Wlɛfeleseɔn 16:14 - Ku̍o̍ Delee 1999

¹⁴ Jeědih ìh-a po̍-a jbaɛdih-ɛ bo. I̍h ple̍ blǔh baaᵻ kli̍hgbɛ̍ nɛ-a nɔ̌ kmɔ̌-ɛ we̍ i̍, i̍h iě u̍h tàdùè po̍. Wɛ̀ u̍h iě Nyɔsoa Ɔ̀ Blě-a Gbǐh Kli̍hgbɛ̍-ɛ we̍ fɔ̀n dǒ ɔ̍ wɔ̍n ku̍ weɛ̍ di̍i̍.

Wlɛfeleseɔn 16:14 Iomraidhean Croise

Matio 24:14

Nɛ̀ Nyɔsoa-a kmɔ̌ wlu̍ i̍ kɔn-ɛa pɔ̀n chɛ̀ la ɛ̍ tìh-a mu̍ bla̍-ɛ dě kmɔ̌ gbàǐ la we̍, nyɔ̍ kli̍hgbɛ̍ iě i̍h wɔ̌n. Wɛ̀ ti̍-a chlà-a iě ji̍-ɛ dǔ.

Matio 24:24

Dɛ̍nu̍ɛ, Nyɔsoa-a Chèɛ̀ Tba̍ju-a si̍h naɛ ke Nyɔsoa-a tu̍owli po̍ nyɔ̍-a si̍h naɛ-a mu̍ mɔ̀ kɛ̍n wlǔh-i, u̍h iě nyɔ̍ wɔ̍n flɔn-ɛ dɛ̍ᵻ ke jbaɛdih po̍, wɛ̀ u̍h iě nyɔ̍ i̍ boe. Nɛ̀ pò ɛ̍ nɛ ɛ̍ ka̍-ɛ, nyɔ̍-a chɛ̀ ùh Nyɔsoa tba̍-a chèɛ̀-ɛ, nɛ̀ u̍h-a mu̍ u̍h i̍ boe ke.

Pɔ̀n Chɛ̀ Maɛ To-a La 13:22

Dɛ̍nu̍ɛ, Nyɔsoa-a Chèɛ̀ Tba̍ju-a si̍h naɛ ke Nyɔsoa-a tu̍owli po̍ nyɔ̍-a si̍h naɛ-a mu̍ mɔ̀ kɛ̍n wlǔh-i, u̍h iě nyɔ̍ wɔ̍n flɔn-ɛ dɛ̍ᵻ ke jbaɛdih po̍, wɛ̀ u̍h iě nyɔ̍ i̍ boe. Nɛ̀ pò ɛ̍ nɛ ɛ̍ ka̍-ɛ, nyɔ̍ ùh Nyɔsoa tba̍-a chèɛ̀-ɛ, nɛ̀ u̍h-a mu̍ u̍h i̍ boe ke.

Pɔ̀n Chɛ̀ Luu To-a La 2:1

Dǒ ti̍ laa̍ di̍i̍ bo Wloma nyɔ̍-a Bloa̍ Joi Akɔslɔ poe telě u̍h iě nyɔ̍ kli̍hgbɛ̍ nɛ-a dǒ blǔh laa̍ kɛ̍n-ɛ slè.

Chɔɔn 8:44

Mɔ̀ kɔn dǒ mɔ̀ baa Kǔ we̍. Ɛ̍ wlùh nu̍ tìh bo mɔ̀-a sì. Ɛ̍ nu̍ nyɔ̍ gbe̍ja̍a̍ poe nyɔ̍ ma̍u̍. Ɛ̍ dounᵻ se̍-e tìh-a taǐn we̍ nɛ, dɛ̍nu̍ɛ, tìh-a taǐn se̍ dě ɛ̍ ja̍a̍ nɛ. Ɛ̍ ja la̍ si̍h tmɔ̌-ɛ, nɛ̀ ɛ̍ tè-e ɛ̍ chɛ̀-a wlùh i̍. Dɛ̍nu̍ɛ, ɛ̍-ɛ si̍h tmɔ̌ nyɔ̍, iě ɛ̍ nu̍ si̍h tmɔ̌-ɛa baa.

Wloma 1:8

Sàǐtòò-ɛ, ǐn po̍ ǎn Nyɔsoa tlɔ̌ dě Jusu Klai ja̍a̍ dǒ mɔ̀ kli̍hgbɛ̍ we̍. Dɛ̍nu̍ɛ, mɔ̀-a wlùh gbaɛ blě pɔ̀n wɔ̀ kmɔ̌ kli̍hgbɛ̍ la dlǔ.

2 Tɛsoloniɔn 2:9

Nɛ̀ Nyɔ̍ Sɔ̀n-a mu̍ ji̍ dǒ Setɔn-a gbǐh ke ɔ̍ nu̍-dɛ̍ᵻ we̍. Wɛ̀ ɔ̍ iě nyɔ̍ i̍ boe jbaɛdih ke, dɛ̍ᵻ klaaᵻ ke nyɔ̍ wɔ̍n flɔn-ɛ dɛ̍ᵻ nu̍,

1 Timote 4:1

Nyɔsoa-a Sùù sà ɛ̍-ɛ te̍gbe̍i̍n ka nyɔ̍ duuh-a mu̍-a wlùh gbaɛ kɛ̍n i̍ poe dě nya̍-ɛ, wɛ̀ u̍h iě kǔ sùù ìh-a boe-a nyɔ̍ i̍-ɛ dounᵻ we̍ po̍, u̍h iě i̍h-a nǎ po̍ wlu̍ de̍e̍ gbǎ.

Chiin 3:15

Flɔ̍nwlùh kaɛn la, nɛ̀ ɛ̍ se̍ dě ja̍i̍wlɔ̀ sɔ. Kmɔ̌ naɛ flɔ̍nwlùh bo. Ɛ̍ se̍ dě Nyɔsoa we̍ sɔ, dě Kǔ we̍ bo ɛ̍ sɔ-ɔ.

1 Chɔɔn 5:19

À juo ɛ̍-ɛ, àɔ̀ nɔ̀ɔ̍, à sɔ dě Nyɔsoa we̍, jɛ kmɔ̌ gbài̍ la Nyɔ̍ Sɔ̀n bo ɔ̀ kɔn ɛ̍ wlu̍ i̍.

Wlɛfeleseɔn 12:9

Wɛ̀ wɔ̍n ku̍ dɔ̍sɛ laa̍ ɛ̍ poe-ɛ sɔ̀n. Tɛin tɛin sɛ̍ bo, iě ɛ̍ nynɛ̌ nu̍ Kǔ ke Setɔn. Ɛ̍ bo ɛ̀ nu̍ kmɔ̌ kli̍hgbɛ̍ i̍ boe nyɔ̍. Ɛ̍ poe-ɛ sɔ̀n nɔ̌ bloɔ̍, ɛ̍ ke ɛ̍ ǐnchɔ̀ kli̍hgbɛ̍ ke.

Wlɛfeleseɔn 13:3

Nmi̍ɛ̍-a chɛ̀, chìè nɛ-a dǒ ɛ̍ dlǔ due pùn-ɛ, ɛ̍ wɔ̀ tba̍-a dɛ̍ ɛ̀ gba̍-a nyɔ̍ dbǎ-a tai-ɛ, jɛ ɛ̍ bɔ̌ wɛ̀. Sɔ ɛ̍ flɔn-ɛ bloa̍ kli̍hgbɛ̍ wɔ̍n iě u̍h gbǎ dǒ nmi̍ɛ̍ laa̍ de̍e̍.

Wlɛfeleseɔn 16:16

Wɛ̀ jeědih laa̍ i̍h po̍ blǔh baaᵻ laa̍ tàdùè dǒ tà kɔn nynɛ̌ nu̍-a Amakedan dě Iblu wlu̍ di̍i̍-ɛ.

Wlɛfeleseɔn 16:7

Iě ǐn wɔ̌n wlu̍ dɛɛ ɛ̍ sɔ dǒ slaǎ sà gblǒ kɛ̍n. Ɛ̍ la̍a̍, “Joi Nyɔsoa, mɔ̀ Ɔ̀ Blě-a Gbǐh Kli̍hgbɛ̍-ɛ, àn nyɔ̍ kàn gbɛ̍n-ɛ slɛ̌ i̍, iě ɛ̍ nu̍ tìh-a taǐn.”

Wlɛfeleseɔn 17:14

I̍h-a mu̍ Blawɛ̌ Jǔ tu̍h we̍ pa̍-ɛ, wɛ̀ Blawɛ̌ Jǔ iě i̍h du̍. Dɛ̍nu̍ɛ, ɔ̍ nu̍ Joi dǒ joi kli̍hgbɛ̍ kɛ̍n, wɛ̀ ɔ̍ nu̍ Blǔh Baa dǒ blǔh baaᵻ kli̍hgbɛ̍ kɛ̍n. Nyɔ̍ ke ɔ̍ na-aɛ u̍h dǎ-ɛ, iě u̍h tba̍-ɛ chèɛ̀, wɛ̀ u̍h gbaɛ ɔ̍ wlùh.”

Wlɛfeleseɔn 20:8

Nɛ̀ ɛ̍ mu̍ mu̍ ɛ̍ iě bloa̍ kli̍hgbɛ̍ nɛ-a nɔ̌ kmɔ̌ we̍-ɛ i̍ boe. Bloa̍ la i̍h-a nynɛ̌ nu̍ Kɔki ke Makɔ. I̍hɔ̍ɔ̍ bo Setɔn-a mu̍ tàdùè po̍ i̍h iě tu̍h fɔ̀n la̍ mu̍. Ka jbǒ penɔ̍ɔ̍ tìè-aɛ, kǎ i̍h-a nyɔ̍ bɛ̌ɛ u̍h iě tìè.

Wlɛfeleseɔn 3:10

Ǎn mu̍ mɔ̀ kɛ̍n kaɛn dǒ jua̍i̍ sàɛ̀ ɛ̀ mu̍-a kmɔ̌ kli̍hgbɛ̍ la we̍ ji̍ ɛ̀ iě-a nyɔ̍ kli̍hgbɛ̍ nɛ-a nɔ̌ blǔh la kɛ̍n-ɛ tɛ̀n-ɛ we̍. Dɛ̍nu̍ɛ, mɔ̀ nu̍ ǎn wlu̍ dǒ mɔ̀-a wlùh i̍ gbɛ̍n-ɛ ke mɔ̀-a dě klì i̍ ku̍-ɛ di̍i̍.

Wlɛfeleseɔn 6:17

Dɛ̍nu̍ɛ, u̍h-a jlu̍h-a wɔ̍n ku̍ weɛ̍ ɛ̀ nu̍-a u̍h-a nyɔ̍ kàn gbɛ̍n weɛ̍-ɛ nyni̍-o wɛ̀. Nɛ̀ nyɔ̍ se̍-o tàn-a bɛ̌ɛ dɛ.”