Wlɛfeleseɔn 18:11 - Ku̍o̍ Delee 1999

¹¹ Kmɔ̌ la ɛ̍ pɛlǔh po̍ nyɔ̍-a mu̍ fìn u̍h iě sùàɛ̀n pa̍, dɛ̍nu̍ɛ, nyɔ̍ se̍ nɛ u̍h iě u̍h-a blewi̍h tɛ̀n dɛ fu̍u̍.

Wlɛfeleseɔn 18:11 Iomraidhean Croise

Matio 22:5

Jɛ u̍h se̍ ɔ̍ pòi̍nynuu̍ dounᵻ we̍ po̍. Tà jɔ kɔn-ɛ, nɛ̀ ɔ̍ mu̍-o. Due mu̍ dě ɔ̍ blǐ klè, dɔɔ mu̍ dě ɔ̍ dɛ̍ ple̍ gbò sɔ̀n.

Chɔɔn 2:16

Wɛ̀ ɔ̍ la̍a̍ dě pawo̍o̍ᵻ ple̍-nyɔ̍ we̍, “Mɔ̀ sà ìh la da̍a, mɔ̀ bɔ̌ ǐn Baa-a gbò dɔɔ̌ gbò we̍i̍ nu̍-ɛ.”

2 Pitɛ 2:3

Nǎ po̍ nyɔ̍-a si̍h naɛ laa̍ u̍h kɔn klǎn, ɛ̍ tìh u̍h-a mu̍ si̍h tmɔ̌ wɛ̀ u̍h iě mɔ̀ dɛ̍ kɛ̍n jě. U̍h-a se̍ kɛ̀n gba̍ pèle dǒ u̍h de̍e̍-ɛ se̍e̍, iě u̍h-aa gbɔ̀lɔ nyɔ̍ wɔ̍ se̍ mɔ̌ dɛ ke.

Wlɛfeleseɔn 18:15

Pɛlǔh po̍ nyɔ̍ ùh jě-a tùgbàwlɔ̀ laa̍ dɛ̍ we̍-ɛ, u̍h-a mu̍ nya̍ nyna-ɛ, dɛ̍nu̍ɛ, u̍h se̍ pɔ̀n u̍h iě jua̍i̍ sàɛ̀ ke. U̍h-a mu̍ fìn u̍h iě sùàɛ̀n pa̍.

Wlɛfeleseɔn 18:20

Ja̍i̍wlɔ̀, nmɔ dǒ ɔ̍-ɔ gbɔ̀lɔ-ɛ we̍. Nyɔsoa-a nyɔ̍ ke, ɔ̍ tu̍owli po̍ nyɔ̍ ke, Klai-a gba̍tòà, mɔ̀ nu̍ mɔna̍ ke o. Dɛ̍nu̍ɛ, Nyɔsoa gbɛ̍n ɔ̍ kàn wɛ̀ dǒ dɛ̍ ɔ̍ nu̍-a mɔ̀ pùn-ɛ we̍ o.

Wlɛfeleseɔn 18:23

Chlǎn nape̍-a sɔ̀npli se̍ gba̍ fa̍n dɛ dǒ ìn di̍i̍. Nynɔ̌ delee ke kɔan delee-a wlu̍ se̍ gba̍ wɔ̌n-ɛ mu̍ dɛ dǒ ìn di̍i̍. Àn pɛlǔh po̍ nyɔ̍ bo ùh ku̍ wɔ̍n de nɔ̌ kmɔ̌ kli̍hgbɛ̍ la we̍, wɛ̀ àn wù po̍-ɛ boe bloa̍ kli̍hgbɛ̍ i̍.”

Wlɛfeleseɔn 18:3

Dɛ̍nu̍ɛ, ɔ̍ nu̍ ɛ̍ iě bloa̍ kli̍hgbɛ̍ nu̍ gbǎn ka nyɔ̍ sìèè nyɔ̍-a chɛ̀ wɔ̍n kma nmɔ̍ wlì-ɛ. Ɔ̍ ke kmɔ̌-a blǔh baaᵻ nu̍ gbǎn. Wɛ̀ kmɔ̌-a pɛlǔh po̍ nyɔ̍ kli̍hgbɛ̍ pàn ka dǒ ɔ̍ dɛ̍ᵻ sɔ̀nᵻ nu̍-ɛ we̍.”

Wlɛfeleseɔn 18:9

Blǔh baaᵻ nɛ-a da̍a kmɔ̌ we̍ ùh ke ɔ̍ nu̍-a gbǎn ke dɛ̍ᵻ sɔ̀nᵻɛ́, nɛ̍ ɛ̀ mu̍-a ɔ̍ fɔ̍n-ɛ, pò u̍h jě ɛ̍ daluh-ɛ, nɛ̀ u̍h-a mu̍ we̍le u̍h iě fìn.