Wlɛfeleseɔn 17:3 - Ku̍o̍ Delee 1999

³ Nyɔsoa-a Sùù jǐi ǐn i̍ wɛ̀ ǐnchɔ̀ gba̍ ǐn dě kwlǎslò we̍. Dě-e bo ǐn jě-e nynɔ̌ due, nɛ̀ ɔ̍ tè i̍ dǒ nmi̍ɛ̍ sàɛ̀n kɛ̍n. Nyɔsoa wɔ̍n blaɛ nynɛ̌ wɔ̀ ɛ̍ ku̍ dlǔ. Wɛ̀ ɛ̍ blě dlǔᵻ mɛ̀sɔɔ̌n ke gbɔ̀nᵻ pùè.

Wlɛfeleseɔn 17:3 Iomraidhean Croise

Matio 27:28

Iě u̍h sà ɔ̍ jlii̍ i̍, wɛ̀ u̍h paɛ ɔ̍ dɛ̍wlo̍o̍ sàɛ̀n.

Nu̍-dɛ̍ᵻ 8:39

U̍h sɔ-a dǒ niɔ̍-ɛ, wɛ̀ Joi Nyɔsoa-a Sùù gba̍ Felɔ. Sɔ jɔ̍gbau se̍ ɔ̍ jě dɛ. Jɛ mɔna̍ dɔu blě ɔ̍ nu̍-ɛ iě ɔ̍ mu̍ ɔ̍ blǐ.

2 Tɛsoloniɔn 2:4

Ɔ̍ se̍ slaǎ sà dɛ̍ᵻ kli̍hgbɛ̍ nyɔ̍gbei-a dǎɛ-a nyɔsoa-a dɛ̍ dǎɛ mu̍. Ɔ̍ mu̍ ɔ̍ chɛ̀ i̍ bɛ̌-ɛ, wɛ̀ ɔ̍ iě ɔ̍ chɛ̀ gbalǎ i̍ jǎ-ɛ dě Nyɔsoa-a slaǎ sà gbò sɔ̀n. Ɔ̍ mu̍ ɔ̍ chɛ̀ Nyɔsoa dǎɛ.

Wlɛfeleseɔn 1:10

Nyɔsoa-a Sùù jǐi ǐn i̍ dǒ Joi-a fɔ-weɛ̍ di̍i̍ wɛ̀ ǐn wɔ̌n wǐi wlu̍ dǒ ǐn de̍e̍ ka dɔ̍gbɛ̍-a wlu̍-ɛ.

Wlɛfeleseɔn 12:14

Jɛ dǒ nynɔ̌-a chɛ̀ nyǐ-ɛ chìsǐ klaa-a gbawaᵻ sɔɔ̌n, ɔ̍ iě wa̍n ɔ̍ iě dǒ dɔ̍sɛ we̍ sɔ wɛ̀ ɔ̍ iě dě kwlǎslò we̍ mu̍. Dě ɔ̍ mu̍ we̍ i̍ gbɛ̀n-ɛ dǒ sɔ̀nᵻ ta̍a̍n chǔhᵻ mɛ̀o̍ di̍i̍.

Wlɛfeleseɔn 12:3

Wɛ̀ nyɔ̍ wɔ̍n flɔn-ɛ dɛ̍ dɛɛ wlǔh-i dě ja̍u̍n wlì. Dɔ̍sɛ sàɛ̀n klaa due bo ɛ̀ blě dlǔᵻ mɛ̀sɔɔ̌n ke gbɔ̀nᵻ pùè. Iě ɛ̍ dlǔᵻ nɛ-a mɛ̀sɔɔ̌n-ɛ, i̍h tèè blawɛ̌ᵻ kli̍hgbɛ̍.

Wlɛfeleseɔn 12:6

Wɛ̀ nynɔ̌ gbǎ kwlǎ ɔ̍ mu̍ dě kwlǎslò we̍ tà Nyɔsoa po̍-a gba̍a̍ dǒ ɔ̍ we̍-ɛ. Dǒ ɔ̍ mu̍ we̍ i̍ gbɛ̀n-ɛ dǒ wǐh-a wlǔ due kmɛ sɔɔ̌n kwela mɛ̀o̍ (1,260) di̍i̍.

Wlɛfeleseɔn 17:18

“Nynɔ̌ ìn jě-aɛ, tùgbàwlɔ̀ klaa ɛ̀ blě-a blǔh baaᵻ nɛ-a nɔ̌ kmɔ̌-ɛ u̍h-a wlu̍ kwa̍-ɛ bo.”

Wlɛfeleseɔn 17:4

Nynɔ̌-a chɛ̀ ɔ̍ pa̍ jlii̍ sàɛ̀n ke nǐnmɛ ìh gbǎ-a dɛ̍kɛ̍n-ɛ. Iě ɔ̍ pa̍ jii̍ nmɔ pɛ̀ɛ̀ dɛ̍ᵻ i̍, ìh nui-a kòo̍ ke, sɔɔ̌ᵻ maloo ke wli̍h-ɛ. Wɛ̀ ɔ̍ blě kòo̍-a kàu̍n kwa̍. Nɛ̀ dě ɔ̍ sììjii̍ ke se̍i̍kɔɛn gbǎn nu̍-ɛ jǐ.

Wlɛfeleseɔn 18:12

U̍h-a blewi̍h nu̍-a kòo̍ ke, sebla̍ ke, sɔɔ̌ᵻ maloo ke, wli̍h ke, flɛmɛ̍ jlii̍ ke, jlii̍ ìh gbǎ-a dɛ̍kɛ̍n-ɛ ke, nɔ̌ chɛ̀ tu̍ᵻ kaɛn kaɛn ke nyɔ̍ se̍ i̍h tɛ̀n. U̍h-a dɛ̍ᵻ ìh nui-a do̍ɛ̍ᵻ nynɛ̌-ɛ ke, tu̍ᵻ pɔ̌ᵻ ìh gbǎ-a dɛ̍kɛ̍n-ɛ ke, tìɛ̀nᵻ ke, nɛ̍ne̍ɛ̍ᵻ ke gbɔ̀plu̍ sɔɔ̌ᵻ u̍h-a ple̍-aɛ, nyɔ̍ se̍ i̍h tɛ̀n ke.

Wlɛfeleseɔn 18:16

Wɛ̀ u̍h iě ka dǎ, “Chlě dǒ tùgbàwlɔ̀ ɔ̀ ku̍-a wɔ̍n-ɛ we̍, mɔ̀ pa̍-a flɛmɛ̍ chɛ̀ ke jlii̍ sàɛ̀n ìh gbǎ-a dɛ̍kɛ̍n-ɛ, iě ìn pɛ̀ɛ̀-a kòo̍ ke, sɔɔ̌ᵻ maloo ke wli̍h de-ɛ.

Wlɛfeleseɔn 21:10

Nyɔsoa-a Sùù jǐi ǐn i̍ wɛ̀ ǐnchɔ̀ gba̍ ǐn dě tlu̍h tɔ̀ɔ̀n kɛ̍n. Wɛ̀ ɛ̍ toe ǐn Juluslɛn wlɔ̀ ɛ̀ kɔn-a dǒ Nyɔsoa we̍-ɛ. Wlɔ̀-a chɛ̀ ɛ̍ sɔ dě Nyɔsoa we̍ ja̍i̍wlɔ̀.

Wlɛfeleseɔn 4:2

Dǒ tàdùè la̍-a sɔ nɛ Nyɔsoa-a Sùù jǐi ǐn i̍, iě ǐn jě nynɛ̌ gbalǎ dě ja̍i̍wlɔ̀. Nɛ̀ nyɔ̍ tè dǒ ɛ̍ kɛ̍n i̍.