niɔ̍ mɛɛ̍ᵻ blě nyɔ̍ kli̍hgbɛ̍-a sà-a pàn-a de dǒ ɔ̍ pàn-dɛ̍ᵻ we̍-ɛ. Ɔ̍ bo gba̍i̍gba̍ se̍ gba̍i̍ bla̍ ɔ̀ wa̍ wɛ̀.”

Wlɛfeleseɔn 18:23

Chlǎn nape̍-a sɔ̀npli se̍ gba̍ fa̍n dɛ dǒ ìn di̍i̍. Nynɔ̌ delee ke kɔan delee-a wlu̍ se̍ gba̍ wɔ̌n-ɛ mu̍ dɛ dǒ ìn di̍i̍. Àn pɛlǔh po̍ nyɔ̍ bo ùh ku̍ wɔ̍n de nɔ̌ kmɔ̌ kli̍hgbɛ̍ la we̍, wɛ̀ àn wù po̍-ɛ boe bloa̍ kli̍hgbɛ̍ i̍.”

Wlɛfeleseɔn 18:7

Ka ɔ̍ bɛ̌-ɛa ɔ̍ chɛ̀ i̍ iě ɔ̍ naɛ-a dě kmɔ̌-a gbà ja̍-ɛ, kǎ mɔ̀ iě ɔ̍ jua̍i̍ sàɛ̀ ke sùàɛ̀n pa̍-a we̍ ja-a nu̍ ke. Dɛ̍nu̍ɛ, ɔ̍ chɛ̍n ko̍o̍, ɔ̍ la̍a̍, ‘Mɔ̍ la ǐn kɔn bloa̍ wlu̍ i̍. Ǐn se̍ tèwànynɔ̌, sùàɛ̀n pa̍-a se̍ gba̍ ǐn we̍ ji̍.’

Wlɛfeleseɔn 18:9

Blǔh baaᵻ nɛ-a da̍a kmɔ̌ we̍ ùh ke ɔ̍ nu̍-a gbǎn ke dɛ̍ᵻ sɔ̀nᵻɛ́, nɛ̍ ɛ̀ mu̍-a ɔ̍ fɔ̍n-ɛ, pò u̍h jě ɛ̍ daluh-ɛ, nɛ̀ u̍h-a mu̍ we̍le u̍h iě fìn.