Wlɛfeleseɔn 15:2 - Ku̍o̍ Delee 1999

² Wɛ̀ ǐn jě dɛ̍ ɛ̀ wɔ̀-a jbǒ ɛ̀ nui-a klàsi̍-ɛ, nɛ̀ ɛ̍ sìàɛ̍n nɛ̍-ɛ. Iě ǐn jě nyɔ̍ ùh du̍-a nmi̍ɛ̍ ke ɛ̍ mɛ̍-dɛ̍-ɛ, ɛ̍ ke ɛ̍ nynɛ̌-a namà ke. Nɛ̀ u̍h nynaɛ jbǒ ɛ̀ wɔ̀-a klàsi̍ laa̍ wɔ̍n iě u̍h blě kain kwa̍, ìh Nyɔsoa nyǐ-a u̍h-ɛ.

Wlɛfeleseɔn 15:2 Iomraidhean Croise

Matio 3:11

Ǎn po̍ mɔ̀ nǐ dlǔ dǒ nǐ we̍ ɛ̍ iě ɛ̍ to ka mɔ̀ poe-a mɔ̀-a gblɛ̍n sɔ̀ɛ̀n kɛ̍n i̍-ɛ. Jɛ jɔ mu̍-a ǐn kɛ̍n i̍ ji̍-ɛ, ɔ̍ gbǐh bɛ̌ i̍ ɛ̍ sìì naɛ̍. Ǎn chɛ̀ ǐn se̍ i̍ blaɛ iě ɔ̍ bu̍hdih-a chɛ̀ kwa̍ blě. Ɔ̍ nɔ̀ɔ̍, ɔ̍ mu̍ mɔ̀ nǐ dlǔ po̍ dǒ Nyɔsoa-a Sùù ke nɛ̍ we̍.

1 Pitɛ 1:7

Ìh la i̍h-a nɛ-ɛ wɛ̀ ɛ̍ iě ɛ̍ to ka mɔ̀ blě-a wlùh gbaɛ chɛ̀ɛ̌chɛ̀-ɛ. Kòo̍ jih-a gbɔ̀lɔ-aɛ, i̍h bo u̍h-a tɛ̀n dǒ nɛ̍ we̍. Jɛ mɔ̀-a wlùh gbaɛ-ɛ jɛ gbǎ-a dɛ̍kɛ̍n ɛ̀ sìì-a kòo̍-ɛ, ɛ̍ bo ɛ̀ se̍-e tɛ̀n-ɛ mu̍ ae? Ɛ̍ mu̍-u tɛ̀n-ɛ wɛ̀ ɛ̍ iě i̍ ku̍, nɛ̀ ti̍ Jusu Klai-a mu̍-a nyɔ̍ kli̍hgbɛ̍ kɛ̍n wlǔh-iɛ, wɛ̀ mɔ̀ iě tìhwe̍ po̍-ɛ ke, tìh-a i̍ bɛ̌-ɛ ke ja̍ tè-ɛ jě.

1 Pitɛ 4:12

Ǎn tìh kma nyɔ̍, i̍ tɛ̀n-ɛ ja mɔ̀ jua̍i̍ sàɛ̀-ɛ, ɛ̍ bɔ̌ mɔ̀ i̍ kèle-ɛ, ka dɛ kaɛn nɛ nyɔ̍ jii-ɛ.

Wlɛfeleseɔn 12:11

À de̍di̍i̍ᵻ du̍ ɛ̍ wɛ̀ dǒ Blawɛ̌ Jǔ-a nymɔ̍ ke tìh-a taǐn tu̍owli u̍h po̍-a we̍. Iě u̍h sà u̍h-a feɛ kwlǎ u̍h iě mɛ̌.

Wlɛfeleseɔn 13:1

Wɛ̀ ǐn jě nmi̍ɛ̍ nɛ̀ ɛ̍ sɔ dě jbǒ wlù. Ɛ̍ blě gbɔ̀nᵻ pùè ke dlǔᵻ mɛ̀sɔɔ̌n. Ɛ̍ gbɔ̀n jɛ-ɛ, nɛ̀ ɛ̍ tèè blawɛ̌. Ɛ̍ dlǔ jɛ-ɛ, nɛ̀ Nyɔsoa wɔ̍n blaɛ nynɛ̌ chlǐh-ɛ dǒ ɛ̍ pùn.

Wlɛfeleseɔn 13:14

Wɛ̀ ɛ̍ boe kmɔ̌ nyɔ̍ kli̍hgbɛ̍ i̍ dǒ jbaɛdih ɛ̍ sà-ɛa wlu̍ kɛ̍n iě ɛ̍ po̍-a dǒ sàǐtòò nmi̍ɛ̍ jlǐhwai-ɛ we̍. Wɛ̀ ɛ̍ po̍ nyɔ̍ kli̍hgbɛ̍ slǔh u̍h iě dɛ̍ mɛ̍ dǒ sàǐtòò nmi̍ɛ̍ la we̍, ɛ̀ plàn chlɛ̀n tba̍-a de iě ɛ̍ nɛ-a kmɔ̌ ke̍-ɛ.

Wlɛfeleseɔn 13:17

Nyɔ̍ se̍ dɛ̍ tɛ̀n-ɛ àe̍e̍ dɛ̍ ple̍-ɛ bɛ̌ɛ mu̍ pò ɔ̍ se̍ sàǐtòò nmi̍ɛ̍-a juola la blě-ɛ. Juola la ɛ̍ nyna i̍ dǒ nmi̍ɛ̍ la ɛ̍ nynɛ̌ wɔ̀ɔ̀, ɛ̍ ke ɛ̍ nynɛ̌-a namà ke.

Wlɛfeleseɔn 21:18

Dɛ̍kɛ̍n gbǎ sɔɔ̌ᵻá tu̍ due bo u̍h poe saǎn laa̍. U̍h poe wlɔ̀ nɔ̀ɔ̍ kòo̍-a sǔh iě ɛ̍ nɛ wlihwlǐh ka klàsi̍-ɛ.

Wlɛfeleseɔn 4:6

Dǒ nynɛ̌ gbalǎ laa̍ jǔ dǒ dɛ̍ nyna i̍, ɛ̍ wɔ̀ jbǒ ɛ̀ nui-a klàsi̍-a sǔh-ɛ. Nɛ̀ kmɔ̌ nɛ dɛ̍ᵻ nyìɛ̍ dlɛ̌ nynɛ̌ gbalǎ-a chɛ̀. Dǒ i̍h wlì ke i̍h kɛ̍ɛ̍n nu̍ jlǐh-a sǔh.

Wlɛfeleseɔn 5:8

Ɔ̍ wɔ̀-a chlǐh-dɛ̍-a gbo̍lo̍ laa̍ dǔ-ɛ, iě kmɔ̌ nɛ dɛ̍ᵻ nyìɛ̍ ke nyɔ̍ klaaᵻá kwela sɔɔ̌n jɔ̌ nyìɛ̍ laa̍ kèàɛ i̍ dǒ Blawɛ̌ Jǔ-a chɛ̀ jǔ. Jɔ-ɛ nɛ̀ ɔ̍ blě kain kwa̍, iě u̍h blě kòo̍ boo̍ᵻ kwa̍ i̍ ìh fɔ̍n-ɔ nɔ̌-dɛ̍ᵻ jǐ-a dě di̍i̍-ɛ. Nɔ̌-dɛ̍ᵻ laa̍ bo ìh nu̍ Nyɔsoa nyɔ̍-a ba̍le wlu̍.