Wlɛfeleseɔn 18:15 - Ku̍o̍ Delee 1999

¹⁵ Pɛlǔh po̍ nyɔ̍ ùh jě-a tùgbàwlɔ̀ laa̍ dɛ̍ we̍-ɛ, u̍h-a mu̍ nya̍ nyna-ɛ, dɛ̍nu̍ɛ, u̍h se̍ pɔ̀n u̍h iě jua̍i̍ sàɛ̀ ke. U̍h-a mu̍ fìn u̍h iě sùàɛ̀n pa̍.

Wlɛfeleseɔn 18:15 Iomraidhean Croise

Pɔ̀n Chɛ̀ Maɛ To-a La 11:17

Ti̍ ɔ̍ po̍-a nyɔ̍ nǎ-aɛ, wɛ̀ ɔ̍ la̍a̍, “Ɛ̍ chlǐh-ɛ dě Nyɔsoa-a wlu̍ di̍i̍. Nyɔsoa la̍a̍, ‘Ǎn gbò kɔn ɛ̍ iě bloa̍ kli̍hgbɛ̍-a ba̍le gbò nu̍.’ Jɛ mɔ̀-a nui ɛ̍ jlǐ-nyɔ̍-a tè la̍ we̍i̍.”

Nu̍-dɛ̍ᵻ 16:19

Sɔ dɛ̍ ɔ̍ kɔn-nyɔ̍ iě-a wliɛ̍ i̍ jěe dɛ-ɛ, ɛ̍ se̍ nɛ. Ɛ̍ bo u̍h juo i̍ wɛ̀ u̍h gbɛ̍n Pɔɔ ke Sale. Iě u̍h blě u̍h i̍ klǎ-a u̍h gba̍ u̍h dě wlɔ̀gbàɛ̀, u̍h ke tùn blě nyɔ̍ iě jua̍i̍ jiěe.

Wlɛfeleseɔn 18:12

U̍h-a blewi̍h nu̍-a kòo̍ ke, sebla̍ ke, sɔɔ̌ᵻ maloo ke, wli̍h ke, flɛmɛ̍ jlii̍ ke, jlii̍ ìh gbǎ-a dɛ̍kɛ̍n-ɛ ke, nɔ̌ chɛ̀ tu̍ᵻ kaɛn kaɛn ke nyɔ̍ se̍ i̍h tɛ̀n. U̍h-a dɛ̍ᵻ ìh nui-a do̍ɛ̍ᵻ nynɛ̌-ɛ ke, tu̍ᵻ pɔ̌ᵻ ìh gbǎ-a dɛ̍kɛ̍n-ɛ ke, tìɛ̀nᵻ ke, nɛ̍ne̍ɛ̍ᵻ ke gbɔ̀plu̍ sɔɔ̌ᵻ u̍h-a ple̍-aɛ, nyɔ̍ se̍ i̍h tɛ̀n ke.

Wlɛfeleseɔn 18:13

Ɛ̍ ke smǎ chɛn-ɛ dɛ̍ᵻ ke, fɔ̍n-ɔ nɔ̌-dɛ̍ᵻ ke, chò ke, sùè chlǎn ke, nmɔ̍ ke, chlǎn ke, kwǐ kɛnɛ̌ ke blèe̍ pèbèè chɛ̀ ke, ɛ̍ ke bliᵻ ke, blawɛ̌ᵻ ke, soo̍bliᵻ ke kɛ̍n naɛdɛ̍ᵻ nɛ-a dǒ i̍h gbɔ̀ i̍-ɛ ke kèi̍ᵻ ke, nyɔ̍ duuh ke u̍h-a ple̍-dɛ̍ᵻ bo kli̍hgbɛ̍.

Wlɛfeleseɔn 18:14

Wɛ̀ pɛlǔh po̍ nyɔ̍ la̍a̍ dě ɔ̍ we̍, “Dɛ̍ᵻ chɛ̀ kli̍hgbɛ̍ ìn gble-a iě ìn blě-aɛ, i̍h sɔ ìn kwa̍a̍ wɛ̀ wa. Àn pàn-a ke àn kmɔ̌ we̍ dɛ̍ᵻ kli̍hgbɛ̍ mǎ wɛ̀. Ìn se̍ i̍h de̍ jě mu̍ dɛ kleǐnklein.”

Wlɛfeleseɔn 18:19

U̍h-a mu̍ fìn, u̍h iě sùàɛ̀n pa̍, wɛ̀ u̍h iě blǔh dlǔ po̍. Nɛ̀ u̍h-a mu̍ ka dǎ, “Chlě dǒ tùgbàwlɔ̀ la ɔ̀ ku̍-a wɔ̍n-ɛ we̍, ɔ̀ kɔn di̍i̍ niɔ̍ mɛɛ̍ᵻ blě nyɔ̍ kli̍hgbɛ̍-a sà-a pàn-a de dǒ ɔ̍ pàn-dɛ̍ᵻ we̍-ɛ. Ɔ̍ bo gba̍i̍gba̍ se̍ gba̍i̍ bla̍ ɔ̀ wa̍ wɛ̀.”

Wlɛfeleseɔn 18:3

Dɛ̍nu̍ɛ, ɔ̍ nu̍ ɛ̍ iě bloa̍ kli̍hgbɛ̍ nu̍ gbǎn ka nyɔ̍ sìèè nyɔ̍-a chɛ̀ wɔ̍n kma nmɔ̍ wlì-ɛ. Ɔ̍ ke kmɔ̌-a blǔh baaᵻ nu̍ gbǎn. Wɛ̀ kmɔ̌-a pɛlǔh po̍ nyɔ̍ kli̍hgbɛ̍ pàn ka dǒ ɔ̍ dɛ̍ᵻ sɔ̀nᵻ nu̍-ɛ we̍.”