Wlɛfeleseɔn 18:10 - Ku̍o̍ Delee 1999

¹⁰ U̍h-a mu̍ nya̍ nyna-ɛ, dɛ̍nu̍ɛ, u̍h se̍ pɔ̀n u̍h iě jua̍i̍ sàɛ̀ ke. Wɛ̀ u̍h iě ka dǎ, “Chlě dǒ ìn we̍ Babeloun wlɔ̀. Mɔ̀ ɔ̀ nu̍-a tùgbàwlɔ̀ ɔ̀ ku̍-a wɔ̍n iě ɔ̀ kɔn-a gbǐh-ɛ, mɔ̀ bo gba̍i̍gba̍ se̍ gba̍i̍ bla̍ sǔh wɛ̀ ɔ̀ gbɛ̍n-ɛ kàn ae?”

Wlɛfeleseɔn 18:10 Iomraidhean Croise

Wlɛfeleseɔn 11:8

Wɛ̀ u̍h-a kǔᵻ iě gbaɛ̍we̍ i̍ pɛ̌n-ɛ dǒ tùgbàwlɔ̀ di̍i̍, tà u̍h-a Joi kɔ̍-ɛa dǒ gbàɛ̍ kɛ̍n i̍ tu̍ wlì-ɛ. Tùgbàwlɔ̀-a chɛ̀ ɛ̍ i̍ blaɛ nynɛ̌ nu̍ Sɔdɔm wlɔ̀ ke Iche bloa̍.

Wlɛfeleseɔn 14:8

Wɛ̀ ǐnchɔ̀ dɛɛ ɛ̀ po̍-a sɔɔ̌n-ɛ, ɛ̍ tba̍ dǒ sàì naɛ de̍e̍. Iě ɛ̍ la̍a̍, “Babeloun wlɔ̀ wa̍ wɛ̀. Ɛ̀ ku̍-a wɔ̍n de-ɛ, ɛ̍ wa̍ wɛ̀. Ɛ̍ nu̍ ɛ̍ iě bloa̍ kli̍hgbɛ̍ nu̍ gbǎn ka nyɔ̍ sìèè nyɔ̍-a chɛ̀ wɔ̍n kma nmɔ̍ wlì-ɛ.”

Wlɛfeleseɔn 16:19

Wɛ̀ Babeloun ɛ̀ nu̍-a tùgbàwlɔ̀-ɛ, iě ɛ̍ sà fɔ̌ᵻ ta̍a̍n, iě bloa̍ kli̍hgbɛ̍-a wlɔ̀ᵻ gbàɛ̀ wlǎ. Babeloun wlɔ̀ ɛ̀ ku̍-a wɔ̍n-ɛ, ɛ̍ tìh sǐ dǒ Nyɔsoa wlì i̍ iě ɔ̍ nu̍ ɛ̍ wɛ̀ ɛ̍ nǎ-ɛ ɔ̍ nmɔ̍ kàu̍n ɛ̀ jǐ-a ɔ̍ jlu̍h di̍i̍-ɛ.

Wlɛfeleseɔn 17:12

“Gbɔ̀nᵻ pùè ìn jě-aɛ, nyɔ̍ pùè ùh se̍-a blǔh baaᵻ nu̍ ke̍-ɛ bo. Jɛ i̍h-a mu̍ tùn nyǐ-ɛ, wɛ̀ i̍h iě blǔh baaᵻ nu̍ dǒ ti̍ tile di̍i̍, i̍h ke nmi̍ɛ̍ laa̍ ke.

Wlɛfeleseɔn 18:18

Nɛ̀ pò u̍h jě ɔ̍ si̍n-i nɛ̍-a daluh-ɛ, wɛ̀ u̍h iě we̍le. Nɛ̀ u̍h-a mu̍ ka dǎ, “Tùgbàwlɔ̀ dɛɛ se̍ nɛ ɔ̍ ke tùgbàwlɔ̀ la ɔ̀ ku̍-a wɔ̍n-ɛ iě wɔ̀ɛ.”

Wlɛfeleseɔn 18:19

U̍h-a mu̍ fìn, u̍h iě sùàɛ̀n pa̍, wɛ̀ u̍h iě blǔh dlǔ po̍. Nɛ̀ u̍h-a mu̍ ka dǎ, “Chlě dǒ tùgbàwlɔ̀ la ɔ̀ ku̍-a wɔ̍n-ɛ we̍, ɔ̀ kɔn di̍i̍ niɔ̍ mɛɛ̍ᵻ blě nyɔ̍ kli̍hgbɛ̍-a sà-a pàn-a de dǒ ɔ̍ pàn-dɛ̍ᵻ we̍-ɛ. Ɔ̍ bo gba̍i̍gba̍ se̍ gba̍i̍ bla̍ ɔ̀ wa̍ wɛ̀.”

Wlɛfeleseɔn 18:21

Wɛ̀ kmu-u ǐnchɔ̀ dǔ sɔɔ̌ ɛ̀ ke dui-sɔɔ̌ klaa beɛ̍ɛ-aɛ, iě ɛ̍ po̍ ɛ̍ jbǒ kɛ̍n. Wɛ̀ ɛ̍ la̍a̍, “Kǎ Babeloun ɛ̀ nu̍-a tùgbàwlɔ̀ klaa-ɛ, ɔ̍ kloǒ-a mu̍ wa̍-a nu̍. Nɛ̀ ɔ̍ se̍ jě-ɛ mu̍ dɛ kleǐnklein.

Wlɛfeleseɔn 18:8

Ɛ̍ kɔn wlɔ̀ la dlǐ dɛ̍ᵻá mu̍ ɔ̍ we̍ ji̍ dǒ weɛ̍ due di̍i̍. I̍h-i bo ìh nu̍-a wɛ̌ᵻ ke sùàɛ̀n pa̍-a ke mɔ̌-a gbǎ-a. Nɛ̍-a mu̍ ɔ̍ fɔ̍n, dɛ̍nu̍ɛ, Joi Nyɔsoa ɔ̀ sà-a ɔ̍ kɛ̀n-ɛ, ɔ̍ blě gbǐh.”