Wlɛfeleseɔn 14:5 - Ku̍o̍ Delee 1999

⁵ Nyɔ̍-ɔ se̍a u̍h-a si̍h nynɛ̌ wɔ̌n sàì. U̍h se̍ kɔ̌ɛ nynɛ̌ blě.

Wlɛfeleseɔn 14:5 Iomraidhean Croise

Matio 12:34

Mɔ̀ wɔ̀ sɛ̍ᵻ, mɔ̀-a nu̍-a dɛ̍ᵻ sɔ̀nᵻɛ́, nɛ̀ ka mɔ̀-a mu̍ dɛ̍ chɛ̀-ɛ sà-a nu̍ ɛ? Dɛ̍nu̍ɛ, dɛ̍ ɛ̀ nɛ-a dě nyɔ̍ wlùh di̍i̍-ɛ, ɛ̍ bo wɔ̍n-a sà-a.

Pɔ̀n Chɛ̀ Luu To-a La 23:4

Wɛ̀ Pale la̍a̍ dě slaǎ sà nyɔ̍ klaaᵻ ke nyɔ̍ tlùgbei̍ laa̍ we̍, “Ǐn se̍ jɔ̍gbau la dɛ̍ sɔ̀n pùn jě.”

Chɔɔn 1:47

Dǒ Jusu jě-e Natanio nɛ̀ ɔ̍ ji̍ ɔ̍ wlì. Iě Jusu bla̍ ɔ̍ dɛ we̍i̍, ɔ̍ la̍a̍, “Ɔ̀ la bo ɔ̀ nu̍ Eslɔɛ jǔ gbe̍i̍n, si̍h dɛ se̍ dě ɔ̍ ja̍a̍ nɛ.”

Ɛfɛsɔ 5:27

Ɔ̍ nu̍ ɛ̍-ɛ wɛ̀ chɔchi̍h iě dǒ ɔ̍ we̍ i̍ wɔ̀ wɛ̀ ɛ̍ iě maloo nɛ. Ɛ̍ ku̍ se̍ tlǎ, iě ɛ̍ fɛ̍nɛ. Dɛ̍wɛ dɛɛ-a chɛ̀ se̍ ɛ̍ i̍ nɛ ke. Ɛ̍ wɛ̀ nɛi̍ iě ɛ̍ nynɛ̌ se̍ kɔ̌.

Kalase 1:22

Jɛ kaka la̍ ɔ̍ Jǔ ɔ̀ mɛ̌-a dě nyi̍ɔ̍ku di̍i̍-ɛ, ɛ̍-ɛ nɛ kmɔ̌ iě Nyɔsoa ke mɔ̀-a kmɔ̌ gbe̍ɛ̍ɛn i̍ wɛ̀. Mɔ̀ wɛ̀ nɛi̍ iě mɔ̀ nɛ wlaǎwla, mɔ̀-a nu̍-dɛ̍ᵻ wɛ̀ gblɛ̍ja̍i̍ dě ɔ̍ jlǐh.

Iblu 9:14

Pò nmi̍ɛ̍-ɛ nymɔ̍ ja nyɔ̍ dě Nyɔsoa jlǐh i̍ nmɔ-ɛ, nɛ̀ Klai jɔ jii-a dě kmɔ̌ sie Nyɔsoa-a Sùù di̍i̍ wɛ̀ ɔ̀ sà-a ɔ̍ chɛ̀ kwlǎ iě ɔ̍ se̍-a nɛi̍ nɛ fu̍u̍-ɛ, nɛ̀ à ji̍ ɔ̍ naɛ nymɔ̍ jě. Nɛ̀ ɛ̍ bɛ̌ɛ ɛ̍ iě à wlùh-a wlaǎwla nu̍, wɛ̀ à iě pɔ̀ɔ̍pìe̍ dɛ̍ᵻ à nu̍-a i̍ tǎli, à iě kmɔ̌ nɛ Nyɔsoa jǔ dbee.

1 Pitɛ 1:19

Klai ɔ̀ wɔ̀-a slaǎ sà blawɛ̌ ɛ̀ se̍-a nɛi̍ nɛ fu̍u̍-ɛ, ɔ̍ nymɔ̍ ɛ̀ gbǎ-a dɛ̍kɛ̍n-ɛ, ɛ̍ bo ɔ̍ pùhbɔ mɔ̀ kɛ̍ɛ̍n.

1 Pitɛ 2:22

Ɔ̍ se̍ gblɛ̍n sɔ̀ɛ̀n nu̍, nyɔ̍ wɔ̍ se̍ ɔ̍ si̍h wlu̍-a chɛ̀ wɔ̍ɔ̍n wɔ̌n ke.

1 Pitɛ 3:10

Nyɔsoa-a wlu̍ la̍a̍, “Nyɔ̍-o-nyɔ̍ ɔ̀ pɔ̀n-a kmɔ̌ nu̍-ɛ i̍ ɔ̍ iě-a ti̍ chɛ̀ kɛ̍n jɛɛ-ɛ, ɔ̍ bɔ̌ dɛ̍ sɔ̀n wlu̍ di̍i̍ po̍-ɛ. Ɔ̍ bɔ̌ si̍h tmɔ̌-ɛ.

Judi 1:24

Nyɔsoa bo ɔ̀ bɛ̌ɛ kmɔ̌ nɛ-ɛ iě mɔ̀ se̍ tàmlain gbǎ-ɛ mu̍, wɛ̀ mɔ̀ iě nɛi̍ wɛ̀. Nɛ̀ ɔ̍ mu̍ mɔ̀ dǒ ɔ̍ chɛ̀ jlǐhwai gba̍ dǒ mɔna̍ dɔu we̍, wɛ̀ mɔ̀ iě ɔ̍ tìh-a i̍ bɛ̌-ɛ jě.