Wlɛfeleseɔn 17:9 - Ku̍o̍ Delee 1999

⁹ “Ɛ̀ la flɔ̍nwlùh ke dɛ̍ɛ̍ i̍ wɔ̌n-ɛ bo ɛ̍ jbǎ. Ɛ̍ dlǔᵻ mɛ̀sɔɔ̌n laa̍ tlu̍hᵻ mɛ̀sɔɔ̌n bo, i̍h kɔn kɛ̍n bo nynɔ̌ tè i̍. I̍h-i bo ìh nu̍ blǔh baaᵻ mɛ̀sɔɔ̌n ke.

Wlɛfeleseɔn 17:9 Iomraidhean Croise

Matio 13:11

Wɛ̀ Jusu la̍a̍, “Mɔ̀ɔ̍ nɔ̀ɔ̍, Nyɔsoa nu̍ ɛ̍ wɛ̀ dɛ̍ᵻ ìh nɛ-a dě kwile de dě ɔ̍ kmɔ̌ wlu̍ i̍ kɔn-ɛ di̍i̍-ɛ, wɛ̀ mɔ̀ juo i̍h. Jɛ u̍h nɔ̀ɔ̍, u̍h se̍ i̍h-a dɛ̍ i̍ juo.

Matio 24:15

“Mɔ̀-a mu̍ slèwlì dɛ̍ ɛ̀ sàɛ̀-a nyɔ̍-a dlǔ wìè-eɛ jě. Ɛ̍ kɔn tìh bo Nyɔsoa-a tu̍owli po̍ nyɔ̍ Danio bla̍. Ɔ̍ la̍ ɛ̍ mu̍ i̍ nyna dě slaǎ sà gbò sɔ̀n.” Nyɔ̍ mu̍-a ɛ̀ la slè-ɛ, bɔ̌ ɔ̍ wɔ̌n ɛ̍ we̍i̍ chɛ̀gbɛɛ.

Wlɛfeleseɔn 13:1

Wɛ̀ ǐn jě nmi̍ɛ̍ nɛ̀ ɛ̍ sɔ dě jbǒ wlù. Ɛ̍ blě gbɔ̀nᵻ pùè ke dlǔᵻ mɛ̀sɔɔ̌n. Ɛ̍ gbɔ̀n jɛ-ɛ, nɛ̀ ɛ̍ tèè blawɛ̌. Ɛ̍ dlǔ jɛ-ɛ, nɛ̀ Nyɔsoa wɔ̍n blaɛ nynɛ̌ chlǐh-ɛ dǒ ɛ̍ pùn.

Wlɛfeleseɔn 13:18

Ɛ̀ la flɔ̍nwlùh bo ɛ̍ jbǎ. Nyɔ̍ ɔ̀ flɔn-a di̍i̍-ɛ, ɔ̍ slè sàǐtòò nmi̍ɛ̍-a namà la, dɛ̍nu̍ɛ, ɛ̍ nu̍ nyi̍ɔ̍-a nynɛ̌. Ɛ̍ namà nu̍ kmɛ mɛ̀o̍ kwela mɛ̀o̍ jɔ̌ mɛ̀o̍ (666).

Wlɛfeleseɔn 17:18

“Nynɔ̌ ìn jě-aɛ, tùgbàwlɔ̀ klaa ɛ̀ blě-a blǔh baaᵻ nɛ-a nɔ̌ kmɔ̌-ɛ u̍h-a wlu̍ kwa̍-ɛ bo.”

Wlɛfeleseɔn 17:3

Nyɔsoa-a Sùù jǐi ǐn i̍ wɛ̀ ǐnchɔ̀ gba̍ ǐn dě kwlǎslò we̍. Dě-e bo ǐn jě-e nynɔ̌ due, nɛ̀ ɔ̍ tè i̍ dǒ nmi̍ɛ̍ sàɛ̀n kɛ̍n. Nyɔsoa wɔ̍n blaɛ nynɛ̌ wɔ̀ ɛ̍ ku̍ dlǔ. Wɛ̀ ɛ̍ blě dlǔᵻ mɛ̀sɔɔ̌n ke gbɔ̀nᵻ pùè.

Wlɛfeleseɔn 17:7

Wɛ̀ ǐnchɔ̀ la̍a̍ dě ǐn we̍, “Dɛ̍nu̍ ɛ̍ flɔn-ɛ ìn wɔ̍n ɛ? Ǎn mu̍ ìn nynɔ̌ la ɔ̍ sìle dɛ̍-a gbɔ̀ wlùh sèàɛ̍, ɛ̍ ke nmi̍ɛ̍ ɛ̀ blě-a dlǔᵻ mɛ̀sɔɔ̌n ke gbɔ̀nᵻ pùè ɛ̀ kɔn kɛ̍n ɔ̍ tè-a i̍-ɛ ke.