Wlɛfeleseɔn 16:15 - Ku̍o̍ Delee 1999

¹⁵ Klai la̍a̍, “Ǎn ji̍-ɛa mu̍ nyɔ̍ kɛ̍n kèè ka jlǐ-nyɔ̍-ɛ. Jɛ nyɔ̍ ɔ̀ mu̍-a nyinɔ̍ jlǐh i̍ ku̍ wɛ̀ ɔ̍ iě-a ɔ̍ pa̍-dɛ̍ jlǐhɛ̍ tù-ɛ, nɛ̀ ɔ̍ se̍ gbaǎn chɛn mu̍ tɛ̀n iě ɔ̍ nu̍, nɛ̀ ɔ̍ nmɔ i̍.”

Wlɛfeleseɔn 16:15 Iomraidhean Croise

Matio 25:13

“Ɛ̍ tìh-ɛ, mɔ̀ tù mɔ̀-a chɛ̀ jlǐhɛ̍, dɛ̍nu̍ɛ, mɔ̀ se̍ weɛ̍ ke ti̍ Joi-a mu̍-a ja-ɛ juo.”

Matio 26:41

Mɔ̀ tù ba̍le-ɛ jlǐhɛ̍, wɛ̀ mɔ̀-ɔ je̍e blu̍ja̍a̍ gbǎ. Mɔ̀-a pɔ̀n i̍ slɛ̌ dɛ̍ nu̍-ɛ i̍ de, jɛ mɔ̀ se̍ ɛ̍ we̍ gbǐh blě.”

Pɔ̀n Chɛ̀ Maɛ To-a La 14:38

Iě ɔ̍ la̍a̍ dě u̍h we̍, “Mɔ̀ tù ba̍le-ɛ jlǐhɛ̍, wɛ̀ mɔ̀-ɔ je̍e blu̍ja̍a̍ gbǎ. Mɔ̀-a pɔ̀n i̍ slɛ̌ dɛ̍ nu̍-ɛ i̍ de, jɛ mɔ̀ se̍ ɛ̍ we̍ gbǐh blě.”

Pɔ̀n Chɛ̀ Luu To-a La 21:36

Mɔ̀ nu̍ nɛnɛ̌ ti̍ kli̍hgbɛ̍ we̍. Mɔ̀ ba̍le wɛ̀ mɔ̀ iě gbǐh blě, nɛ̀ mɔ̀-a mu̍ ìh kli̍hgbɛ̍ la ìh-a mu̍-a nɛ-ɛ wɔ̍i̍n wa̍n. Wɛ̀ mɔ̀ iě dǒ Nyi̍ɔ̍-a Jǔ jǔ i̍ nyna-a bɛ̌ɛ.”

Nu̍-dɛ̍ᵻ 20:31

Ɛ̍ tìh-ɛ, mɔ̀ tù mɔ̀-a chɛ̀ jlǐhɛ̍. Mɔ̀ nu̍ wlùh, dǒ sɔ̀nᵻ ta̍a̍n di̍i̍ kǎ ǎn sàɛ̀ jua̍i̍ sǔh iě ǎn po̍ mɔ̀-a due due nǎ wlù ke sɔ̀n.

2 Kɔwlɛntiɔn 5:3

Pò à nɛ dě ɛ̍ di̍i̍-ɛ, nɛ̀ à se̍ gbaǎn chɛn mu̍.

1 Tɛsoloniɔn 5:4

Jɛ à de̍di̍i̍ᵻ, mɔ̀ɔ̍ nɔ̀ɔ̍, mɔ̀ se̍ dě kwile-e nɛ. Weɛ̍ laa̍ ɛ̍ bɔ̌ mɔ̀ i̍ kèle-ɛ ka jlǐ-nyɔ̍-a kèle nyɔ̍ i̍-ɛ.

1 Tɛsoloniɔn 5:6

Nɛ̀ɛ̍, mɔ̀ à bɔ̌ nyɔ̍ duuh we̍ dɛ̍ mɔ̌-ɛ. Jɛ mɔ̀ à sà nyinɔ̍ jlǐh i̍, à iě jlǐh i̍ klihklǐh nɛ.

1 Pitɛ 4:7

Dɛ̍ᵻ kli̍hgbɛ̍ i̍h-a dlǔ i̍ chlà-a kɔǎn we̍ wɛ̀. Ɛ̍ tìh-ɛ, mɔ̀ po̍ mɔ̀-a chɛ̀ gba̍a̍, mɔ̀ iě mɔ̀-a chɛ̀ jlǐhɛ̍ tù, wɛ̀ mɔ̀ iě ba̍le-ɛ bɛ̌ɛ.

2 Pitɛ 3:10

Jɛ Joi-a ji̍-i weɛ̍ ke jlǐ-nyɔ̍-a dě gbò pa̍-a mu̍ wɔ̀ɛ. Dǒ weɛ̍ laa̍ di̍i̍-ɛ, ja̍u̍n-a tìh-a i̍ wɛ̀-ɛa mu̍ dě slɛ̀-ɛ jii. Nɛ̀ ɛ̍ we̍ na dɛ̍ᵻá mu̍ si̍n, wɛ̀ i̍h iě-e gbɔ̀lɔ-ɛ. Nɛ̀ blǔh ke ɛ̍ kɛ̍n i̍ na dɛ̍ᵻ kli̍hgbɛ̍-a mu̍ mǎ.

Wlɛfeleseɔn 22:7

Jusu la̍a̍, “Nɛ̀ɛ̍, ǎn mu̍ ji̍ suei̍. Chlǐh-dɛ̍ la dɛ̍ ɛ̍ sà-a ìh-a nɛ-a ke jih-a mu̍-a nɛ dě nya̍-ɛ, nyɔ̍ ùh gbɛ̍n-a ɛ̍ i̍-ɛ, nɛ̀ u̍h nmɔ i̍.”

Wlɛfeleseɔn 3:11

Ǎn mu̍ ji̍ suei̍. Tà mɔ̀ gbɛ̍n-a i̍-ɛ, dǒ mɔ̀ iě i̍ gbɛ̍n gba̍i̍ngba̍i̍n wɛ̀ nyɔ̍ dɔɔ je̍e mɔ̀-a blawɛ̌ mɔ̀ kwa̍a̍ sà.

Wlɛfeleseɔn 3:18

Ɛ̍ tìh-ɛ, ǎn tù mɔ̀ slɛ̌n mɔ̀ iě kòo̍ wlihwlǐh tɛ̀n nɔ̌ ǐn we̍, wɛ̀ mɔ̀ iě pàn. Mɔ̀ tɛ̀n jlii̍ plǔᵻ ke mɔ̀ iě-e pa̍. Wɛ̀ mɔ̀ iě dɛ̍ jǔ wlǎ, tɛ̀n-ɛ je̍e mɔ̀ nu̍. Mɔ̀ tɛ̀n kwɛ̍i̍n mɔ̀ iě jlǐh i̍ po̍, wɛ̀ mɔ̀ iě i̍ jě.