17 Wɛ̀ ǐnchɔ̀-a mɛ̀sɔɔ̌n naɛ chɛ̌li ɛ̍ boo̍ dě ja̍i̍. Iě we̍le wlu̍ sɔ dě nynɛ̌ gbalǎ we̍ dě slaǎ sà gbò sɔ̀n. Ɛ̍ la̍a̍, “Ɛ̍ wɛ̀ i̍ wɛ̀.”
Ti̍ Jusu tɛ̀n-a nmɔ̍ laa̍ wɔ̍n-ɛ, iě ɔ̍ la̍a̍, “Ɛ̍ wɛ̀ i̍ wɛ̀.” Ɔ̍ po̍-a dlǔ wlù-ɛ, ɔ̍ chɛ̍n feɛ kleǐn.
Ɛ̍ ti̍ laa̍ nɛ̀ mɔ̀ wɔ̀ dǒ kmɔ̌-a dɛ̍ᵻ sɔ̀nᵻ de̍e̍. Nɛ̀ ɛ̀ kɔn-a jeědih wlu̍ i̍ dě ja̍u̍n wlì-ɛ, ɛ̍ bo mɔ̀-a jě dɛ̍ɛ̍. Nyɔ̍ ùh se̍-a Nyɔsoa-a wlu̍ nu̍-ɛ, nɛ̀ ɛ̀ kɔn-a jeědih wlu̍ i̍-ɛ bo ɛ̀ kɔn u̍h wlu̍ kɛ̍ɛ̍n wɛ̀ ke.
Dɛ̍nu̍ɛ, à se̍ wlɔ̀ nyi̍ɔ̍ we̍ fɔ̀n, jɛ dɛ̍ᵻ wlu̍ i̍ kɔn-ɛ ke, tùn blě-ɛ ke, si̍h nyɔsoa ìh kɔn-a kwile kmɔ̌ la wlu̍ i̍-ɛ ke, gbǐh sɔ̀nᵻ ìh nɛ-a dě ja̍i̍-ɛ bo à fɔ̀n we̍.
Wɛ̀ Nyɔsoa-a ǐnchɔ̀-a mɛ̀sɔɔ̌n naɛ bla̍ ɛ̍ dɔ̍gbɛ̍. Iě we̍le wlu̍ klaa sɔ dě ja̍i̍wlɔ̀, ɛ̍ la̍a̍, “Nyɔ̍-a wlu̍ kwa̍ blě-ɛ ɛ̀ nɛ-a nɔ̌ kmɔ̌ we̍-ɛ, ɛ̍ kɔn dǒ à Joi ke ɔ̍ Chèɛ̀ Tba̍ju we̍ wɛ̀. Ɔ̍ mu̍ nyɔ̍-a wlu̍ kwa̍ blě nɔ̌ kmɔ̌-a kmɔ̌.”
Wɛ̀ Nyɔsoa-a slaǎ sà gbò nɛ-a dě ja̍i̍wlɔ̀-ɛ pɔ̀ni wɔ̍n, iě ɔ̍ Ku̍o̍ Gblòùn jě-eɛ dě ɛ̍ di̍i̍. Wɛ̀ nǐ-a chlɛ jlǐh, iě slɛ̀-a wlu, tɛ̀n-a plǎn-ɛ i̍, wlù poɔ-a ji̍, iě kwa̍ ku̍ seɔn gbo̍ᵻ wlǎ.
Wɛ̀ ǐnchɔ̀ dɛɛ sɔ dě slaǎ sà gbò sɔ̀n, iě ɛ̍ we̍le ɔ̀ tè-a i̍ dǒ nǐgban kɛ̍n-ɛ. Ɛ̍ la̍a̍, “Nu̍ àn faa ìè kɔɔ chɛ̍n, dɛ̍nu̍ɛ, po̍-dɛ̍ᵻ nɛ-a nɔ̌ bloɔ̍-ɛ, i̍h sàni i̍ iě i̍h-a chɛ̍n-ɛ ti̍ nyni̍ wɛ̀.”
Wɛ̀ ǐnchɔ̀ dɛɛ sɔ dě slaǎ sà gbò nɛ-a dě ja̍i̍wlɔ̀-ɛ di̍i̍. Nɛ̀ ɛ̍ blě kɔɔ chɛ̍n faa nyǎnyǎ ke.
Wɛ̀ ǐn wɔ̌n we̍le wlu̍ ɛ̍ sɔ dě slaǎ sà gbò di̍i̍. Iě ɛ̍ sèàɛ̍ ǐnchɔ̀ mɛ̀sɔɔ̌n laa̍ wlùh, ɛ̍ la̍a̍, “Mɔ̀ mu̍ mɔ̀ iě boo̍ᵻ mɛ̀sɔɔ̌n ìh jǐ-a dǒ Nyɔsoa-a jlu̍h we̍-ɛ chɛ̌li dǒ bloa̍ kɛ̍n.”
Iě ɔ̍ la̍a̍ dě ǐn we̍, “Ɛ̍ wɛ̀ i̍ wɛ̀. Mɔ̍ bo ɔ̀ nu̍ dɛ̍ᵻ kli̍hgbɛ̍-a Gbɔ̀ Tè-ɛ ke i̍h-a Dlǔ I̍ Chlà-a. Mɔ̍ bo ɔ̀ nu̍ de̍ ke nya̍. Nyɔ̍ ɔ̀ nǐ nǎ tɔ̌n-a nu̍-aɛ, nɛ̀ ǎn mu̍ ɔ̍ nǎ-nǐ ɛ̀ sɔ-a dě kao̍dlu ɛ̀ nyǐ-a nyɔ̍ feɛ-ɛ nyǐ bu̍ɛ̍i̍.