Wlɛfeleseɔn 15:4 - Ku̍o̍ Delee 1999

⁴ Joi, nyɔ̍ kli̍hgbɛ̍-a mu̍ ìn ja̍ tè, u̍h iě àn nynɛ̌ i̍ bɛ̌-ɛ. Dɛ̍nu̍ɛ, ìn nɛ due bo ɔ̀ wɛ̀ nɛi̍. Bloa̍ kli̍hgbɛ̍-a mu̍ ji̍, wɛ̀ u̍h iě ìn wɛɛ sà. Dɛ̍nu̍ɛ, nyɔ̍ kli̍hgbɛ̍ jě ɛ̍ wɛ̀ ka àn nu̍-dɛ̍ᵻ slɛ̌-a i̍-ɛ.”

Wlɛfeleseɔn 15:4 Iomraidhean Croise

Wloma 15:9

Wɛ̀ ùh se̍-a Juu nyɔ̍-ɛ u̍h iě Nyɔsoa-a nynɛ̌ i̍ bɛ̌-ɛ ɔ̍ wɔɛ kɔn tìh. Ɛ̍ kɔn Nyɔsoa-a wlu̍ la̍a̍, “Ɛ̍ tìh-ɛ, ǎn mu̍ àn nynɛ̌ i̍ bɛ̌-ɛ dě ùh se̍-a Juu nyɔ̍-ɛ nynɛ̌, nɛ̀ ǎn mu̍ ìn we̍ i̍ ble̍-e.”

1 Pitɛ 1:16

Ɛ̍ kɔn Nyɔsoa-a wlu̍ la̍a̍, “Mɔ̀ wɛ̀ nɛi̍, dɛ̍nu̍ɛ, ǐn wɛ̀ nɛi̍.”

Wlɛfeleseɔn 11:15

Wɛ̀ Nyɔsoa-a ǐnchɔ̀-a mɛ̀sɔɔ̌n naɛ bla̍ ɛ̍ dɔ̍gbɛ̍. Iě we̍le wlu̍ klaa sɔ dě ja̍i̍wlɔ̀, ɛ̍ la̍a̍, “Nyɔ̍-a wlu̍ kwa̍ blě-ɛ ɛ̀ nɛ-a nɔ̌ kmɔ̌ we̍-ɛ, ɛ̍ kɔn dǒ à Joi ke ɔ̍ Chèɛ̀ Tba̍ju we̍ wɛ̀. Ɔ̍ mu̍ nyɔ̍-a wlu̍ kwa̍ blě nɔ̌ kmɔ̌-a kmɔ̌.”

Wlɛfeleseɔn 14:7

Iě ɛ̍ we̍le, ɛ̍ la̍a̍, “Mɔ̀ tè Nyɔsoa ja̍, nɛ̀ mɔ̀ bɛ̌-ɛ ɔ̍ nynɛ̌ i̍, dɛ̍nu̍ɛ, ti̍ nyni̍ wɛ̀ ɔ̍ iě nyɔ̍ kli̍hgbɛ̍-a taɔ pa̍. Mɔ̀ sà ɔ̍ wɛɛ. Ɔ̍-ɔ bo ɔ̀ nu̍ bloa̍ ke, ja̍i̍wlɔ̀ ke, jbǒ ke kao̍dluᵻ.”

Wlɛfeleseɔn 16:5

Wɛ̀ ǐn wɔ̌n nǐ wlu̍ i̍ kɔn ǐnchɔ̀-a wlu̍. Ɛ̍ la̍a̍, “Nɛi̍ Wɛ̀ Nyɔ̍, mɔ̀ ɔ̀ nɛ-a wɛ̀ ɔ̀ nɛ-a kmɔ̌ se̍e̍-ɛ, kàn gbɛ̍n-ɛ ìn dbo̍-aɛ, ɛ̍ slɛ̌ i̍.

Wlɛfeleseɔn 16:7

Iě ǐn wɔ̌n wlu̍ dɛɛ ɛ̍ sɔ dǒ slaǎ sà gblǒ kɛ̍n. Ɛ̍ la̍a̍, “Joi Nyɔsoa, mɔ̀ Ɔ̀ Blě-a Gbǐh Kli̍hgbɛ̍-ɛ, àn nyɔ̍ kàn gbɛ̍n-ɛ slɛ̌ i̍, iě ɛ̍ nu̍ tìh-a taǐn.”

Wlɛfeleseɔn 19:2

Ɔ̍ nyɔ̍ kàn gbɛ̍n-ɛ slɛ̌ i̍ iě ɛ̍ nu̍ tìh-a taǐn. Kàìà nynɔ̌ klaa ɔ̀ nyni-a bloa̍ jii̍ dǒ ɔ̍ gbǎn nu̍-ɛ we̍-ɛ, ɔ̍ sà ɔ̍ kɛ̀n wɛ̀. Nyɔsoa gbɛ̍n ɔ̍ kàn wɛ̀, dɛ̍nu̍ɛ, ɔ̍ dbǎ ɔ̍ pòi̍nynuu̍.”

Wlɛfeleseɔn 19:8

Ɔ̍ nyǐ-ɛ flɛmɛ̍ wlihwlǐh ɛ̀ fa̍n-aɛ wɛ̀ ɔ̍ iě-e pa̍.” Dɛ̍nu̍ɛ, flɛmɛ̍ bo ɛ̀ nu̍ Nyɔsoa nyɔ̍-a nu̍-dɛ̍ᵻ ìh slɛ̌-a i̍-ɛ.

Wlɛfeleseɔn 3:7

Wɛ̀ ɔ̍ la̍a̍ dě ǐn we̍, “Chlǐh Nyɔsoa-a ǐnchɔ̀ ɛ̀ nɛ-a dě Feledɛɛfia wlɔ̀-a chɔchi̍h-ɛ we̍. Nɛ̀ nàa̍, “Tu̍owli la nyɔ̍ ɔ̀ wɛ̀-a nɛi̍ ɔ̀ nu̍-a gblangbai̍ nyɔ̍-ɛ, dě ɔ̍ we̍ ɛ̍ sɔ-ɔ. Ɔ̍ blě Depe-a kɔɛ̍n. Ɔ̍ pɔ̀ni gbò wɔ̍i̍n-ɛ, nɛ̀ nyɔ̍ se̍ ɛ̍ wɔ̍i̍n ka̍n-a bɛ̌ɛ, iě pò ɔ̍ ka̍n ɛ̍ wɔ̍i̍n-ɛ, nɛ̀ nyɔ̍ se̍ ɛ̍ pɔ̀ni-ɛ bɛ̌ɛ.

Wlɛfeleseɔn 4:8

Kmɔ̌ nɛ dɛ̍ᵻ nyìɛ̍ laa̍, i̍h-a jɛ-ɛ nɛ̀ ɛ̍ blě gbawaᵻ mɛ̀o̍, nɛ̀ ɛ̍ ku̍ kli̍hgbɛ̍ nu̍ jlǐh-a sǔh. Dě i̍h wɛna̍ sɔ̀n bei kli̍hgbɛ̍ nu̍ jlǐh. I̍h-i bɔ̌ ble̍-ɛ wlù ke sɔ̀n. I̍h-a ble̍-wlu̍ la̍a̍, “Mɔ̀ bo ɔ̀ wɛ̀ nɛi̍, ɔ̀ nu̍-a Joi Nyɔsoa Ɔ̀ Blě-a Gbǐh Kli̍hgbɛ̍, ɔ̀ nɛ-a kmɔ̌ se̍e̍, ɔ̀ nɛ-a wɛ̀ ɔ̀ mu̍-a ji̍-ɛ.”

Wlɛfeleseɔn 6:10

Wɛ̀ u̍h we̍le, u̍h la̍a̍, “Gbǐh Kɔn Joi mɔ̀ wɛ̀-a nɛi̍ wɛ̀ ìn nu̍-a gblangbai̍ nyɔ̍-ɛ, ti̍we̍ àn mu̍ nyɔ̍ nɛ-a dě kmɔ̌ we̍-ɛ kɛ̀n sà wɛ̀ ìè u̍h kàn gbɛ̍n à dbǎ-a tìh ɛ?”