Wlɛfeleseɔn 14:7 - Ku̍o̍ Delee 1999

⁷ Iě ɛ̍ we̍le, ɛ̍ la̍a̍, “Mɔ̀ tè Nyɔsoa ja̍, nɛ̀ mɔ̀ bɛ̌-ɛ ɔ̍ nynɛ̌ i̍, dɛ̍nu̍ɛ, ti̍ nyni̍ wɛ̀ ɔ̍ iě nyɔ̍ kli̍hgbɛ̍-a taɔ pa̍. Mɔ̀ sà ɔ̍ wɛɛ. Ɔ̍-ɔ bo ɔ̀ nu̍ bloa̍ ke, ja̍i̍wlɔ̀ ke, jbǒ ke kao̍dluᵻ.”

Wlɛfeleseɔn 14:7 Iomraidhean Croise

Matio 25:13

“Ɛ̍ tìh-ɛ, mɔ̀ tù mɔ̀-a chɛ̀ jlǐhɛ̍, dɛ̍nu̍ɛ, mɔ̀ se̍ weɛ̍ ke ti̍ Joi-a mu̍-a ja-ɛ juo.”

Pɔ̀n Chɛ̀ Luu To-a La 17:18

Dɛ̍nu̍ dakɔ̍ pàìn la wɛ̀ ɔ̍ nɛ due-a ji̍ de̍ ɔ̍ iě Nyɔsoa tlɔ̌ po̍ ɛ?”

Nu̍-dɛ̍ᵻ 14:15

“Dɛ̍nu̍ mɔ̀-a nu̍ dɛ̍ la ɛ? Àɔ̀ la ka mɔ̀ nu̍-a wlɔ̀ nyi̍ɔ̍-ɛ, kǎ à nɛ ke. À nɛ da̍a à iě pɔ̀n chɛ̀-a tìh bla̍ dě mɔ̀ we̍. À sèàɛ̍ mɔ̀ wlùh mɔ̀ iě pɔ̀ɔ̍pìe̍ dɛ̍ᵻ la kɛ̍n i̍ poe, wɛ̀ mɔ̀ iě dě kmɔ̌ nɛ Nyɔsoa we̍ i̍ bǐi. Nyɔsoa bo ɔ̀ nu̍ blǔh ke ja̍u̍n ke jbǒ, ɛ̍ ke dɛ̍ᵻ kli̍hgbɛ̍ nɛ-a dě i̍h di̍i̍-ɛ ke.

1 Pitɛ 4:7

Dɛ̍ᵻ kli̍hgbɛ̍ i̍h-a dlǔ i̍ chlà-a kɔǎn we̍ wɛ̀. Ɛ̍ tìh-ɛ, mɔ̀ po̍ mɔ̀-a chɛ̀ gba̍a̍, mɔ̀ iě mɔ̀-a chɛ̀ jlǐhɛ̍ tù, wɛ̀ mɔ̀ iě ba̍le-ɛ bɛ̌ɛ.

Wlɛfeleseɔn 11:13

Dǒ ti̍-a taǐn laa̍ di̍i̍-ɛ, wɛ̀ wlù poɔ klaa ji̍. Iě tùgbàwlɔ̀ laa̍ ɛ̍ fɔ̌ᵻ pùè ɛ̍ blě-aɛ, wɛ̀ i̍h-a fɔ̌ due wlǎ. Wɛ̀ nyɔ̍-a wlǔ mɛ̀sɔɔ̌n (7,000) mɛ̌ dǒ wlù poɔ laa̍ we̍. Nyɔ̍ juh tàn-oɛ, u̍h gbǎ faɔn kaa̍ iě u̍h bɛ̌-ɛ Nyɔsoa-a nynɛ̌ i̍ ɔ̀ nɛ-a dě ja̍i̍wlɔ̀-ɛ.

Wlɛfeleseɔn 11:18

Nyɔ̍ ùh se̍-a ìn juo-ɛ u̍h gbǎ jlu̍h-u wɛ̀, iě ɛ̍ nu̍ nàɛ̀ jlu̍h ti̍ wɛ̀, mɛ̌-nyɔ̍ iě sàwi̍h sì. Ti̍ nyni̍ wɛ̀ àn pòi̍nynuu̍ iě ìn dɛ̍ kwa̍a̍ jě, ùh nu̍-a tu̍owli po̍ nyɔ̍-ɛ, ɛ̍ ke àn nyɔ̍ plìh ke klaaᵻ kli̍hgbɛ̍ ùh-a tè-a ìn ja̍-ɛ ke. Ti̍ nyni̍ wɛ̀ ìè nyɔ̍ ùh-a gbɔ̀lɔ-a bloa̍-a gbɔ̀lɔ ke.”

Wlɛfeleseɔn 15:4

Joi, nyɔ̍ kli̍hgbɛ̍-a mu̍ ìn ja̍ tè, u̍h iě àn nynɛ̌ i̍ bɛ̌-ɛ. Dɛ̍nu̍ɛ, ìn nɛ due bo ɔ̀ wɛ̀ nɛi̍. Bloa̍ kli̍hgbɛ̍-a mu̍ ji̍, wɛ̀ u̍h iě ìn wɛɛ sà. Dɛ̍nu̍ɛ, nyɔ̍ kli̍hgbɛ̍ jě ɛ̍ wɛ̀ ka àn nu̍-dɛ̍ᵻ slɛ̌-a i̍-ɛ.”

Wlɛfeleseɔn 16:9

Nyɔ̍ɔ si̍n-i dǒ ɛ̍ fuun jlo̍jlo̍ we̍. Wɛ̀ Nyɔsoa ɔ̀ blě-a gbǐh dǒ dlǐ dɛ̍ᵻ laa̍ we̍-ɛ, iě u̍h po̍ ɔ̍ nynɛ̌ wlu̍we̍i̍. Wɛ̀ u̍h se̍ u̍h-a gblɛ̍n sɔ̀ɛ̀n kɛ̍n i̍ poe, u̍h iě Nyɔsoa-a nynɛ̌ i̍ bɛ̌-ɛ.

Wlɛfeleseɔn 18:10

U̍h-a mu̍ nya̍ nyna-ɛ, dɛ̍nu̍ɛ, u̍h se̍ pɔ̀n u̍h iě jua̍i̍ sàɛ̀ ke. Wɛ̀ u̍h iě ka dǎ, “Chlě dǒ ìn we̍ Babeloun wlɔ̀. Mɔ̀ ɔ̀ nu̍-a tùgbàwlɔ̀ ɔ̀ ku̍-a wɔ̍n iě ɔ̀ kɔn-a gbǐh-ɛ, mɔ̀ bo gba̍i̍gba̍ se̍ gba̍i̍ bla̍ sǔh wɛ̀ ɔ̀ gbɛ̍n-ɛ kàn ae?”

Wlɛfeleseɔn 18:17

Pàn-dɛ̍ᵻ kli̍hgbɛ̍ la bo gba̍i̍gba̍ se̍ gba̍i̍ bla̍ wɛ̀ i̍h mǎ ka.” Niɔ̍ mɛɛ̍ᵻá chapeᵻ ke, wìèlè mu̍ nyɔ̍ ke, mɛɛ̍-a dbo̍ we̍ nui nyɔ̍ ke, jbǒ kɛ̍n pɛlǔh po̍-e nyɔ̍ ke u̍h-a mu̍ nya̍ nyna-ɛ.

Wlɛfeleseɔn 18:19

U̍h-a mu̍ fìn, u̍h iě sùàɛ̀n pa̍, wɛ̀ u̍h iě blǔh dlǔ po̍. Nɛ̀ u̍h-a mu̍ ka dǎ, “Chlě dǒ tùgbàwlɔ̀ la ɔ̀ ku̍-a wɔ̍n-ɛ we̍, ɔ̀ kɔn di̍i̍ niɔ̍ mɛɛ̍ᵻ blě nyɔ̍ kli̍hgbɛ̍-a sà-a pàn-a de dǒ ɔ̍ pàn-dɛ̍ᵻ we̍-ɛ. Ɔ̍ bo gba̍i̍gba̍ se̍ gba̍i̍ bla̍ ɔ̀ wa̍ wɛ̀.”

Wlɛfeleseɔn 19:5

Wɛ̀ wlu̍ sɔ dě nynɛ̌ gbalǎ kɛ̍n, ɛ̍ la̍a̍, “Plìh ke klaaᵻ, mɔ̀ɔ̍ ùh nu̍-a à Nyɔsoa-a pòi̍nynuu̍ ùh-a tè-a ɔ̍ ja̍-ɛ, mɔ̀ po̍ ɔ̍ tìhwe̍.”

Wlɛfeleseɔn 4:11

“À Joi Nyɔsoa, ìn nɛ ɛ̍ ka̍. Àn tìh-a i̍ bɛ̌-ɛ ke ja̍ tè-ɛ ke gbǐh nɛ we̍ i̍ ble̍-e ka̍, dɛ̍nu̍ɛ, mɔ̀ bo ɔ̀ nu̍ dɛ̍ᵻ kli̍hgbɛ̍ iě i̍h nɛ, wɛ̀ ìn dǔ àn chɛ̀-a wlùh-u iě ìn nu̍ dɛ̍ᵻ kli̍hgbɛ̍.”

Wlɛfeleseɔn 4:9

Nyɔ̍ ɔ̀ tè-a i̍ dǒ nynɛ̌ gbalǎ kɛ̍n ɔ̀ se̍-a mɛ̌ la̍ kɔn-ɛ, pò kmɔ̌ nɛ dɛ̍ᵻ laa̍ i̍h ble̍ ɔ̍ tìh-a i̍ bɛ̌-ɛ ke ja̍ tè duǐh wɛ̀ i̍h iě ɔ̍ tlɔ̌ po̍-ɛ,

Wlɛfeleseɔn 8:10

Wɛ̀ ǐnchɔ̀-a ta̍a̍n naɛ bla̍ ɛ̍ dɔ̍gbɛ̍, iě chǔhtlɛ̀n klaa ɛ̀ wa̍n-a tàù-a dɛ̍-ɛ, wɛ̀ ɛ̍ blu̍ dě ja̍u̍n wlì. Iě ɛ̍ gbǎ nǐᵻ klaaᵻá gbɔ̍ᵻ ta̍a̍n naɛ-a due kɛ̍n ɛ̍ ke kao̍dluᵻ ke.