Wlɛfeleseɔn 17:5 - Ku̍o̍ Delee 1999

⁵ Iě nynɛ̌ ɛ̀ kɔn gbɔ̀ sìle-aɛ ɛ̍ chlǐh-ɛ dǒ ɔ̍ jua̍i̍. Ɛ̍ la̍a̍, “Wɔ̍n ku̍ Babeloun wlɔ̀, mɔ̀ bo ɔ̀ nu̍ kàìà nynɔ̌gbaɔᵻ kli̍hgbɛ̍ de̍, ɛ̍ ke kmɔ̌-a sììjii̍ ke.”

Wlɛfeleseɔn 17:5 Iomraidhean Croise

Felepai 3:19

U̍h-a mu̍-u gbɔ̀lɔ-ɛ, dɛ̍nu̍ɛ, kwlǐ tè-ɛ bo u̍h-a dǎɛ Nyɔsoa dɛ. Dɛ̍ ɛ̀ iě-a u̍h tɛ̀n-ɛ po̍-ɛ, ɛ̍ kɔn tìh bo u̍h-a blɔ̌. Dɛ̍ᵻ nɛ-a nɔ̌ kmɔ̌ we̍-ɛ, i̍h kɔn tìh u̍h-a naɛ wlùh i̍.

2 Tɛsoloniɔn 2:7

Dɛ̍nu̍ɛ, Nyɔ̍ Sɔ̀n-a kwile-e gbǐh nɛ dbo̍ kɛ̍n wɛ̀ se̍e̍. Jɛ nyɔ̍ ɔ̀ chlìì-a ɛ̀ la de̍ kaka-ɛ, ɔ̍ mu̍ ɛ̍ nu̍ te̍e̍ wɛ̀ ɔ̍ chɛ̀ iě dǒ wìè-i sà-ɛ.

Wlɛfeleseɔn 1:20

Dɛ̍ᵻ ìh sìle-a ìh nu̍-a chǔhtlɛ̀n mɛ̀sɔɔ̌n ìn jě-a dě ǎn di̍na̍ kwa̍a̍-ɛ ke chlǎn nape̍ᵻá kɛ̍n tè dɛ̍ᵻ mɛ̀sɔɔ̌n laa̍ ìh nui-a kòo̍-ɛ, i̍h-a gbɔ̀ la. Chǔhtlɛ̀n mɛ̀sɔɔ̌n laa̍ bo ìh nu̍ Nyɔsoa-a ǐnchɔ̀ dǒ chɔchi̍h nyɔ̍ nɛ-a wlɔ̀ᵻ mɛ̀sɔɔ̌n di̍i̍-ɛ we̍. Wɛ̀ chlǎn nape̍ᵻá kɛ̍n tè dɛ̍ᵻ mɛ̀sɔɔ̌n nu̍ chɔchi̍h mɛ̀sɔɔ̌n-a chɛ̀.”

Wlɛfeleseɔn 11:8

Wɛ̀ u̍h-a kǔᵻ iě gbaɛ̍we̍ i̍ pɛ̌n-ɛ dǒ tùgbàwlɔ̀ di̍i̍, tà u̍h-a Joi kɔ̍-ɛa dǒ gbàɛ̍ kɛ̍n i̍ tu̍ wlì-ɛ. Tùgbàwlɔ̀-a chɛ̀ ɛ̍ i̍ blaɛ nynɛ̌ nu̍ Sɔdɔm wlɔ̀ ke Iche bloa̍.

Wlɛfeleseɔn 14:8

Wɛ̀ ǐnchɔ̀ dɛɛ ɛ̀ po̍-a sɔɔ̌n-ɛ, ɛ̍ tba̍ dǒ sàì naɛ de̍e̍. Iě ɛ̍ la̍a̍, “Babeloun wlɔ̀ wa̍ wɛ̀. Ɛ̀ ku̍-a wɔ̍n de-ɛ, ɛ̍ wa̍ wɛ̀. Ɛ̍ nu̍ ɛ̍ iě bloa̍ kli̍hgbɛ̍ nu̍ gbǎn ka nyɔ̍ sìèè nyɔ̍-a chɛ̀ wɔ̍n kma nmɔ̍ wlì-ɛ.”

Wlɛfeleseɔn 16:19

Wɛ̀ Babeloun ɛ̀ nu̍-a tùgbàwlɔ̀-ɛ, iě ɛ̍ sà fɔ̌ᵻ ta̍a̍n, iě bloa̍ kli̍hgbɛ̍-a wlɔ̀ᵻ gbàɛ̀ wlǎ. Babeloun wlɔ̀ ɛ̀ ku̍-a wɔ̍n-ɛ, ɛ̍ tìh sǐ dǒ Nyɔsoa wlì i̍ iě ɔ̍ nu̍ ɛ̍ wɛ̀ ɛ̍ nǎ-ɛ ɔ̍ nmɔ̍ kàu̍n ɛ̀ jǐ-a ɔ̍ jlu̍h di̍i̍-ɛ.

Wlɛfeleseɔn 17:1

Wɛ̀ Nyɔsoa-a ǐnchɔ̀ mɛ̀sɔɔ̌n ìh blě-a boo̍ᵻ mɛ̀sɔɔ̌n kwa̍-ɛ i̍h-a due ji̍ nɔ̌ ǐn we̍. Ɛ̍ la̍a̍, “Ji̍, ka kàìà nynɔ̌ klaa-a mu̍-a kàn gbɛ̍n-ɛ nu̍-ɛ iě ɛ̍ ìn toe. Ɔ̍ nu̍ tùgbàwlɔ̀ klaa ɛ̀ po̍-ea dǒ nǐᵻ klaaᵻ wɔ̍i̍n-ɛ.

Wlɛfeleseɔn 17:2

Ɔ̍ ke kmɔ̌-a blǔh baaᵻ nu̍ gbǎn. Wɛ̀ ɛ̍ nu̍ ɛ̍ iě kmɔ̌ nyɔ̍ kli̍hgbɛ̍ nɛ sɔ̀ìà-a dǒ ɔ̍ pùn ka nmɔ̍-a nu̍ nyɔ̍-ɛ.”

Wlɛfeleseɔn 17:7

Wɛ̀ ǐnchɔ̀ la̍a̍ dě ǐn we̍, “Dɛ̍nu̍ ɛ̍ flɔn-ɛ ìn wɔ̍n ɛ? Ǎn mu̍ ìn nynɔ̌ la ɔ̍ sìle dɛ̍-a gbɔ̀ wlùh sèàɛ̍, ɛ̍ ke nmi̍ɛ̍ ɛ̀ blě-a dlǔᵻ mɛ̀sɔɔ̌n ke gbɔ̀nᵻ pùè ɛ̀ kɔn kɛ̍n ɔ̍ tè-a i̍-ɛ ke.

Wlɛfeleseɔn 18:2

Wɛ̀ ɛ̍ we̍le, ɛ̍ la̍a̍, “Babeloun wlɔ̀ wa̍ wɛ̀. Ɔ̀ ku̍-a wɔ̍n de-ɛ, ɔ̍ wa̍ wɛ̀. Dǒ ɔ̍ di̍i̍ nu̍ jeědih-a tǐn la̍-a wɛ̀. Ɛ̍ nu̍ kà kɔn jeědih ke na̍wɛ̍ᵻ ìh nyɔ̍gbei faɛn-aɛ, i̍h-a tǐn la̍-a wɛ̀.

Wlɛfeleseɔn 18:21

Wɛ̀ kmu-u ǐnchɔ̀ dǔ sɔɔ̌ ɛ̀ ke dui-sɔɔ̌ klaa beɛ̍ɛ-aɛ, iě ɛ̍ po̍ ɛ̍ jbǒ kɛ̍n. Wɛ̀ ɛ̍ la̍a̍, “Kǎ Babeloun ɛ̀ nu̍-a tùgbàwlɔ̀ klaa-ɛ, ɔ̍ kloǒ-a mu̍ wa̍-a nu̍. Nɛ̀ ɔ̍ se̍ jě-ɛ mu̍ dɛ kleǐnklein.

Wlɛfeleseɔn 19:2

Ɔ̍ nyɔ̍ kàn gbɛ̍n-ɛ slɛ̌ i̍ iě ɛ̍ nu̍ tìh-a taǐn. Kàìà nynɔ̌ klaa ɔ̀ nyni-a bloa̍ jii̍ dǒ ɔ̍ gbǎn nu̍-ɛ we̍-ɛ, ɔ̍ sà ɔ̍ kɛ̀n wɛ̀. Nyɔsoa gbɛ̍n ɔ̍ kàn wɛ̀, dɛ̍nu̍ɛ, ɔ̍ dbǎ ɔ̍ pòi̍nynuu̍.”

Wlɛfeleseɔn 7:3

Ɛ̍ la̍a̍, “Mɔ̀ bɔ̌ bloa̍ ke, jbǒ ke tu̍ᵻ dɛ̍ nui-ɛ te̍e̍ wɛ̀ à iě à Nyɔsoa-a pòi̍nynuu̍-a jua̍a̍ᵻ juola tù-ɛ wɔ̀.”