Wlɛfeleseɔn 18:24 - Ku̍o̍ Delee 1999

²⁴ Dǒ ɔ̍ di̍i̍ bo Nyɔsoa-a nyɔ̍ ke ɔ̍ tu̍owli po̍ nyɔ̍-a nymɔ̍ wlǎ-ɛ i̍, ɛ̍ ke nyɔ̍ kli̍hgbɛ̍ ùh dbǎ-ɛa da̍a kmɔ̌ we̍-ɛ ke.

Wlɛfeleseɔn 18:24 Iomraidhean Croise

Matio 23:27

“Mɔ̀ɔ̍ telě nǎ poe nyɔ̍ ke Fɛlesii nyɔ̍ la, chlě dǒ mɔ̀ we̍. Mɔ̀ nɛ mɛɔ sɔɔ̌n wɔ̍ɔ̍n. Mɔ̀ wɔ̀ gbàlɔ̍ᵻ ìh u̍h po̍-a pɛ̍ntɛ̍n plǔ-ɛ. Nɔ̌ i̍h-a sɔ̀n ka nɛ maloo, jɛ nɛ̀ nyɔ̍ gbǎᵻ ke chai̍n-a sǔh jǐ dě i̍h di̍i̍.

Matio 23:35

Ka ɛ̍ nɛ-a ka-ɛ, i̍ slɛ̌-nyɔ̍ ùh kɔn nymɔ̍ wlǎ-a i̍ nɔ̌ bloɔ̍-ɛ, ɛ̀ sɔ-a dě i̍ slɛ̌-nyɔ̍ Ebɛ we̍ wɛ̀ ɛ̍ iě-a Bɛwlekaɛ-a jǔ Sɛɛkewlaɛɔ jɛɛ-ɛ, ɔ̀ mɔ̀ poe-a gbe̍ja̍a̍ dǒ gblǒ ke Nyɔsoa-a slaǎ sà gbò nynɛ̌ we̍-ɛ, u̍h-a tìh-a mu̍ dǒ mɔ̀ dlǔ i̍ tè.

Nu̍-dɛ̍ᵻ 7:52

Nyɔsoa-a tu̍owli po̍ nyɔ̍ jɔwe̍ bo mɔ̀ baaᵻ se̍ klě jě-e ɛ? Kǎ u̍h nu̍ tɛin wɛ̀ ùh po̍-a gbànwli I̍ Slɛ̌ Nyɔ̍-a ji̍-i tìh-ɛ, iě u̍h dbǎ u̍h. Ɔ̍ chɛ̀ bo mɔ̀ sà-a kwlǎ, iě mɔ̀ poe-a gbe̍ja̍a̍.

1 Tɛsoloniɔn 2:15

Juu nyɔ̍ bo ùh dbǎ Joi Jusu, ɛ̍ ke Nyɔsoa-a tu̍owli po̍ nyɔ̍ ke, iě u̍h nu̍ à i̍. U̍h-a nu̍-dɛ̍ se̍ Nyɔsoa gbǐh po̍, iě u̍h tba̍-ɛ nyɔ̍ kli̍hgbɛ̍ bu̍hᵻ i̍.

Wlɛfeleseɔn 11:7

Pò u̍h wɔ̀ u̍h-a tu̍owli po̍-ɛɛ, nɛ̀ nmi̍ɛ̍ ɛ̀ sɔ-a dě kàn biě laa̍ di̍i̍-ɛ, ɛ̍ mu̍ u̍h tu̍h we̍ pa̍-ɛ. Nɛ̀ ɛ̍ mu̍ u̍h klà sà, ɛ̍ iě u̍h dbǎ.

Wlɛfeleseɔn 16:6

U̍h wlǎ àn nyɔ̍ ke àn tu̍owli po̍ nyɔ̍-a nymɔ̍ i̍. Ɛ̍ kɔn ìn nyǐ u̍h nymɔ̍ u̍h iě nǎ. Dɛ̍ ɛ̀ blaɛ-a i̍ ɛ̀ iě-a u̍h pùn nɛ-ɛ, ɛ̍ nɛ u̍h jii̍ wɛ̀.”

Wlɛfeleseɔn 17:6

Nyɔsoa nyɔ̍ ùh dbǎ-ɛa Jusu-a tìh i̍ sà tìh-ɛ, ǐn jě nynɔ̌-a chɛ̀, nɛ̀ ɔ̍ nǎ u̍h-a nymɔ̍, iě ɛ̍ sìèè ɔ̍ wlì. Ǐn jě-a ɔ̍-ɛ, sɔ ɛ̍ flɔn-ɛ ǐn wɔ̍n kaa̍.

Wlɛfeleseɔn 19:2

Ɔ̍ nyɔ̍ kàn gbɛ̍n-ɛ slɛ̌ i̍ iě ɛ̍ nu̍ tìh-a taǐn. Kàìà nynɔ̌ klaa ɔ̀ nyni-a bloa̍ jii̍ dǒ ɔ̍ gbǎn nu̍-ɛ we̍-ɛ, ɔ̍ sà ɔ̍ kɛ̀n wɛ̀. Nyɔsoa gbɛ̍n ɔ̍ kàn wɛ̀, dɛ̍nu̍ɛ, ɔ̍ dbǎ ɔ̍ pòi̍nynuu̍.”