Wlɛfeleseɔn 17:2 - Ku̍o̍ Delee 1999

² Ɔ̍ ke kmɔ̌-a blǔh baaᵻ nu̍ gbǎn. Wɛ̀ ɛ̍ nu̍ ɛ̍ iě kmɔ̌ nyɔ̍ kli̍hgbɛ̍ nɛ sɔ̀ìà-a dǒ ɔ̍ pùn ka nmɔ̍-a nu̍ nyɔ̍-ɛ.”

Wlɛfeleseɔn 17:2 Iomraidhean Croise

Chɔɔn 2:10

Iě ɔ̍ la̍a̍ dě ɔ̍ we̍, “Pò ɛ̍ nɛ ka-ɛ, nɛ̀ nyɔ̍ kli̍hgbɛ̍-a ja nmɔ̍ chɛ̀ sàǐtòò, jɛ nmɔ̍ sìèè-a nyɔ̍gbei wlì wɛ̀-ɛ, iě plǒai nmɔ̍ tba̍-o dlǔ. Jɛ nɛ̀ nmɔ̍ chɛ̀ bo ìn tè i̍ te̍e̍ sǔh wɛ̀ ti̍ nɛka ae?”

Wlɛfeleseɔn 14:8

Wɛ̀ ǐnchɔ̀ dɛɛ ɛ̀ po̍-a sɔɔ̌n-ɛ, ɛ̍ tba̍ dǒ sàì naɛ de̍e̍. Iě ɛ̍ la̍a̍, “Babeloun wlɔ̀ wa̍ wɛ̀. Ɛ̀ ku̍-a wɔ̍n de-ɛ, ɛ̍ wa̍ wɛ̀. Ɛ̍ nu̍ ɛ̍ iě bloa̍ kli̍hgbɛ̍ nu̍ gbǎn ka nyɔ̍ sìèè nyɔ̍-a chɛ̀ wɔ̍n kma nmɔ̍ wlì-ɛ.”

Wlɛfeleseɔn 17:13

I̍h nɛ-a pùè-ɛ i̍h blě wlùh due. I̍h-a mu̍ i̍h-a gbǐh ke i̍h-a tùn blě-ɛ nmi̍ɛ̍ laa̍ nyǐ.

Wlɛfeleseɔn 17:17

Nyɔsoa po̍ ɛ̍ dě i̍h wlùh we̍ i̍h iě ɔ̍ wlùh dɛ̍ nu̍ dǒ i̍h-a wlùh-a due nɛ-ɛ we̍, wɛ̀ i̍h iě i̍h-a gbǐh nmi̍ɛ̍ nyǐ ɛ̍ iě nyɔ̍-a wlu̍ kwa̍ blě te̍e̍ wɛ̀ Nyɔsoa-a wlu̍ iě kɛ̀ǐn gbǎ.

Wlɛfeleseɔn 17:5

Iě nynɛ̌ ɛ̀ kɔn gbɔ̀ sìle-aɛ ɛ̍ chlǐh-ɛ dǒ ɔ̍ jua̍i̍. Ɛ̍ la̍a̍, “Wɔ̍n ku̍ Babeloun wlɔ̀, mɔ̀ bo ɔ̀ nu̍ kàìà nynɔ̌gbaɔᵻ kli̍hgbɛ̍ de̍, ɛ̍ ke kmɔ̌-a sììjii̍ ke.”

Wlɛfeleseɔn 17:8

Nmi̍ɛ̍ ìn jě-aɛ, ɛ̍ nɛ kmɔ̌ de, jɛ ɛ̍ se̍ kmɔ̌ nɛ dɛ fu̍u̍. Jɛ ɛ̍ ji̍ la̍ dě kàn biě di̍i̍ sɔ la̍, wɛ̀ ɛ̍ iě-e gbɔ̀lɔ-ɛ. Kmɔ̌ nyɔ̍ juh kɔn nynɛ̌ se̍-a chlǐh-ɛ dě feɛ chlǐh-dɛ̍ di̍i̍ wɛ̀ kmɔ̌ iě-a nui-ɛ dǔ-ɛ, pò u̍h jě nmi̍ɛ̍ la-ɛ, nɛ̀ ɛ̍ mu̍ u̍h wɔ̍n flɔn-ɛ. Dɛ̍nu̍ɛ, ɛ̍ nɛ kmɔ̌ de, wɛ̀ ɛ̍ se̍ ka kmɔ̌ nɛ dɛ, iě ɛ̍ mu̍ la̍ ji̍ dode̍.

Wlɛfeleseɔn 18:23

Chlǎn nape̍-a sɔ̀npli se̍ gba̍ fa̍n dɛ dǒ ìn di̍i̍. Nynɔ̌ delee ke kɔan delee-a wlu̍ se̍ gba̍ wɔ̌n-ɛ mu̍ dɛ dǒ ìn di̍i̍. Àn pɛlǔh po̍ nyɔ̍ bo ùh ku̍ wɔ̍n de nɔ̌ kmɔ̌ kli̍hgbɛ̍ la we̍, wɛ̀ àn wù po̍-ɛ boe bloa̍ kli̍hgbɛ̍ i̍.”

Wlɛfeleseɔn 18:3

Dɛ̍nu̍ɛ, ɔ̍ nu̍ ɛ̍ iě bloa̍ kli̍hgbɛ̍ nu̍ gbǎn ka nyɔ̍ sìèè nyɔ̍-a chɛ̀ wɔ̍n kma nmɔ̍ wlì-ɛ. Ɔ̍ ke kmɔ̌-a blǔh baaᵻ nu̍ gbǎn. Wɛ̀ kmɔ̌-a pɛlǔh po̍ nyɔ̍ kli̍hgbɛ̍ pàn ka dǒ ɔ̍ dɛ̍ᵻ sɔ̀nᵻ nu̍-ɛ we̍.”

Wlɛfeleseɔn 18:9

Blǔh baaᵻ nɛ-a da̍a kmɔ̌ we̍ ùh ke ɔ̍ nu̍-a gbǎn ke dɛ̍ᵻ sɔ̀nᵻɛ́, nɛ̍ ɛ̀ mu̍-a ɔ̍ fɔ̍n-ɛ, pò u̍h jě ɛ̍ daluh-ɛ, nɛ̀ u̍h-a mu̍ we̍le u̍h iě fìn.

Wlɛfeleseɔn 2:22

Ɛ̍ tìh-ɛ, ǎn mu̍ ɔ̍ dǒ wɛ̌ bèe̍ kɛ̍n po̍, wɛ̀ nyɔ̍ ke ɔ̍ nu̍-a nynɛ̌à-aɛ, u̍h iě jua̍i̍ sàɛ̀ dɛ̍blɔ. Jɛ pò u̍h bǐi i̍-ɛ, nɛ̀ ɛ̍ kɔn tɛ̀ ǐn sà-o.

Wlɛfeleseɔn 3:10

Ǎn mu̍ mɔ̀ kɛ̍n kaɛn dǒ jua̍i̍ sàɛ̀ ɛ̀ mu̍-a kmɔ̌ kli̍hgbɛ̍ la we̍ ji̍ ɛ̀ iě-a nyɔ̍ kli̍hgbɛ̍ nɛ-a nɔ̌ blǔh la kɛ̍n-ɛ tɛ̀n-ɛ we̍. Dɛ̍nu̍ɛ, mɔ̀ nu̍ ǎn wlu̍ dǒ mɔ̀-a wlùh i̍ gbɛ̍n-ɛ ke mɔ̀-a dě klì i̍ ku̍-ɛ di̍i̍.

Wlɛfeleseɔn 9:21

Iě u̍h wɔ̍-ɔ bǐi i̍ ke dǒ u̍h-a nyɔ̍ gbe̍ja̍a̍ po̍-ɛ ke, wù po̍-ɛ ke, gbǎn nu̍-ɛ ke jlǐ-ɛ we̍.