Wlɛfeleseɔn 16:9 - Ku̍o̍ Delee 1999

⁹ Nyɔ̍ɔ si̍n-i dǒ ɛ̍ fuun jlo̍jlo̍ we̍. Wɛ̀ Nyɔsoa ɔ̀ blě-a gbǐh dǒ dlǐ dɛ̍ᵻ laa̍ we̍-ɛ, iě u̍h po̍ ɔ̍ nynɛ̌ wlu̍we̍i̍. Wɛ̀ u̍h se̍ u̍h-a gblɛ̍n sɔ̀ɛ̀n kɛ̍n i̍ poe, u̍h iě Nyɔsoa-a nynɛ̌ i̍ bɛ̌-ɛ.

Wlɛfeleseɔn 16:9 Iomraidhean Croise

Pɔ̀n Chɛ̀ Luu To-a La 13:3

Iěe, jɛ ǎn sèàɛ̍ mɔ̀ wlùh, pò mɔ̀ se̍ mɔ̀-a gblɛ̍n sɔ̀ɛ̀n kɛ̍n i̍ poe-ɛ, nɛ̀ kǎ mɔ̀-a mu̍ mɛ̌-ɛ nu̍ ke.

Pɔ̀n Chɛ̀ Luu To-a La 13:5

Iěe, jɛ ǎn sèàɛ̍ mɔ̀ wlùh, pò mɔ̀ se̍ mɔ̀-a gblɛ̍n sɔ̀ɛ̀n kɛ̍n i̍ poe-ɛ, nɛ̀ kǎ mɔ̀-a mu̍ mɛ̌-ɛ nu̍ ke.”

2 Kɔwlɛntiɔn 12:21

Ǎn ple̍ faɔn pò ǐn ji̍ dě mɔ̀ we̍ dɛ-ɛ, ǎn Nyɔsoa-a mu̍ ɛ̍ nu̍ iě mɔ̀-a tɛ̀n ple̍. Nyɔ̍-se̍-juo ǎn mu̍ sùàɛ̀n pa̍ dǒ nyɔ̍ dɔu ùh nu̍-a gblɛ̍n sɔ̀ɛ̀n sàì wɛ̀ ùh se̍-a i̍h kɛ̍n i̍ poe dǒ u̍h-a chɛ̀-a sììjii̍ nu̍-ɛ ke, gbǎn nu̍-ɛ ke se̍i̍kɔɛn u̍h nu̍-a we̍.

Wlɛfeleseɔn 11:13

Dǒ ti̍-a taǐn laa̍ di̍i̍-ɛ, wɛ̀ wlù poɔ klaa ji̍. Iě tùgbàwlɔ̀ laa̍ ɛ̍ fɔ̌ᵻ pùè ɛ̍ blě-aɛ, wɛ̀ i̍h-a fɔ̌ due wlǎ. Wɛ̀ nyɔ̍-a wlǔ mɛ̀sɔɔ̌n (7,000) mɛ̌ dǒ wlù poɔ laa̍ we̍. Nyɔ̍ juh tàn-oɛ, u̍h gbǎ faɔn kaa̍ iě u̍h bɛ̌-ɛ Nyɔsoa-a nynɛ̌ i̍ ɔ̀ nɛ-a dě ja̍i̍wlɔ̀-ɛ.

Wlɛfeleseɔn 14:7

Iě ɛ̍ we̍le, ɛ̍ la̍a̍, “Mɔ̀ tè Nyɔsoa ja̍, nɛ̀ mɔ̀ bɛ̌-ɛ ɔ̍ nynɛ̌ i̍, dɛ̍nu̍ɛ, ti̍ nyni̍ wɛ̀ ɔ̍ iě nyɔ̍ kli̍hgbɛ̍-a taɔ pa̍. Mɔ̀ sà ɔ̍ wɛɛ. Ɔ̍-ɔ bo ɔ̀ nu̍ bloa̍ ke, ja̍i̍wlɔ̀ ke, jbǒ ke kao̍dluᵻ.”

Wlɛfeleseɔn 16:21

Iě seɔn gbo̍ᵻ klaaᵻ ìh ke kɔɔ bɔlɔ-a kwa̍ ku̍-ɛ beɛ̍ɛ-a, wɛ̀ i̍h blu̍ dě ja̍i̍. Wɛ̀ i̍h gbǎ nyɔ̍ɔ kɛ̍n, iě u̍h-a po̍ Nyɔsoa wlu̍we̍i̍ ɔ̍ dlǐ seɔn gbo̍ᵻ dbo̍ tìh. Dɛ̍nu̍ɛ, ɛ̍ nu̍ dlǐ dɛ̍-a kanɛa naɛ.

Wlɛfeleseɔn 2:21

Ǐn nyǐ ɔ̍ ti̍ wɛ̀ ɔ̍ iě i̍ bǐi ɔ̍ iě ɔ̍ gblɛ̍n sɔ̀ɛ̀n kɛ̍n i̍ poe, ɔ̍ iě ɔ̍ gbǎn nu̍ dɛ̍ i̍ tǎli. Jɛ ɔ̍ se̍ ɛ̍ nu̍-ɛ i̍ pɔ̀n.

Wlɛfeleseɔn 9:20

Nyɔ̍ kli̍hgbɛ̍ ùh dlǐ dɛ̍ᵻ la i̍h se̍-a dbǎ-ɛ, u̍h se̍-e i̍ bǐi dǒ u̍h-a chɛ̀-a nu̍-dɛ̍ᵻ we̍. U̍h se̍ jeědih wɛɛ sà-a i̍ tǎli, ɛ̍ ke kwɛ̍i̍n gbo̍ᵻ u̍h nui-a kòo̍ ke, sebla̍ ke, tìɛ̀n ke, sɔɔ̌ ke tu̍ᵻɛ́ ke. I̍h se̍ i̍ jě-ɛ ke, na-a ke i̍ wɔ̌n-ɛ bɛ̌ɛ.