Wlɛfeleseɔn 16:10 - Ku̍o̍ Delee 1999

¹⁰ Iě ǐnchɔ̀-a m̀m̌ naɛ chɛ̌li ɛ̍ boo̍ dǒ nmi̍ɛ̍-a nynɛ̌ gbalǎ kɛ̍n. Wɛ̀ ɛ̍ kmɔ̌ wlu̍ i̍ kɔn-ɛ gbǎ dě kwile di̍i̍, iě nyɔ̍gbei-a di̍ nynɛ̌ dǒ jua̍i̍ sàɛ̀ we̍.

Wlɛfeleseɔn 16:10 Iomraidhean Croise

Matio 13:42

Wɛ̀ i̍h iě u̍h dě kàn nɛ̍ di̍i̍ po̍. Dě u̍h-a mu̍ nɛ u̍h iě fìn, u̍h iě nynɛ̌ di̍ kìàǎnkìàǎn.

Matio 13:50

Wɛ̀ i̍h iě gblɛ̍n sɔ̀ɛ̀n nyɔ̍ dě kàn nɛ̍ di̍i̍ po̍. Dě u̍h-a mu̍ nɛ u̍h iě fìn, u̍h iě nynɛ̌ di̍ kìàǎnkìàǎn.”

Matio 22:13

Wɛ̀ blǔh baa la̍a̍ dě ɔ̍ pòi̍nynuu̍ we̍, ‘Mɔ̀ sa̍n ɔ̍ bu̍hᵻ ke ɔ̍ sɔ̍nᵻ. Nɛ̀ mɔ̀ po̍ ɔ̍ sɔ̀n dě kwile. Dě ɔ̍ mu̍ fìn-i, ɔ̍ iě nynɛ̌ di̍ kìàǎnkìàǎn.’

Matio 24:51

Nɛ̀ ɔ̍ dlǔtu-a mu̍ ɔ̍ dě kàn gbèèɛ̀ po̍ dě nyɔ̍ ùh nɛ-a mɛɔ sɔɔ̌n wɔ̍ɔ̍n-ɛ nynɛ̌. Dě ɔ̍ mu̍ nɛ ɔ̍ iě fìn, ɔ̍ iě nynɛ̌ di̍ kìàǎnkìàǎn.”

Matio 8:12

Sɔ nɛ̀ nyɔ̍ ùh kɔn ùh iě-a dě Nyɔsoa-a kmɔ̌ wlu̍ i̍ kɔn-ɛ di̍i̍ nɛ de-ɛ, u̍h-a mu̍ sɔ̀n poe-ɛ dě kwile-e. Dě u̍h-a mu̍ nɛ u̍h iě fìn, u̍h iě nynɛ̌ di̍ kìàǎnkìàǎn.”

Pɔ̀n Chɛ̀ Luu To-a La 13:28

Mɔ̀-a mu̍ Eblaɛɛn ke, Ase ke, Jekɔ ke, Nyɔsoa-a tu̍owli po̍ nyɔ̍ kli̍hgbɛ̍ jě dě Nyɔsoa-a kmɔ̌ wlu̍ i̍ kɔn-ɛ di̍i̍ wɛ̀ mɔ̀ iě nɔ̌ sɔ̀n sie-ɛ. Dě mɔ̀-a mu̍ fìn-i, mɔ̀ iě nynɛ̌ di̍ kìàǎnkìàǎn.

1 Pitɛ 2:17

Mɔ̀ tè nyɔ̍ kli̍hgbɛ̍ ja̍. Mɔ̀ jbɛɛ mɔ̀ ba̍ᵻ Nyɔsoa nyɔ̍. Mɔ̀ jě Nyɔsoa gbiǐh, nɛ̀ mɔ̀ tè Bloa̍ Joi ja̍.

Wlɛfeleseɔn 11:10

Nɛ̀ blǔh nyɔ̍-a mu̍ mɔna̍-a gbǎ ùh sɔɔ̌n la u̍h-a mɛ̌ɛ tìh. U̍h-a mu̍ ɛ̍ peě nu̍, wɛ̀ u̍h iě dɛ̍ we̍ nyǐ-iɛ. Dɛ̍nu̍ɛ, tu̍owli po̍ nyɔ̍ sɔɔ̌n la u̍h dǔ wlɔ̀ nyi̍ɔ̍ jua̍i̍ sàɛ̀-ɛ se̍e̍.

Wlɛfeleseɔn 11:2

Jɛ bɔ̌ slaǎ sà gbò-a gbaɛ̍we̍ nɛ-a nɔ̌ sɔ̀n ka-a dbee-ɛ. Tǎli ɛ̍ i̍, dɛ̍nu̍ɛ, ɛ̍ sà-ɛ kwlǎ wɛ̀ dě nyɔ̍ ùh se̍-a ǐn juo-ɛ we̍. U̍h-a mu̍ tùgbàwlɔ̀ ɛ̀ kɔn-a dǒ Nyɔsoa we̍-ɛ kɛ̍n i̍ na dǒ chǔhᵻá kwela nyìɛ̍ jɔ̌ sɔɔ̌n (42) di̍i̍.

Wlɛfeleseɔn 11:8

Wɛ̀ u̍h-a kǔᵻ iě gbaɛ̍we̍ i̍ pɛ̌n-ɛ dǒ tùgbàwlɔ̀ di̍i̍, tà u̍h-a Joi kɔ̍-ɛa dǒ gbàɛ̍ kɛ̍n i̍ tu̍ wlì-ɛ. Tùgbàwlɔ̀-a chɛ̀ ɛ̍ i̍ blaɛ nynɛ̌ nu̍ Sɔdɔm wlɔ̀ ke Iche bloa̍.

Wlɛfeleseɔn 17:17

Nyɔsoa po̍ ɛ̍ dě i̍h wlùh we̍ i̍h iě ɔ̍ wlùh dɛ̍ nu̍ dǒ i̍h-a wlùh-a due nɛ-ɛ we̍, wɛ̀ i̍h iě i̍h-a gbǐh nmi̍ɛ̍ nyǐ ɛ̍ iě nyɔ̍-a wlu̍ kwa̍ blě te̍e̍ wɛ̀ Nyɔsoa-a wlu̍ iě kɛ̀ǐn gbǎ.

Wlɛfeleseɔn 17:9

“Ɛ̀ la flɔ̍nwlùh ke dɛ̍ɛ̍ i̍ wɔ̌n-ɛ bo ɛ̍ jbǎ. Ɛ̍ dlǔᵻ mɛ̀sɔɔ̌n laa̍ tlu̍hᵻ mɛ̀sɔɔ̌n bo, i̍h kɔn kɛ̍n bo nynɔ̌ tè i̍. I̍h-i bo ìh nu̍ blǔh baaᵻ mɛ̀sɔɔ̌n ke.

Wlɛfeleseɔn 18:2

Wɛ̀ ɛ̍ we̍le, ɛ̍ la̍a̍, “Babeloun wlɔ̀ wa̍ wɛ̀. Ɔ̀ ku̍-a wɔ̍n de-ɛ, ɔ̍ wa̍ wɛ̀. Dǒ ɔ̍ di̍i̍ nu̍ jeědih-a tǐn la̍-a wɛ̀. Ɛ̍ nu̍ kà kɔn jeědih ke na̍wɛ̍ᵻ ìh nyɔ̍gbei faɛn-aɛ, i̍h-a tǐn la̍-a wɛ̀.

Wlɛfeleseɔn 18:21

Wɛ̀ kmu-u ǐnchɔ̀ dǔ sɔɔ̌ ɛ̀ ke dui-sɔɔ̌ klaa beɛ̍ɛ-aɛ, iě ɛ̍ po̍ ɛ̍ jbǒ kɛ̍n. Wɛ̀ ɛ̍ la̍a̍, “Kǎ Babeloun ɛ̀ nu̍-a tùgbàwlɔ̀ klaa-ɛ, ɔ̍ kloǒ-a mu̍ wa̍-a nu̍. Nɛ̀ ɔ̍ se̍ jě-ɛ mu̍ dɛ kleǐnklein.

Wlɛfeleseɔn 18:23

Chlǎn nape̍-a sɔ̀npli se̍ gba̍ fa̍n dɛ dǒ ìn di̍i̍. Nynɔ̌ delee ke kɔan delee-a wlu̍ se̍ gba̍ wɔ̌n-ɛ mu̍ dɛ dǒ ìn di̍i̍. Àn pɛlǔh po̍ nyɔ̍ bo ùh ku̍ wɔ̍n de nɔ̌ kmɔ̌ kli̍hgbɛ̍ la we̍, wɛ̀ àn wù po̍-ɛ boe bloa̍ kli̍hgbɛ̍ i̍.”

Wlɛfeleseɔn 8:12

Wɛ̀ ǐnchɔ̀-a nyìɛ̍ naɛ bla̍ ɛ̍ dɔ̍gbɛ̍, iě jlǔh-a fɔ̌ᵻ nɛ-a ta̍a̍n-ɛ, i̍h-a due tba̍-ɛ dɛ̍. Iě chǔh-a fɔ̌ᵻ nɛ-a ta̍a̍n i̍h-a due ke chǔhtlɛ̀n-a fɔ̌ᵻ nɛ-a ta̍a̍n-ɛ, i̍h-a due tba̍-ɛ dɛ̍ ke. Ɛ̍ kɔn i̍h-a sɔ̀npli-a fɔ̌ᵻ nɛ-a ta̍a̍n-ɛ, i̍h-a due due mɔ̌ i̍. Wɛ̀ weɛ̍-a fɔ̌ᵻ nɛ-a ta̍a̍n-ɛ, jlǔh se̍ i̍h-a due kɛ̍n i̍ fa̍n-ɛ. Wlù-a fɔ̌ᵻ nɛ-a ta̍a̍n-ɛ, chǔh ke chǔhtlɛ̀n se̍ i̍h-a due kɛ̍n i̍ fa̍n-ɛ.

Wlɛfeleseɔn 9:2

Wɛ̀ ɛ̍ pɔ̀ni kàn biě laa̍ wɔ̍i̍n, iě daluh dɔu sɔ dě ɛ̍ di̍i̍ ka nɛ̍ gbà klaa-a daluh-ɛ. Wɛ̀ daluh ɛ̀ sɔ-a dě kàn biě laa̍ di̍i̍-ɛ, iě ɛ̍ nu̍ jlǔh ke dě ja̍i̍-a plìplì.