Wlɛfeleseɔn 18:19 - Ku̍o̍ Delee 1999

¹⁹ U̍h-a mu̍ fìn, u̍h iě sùàɛ̀n pa̍, wɛ̀ u̍h iě blǔh dlǔ po̍. Nɛ̀ u̍h-a mu̍ ka dǎ, “Chlě dǒ tùgbàwlɔ̀ la ɔ̀ ku̍-a wɔ̍n-ɛ we̍, ɔ̀ kɔn di̍i̍ niɔ̍ mɛɛ̍ᵻ blě nyɔ̍ kli̍hgbɛ̍-a sà-a pàn-a de dǒ ɔ̍ pàn-dɛ̍ᵻ we̍-ɛ. Ɔ̍ bo gba̍i̍gba̍ se̍ gba̍i̍ bla̍ ɔ̀ wa̍ wɛ̀.”

Wlɛfeleseɔn 18:19 Iomraidhean Croise

Wlɛfeleseɔn 17:16

Gbɔ̀nᵻ pùè ìn jě-aɛ, i̍h ke nmi̍ɛ̍-a mu̍ kàìà nynɔ̌ laa̍ faɛn. I̍h-a mu̍ ɔ̍ kɔn-dɛ̍ᵻ kli̍hgbɛ̍ kwa̍a̍ i̍ sà, wɛ̀ i̍h iě ɔ̍ gbaǎn chɛn-ɛ. I̍h-a mu̍ ɔ̍ plǎᵻ di̍, wɛ̀ i̍h iě ɔ̍ jih sie-a dǒ de̍-ɛ gbɔ̀lɔ dě nɛ̍-ɛ.

Wlɛfeleseɔn 18:10

U̍h-a mu̍ nya̍ nyna-ɛ, dɛ̍nu̍ɛ, u̍h se̍ pɔ̀n u̍h iě jua̍i̍ sàɛ̀ ke. Wɛ̀ u̍h iě ka dǎ, “Chlě dǒ ìn we̍ Babeloun wlɔ̀. Mɔ̀ ɔ̀ nu̍-a tùgbàwlɔ̀ ɔ̀ ku̍-a wɔ̍n iě ɔ̀ kɔn-a gbǐh-ɛ, mɔ̀ bo gba̍i̍gba̍ se̍ gba̍i̍ bla̍ sǔh wɛ̀ ɔ̀ gbɛ̍n-ɛ kàn ae?”

Wlɛfeleseɔn 18:3

Dɛ̍nu̍ɛ, ɔ̍ nu̍ ɛ̍ iě bloa̍ kli̍hgbɛ̍ nu̍ gbǎn ka nyɔ̍ sìèè nyɔ̍-a chɛ̀ wɔ̍n kma nmɔ̍ wlì-ɛ. Ɔ̍ ke kmɔ̌-a blǔh baaᵻ nu̍ gbǎn. Wɛ̀ kmɔ̌-a pɛlǔh po̍ nyɔ̍ kli̍hgbɛ̍ pàn ka dǒ ɔ̍ dɛ̍ᵻ sɔ̀nᵻ nu̍-ɛ we̍.”

Wlɛfeleseɔn 18:8

Ɛ̍ kɔn wlɔ̀ la dlǐ dɛ̍ᵻá mu̍ ɔ̍ we̍ ji̍ dǒ weɛ̍ due di̍i̍. I̍h-i bo ìh nu̍-a wɛ̌ᵻ ke sùàɛ̀n pa̍-a ke mɔ̌-a gbǎ-a. Nɛ̍-a mu̍ ɔ̍ fɔ̍n, dɛ̍nu̍ɛ, Joi Nyɔsoa ɔ̀ sà-a ɔ̍ kɛ̀n-ɛ, ɔ̍ blě gbǐh.”